ភ្នំពេញៈ ក្រសួង​អប់រំ​នឹង​ធ្វើការ​ពិនិត្យ​ទៅលើ​ករណី​បេក្ខនារី​ស្វ័យរិន​ម្នាក់​ដែល​បាន​ឈឺ​ពោះ​សម្រាល​កូន​នៅក្នុង​ម៉ោង​ប្រឡង​បាក់ឌុប​ថ្ងៃ​​ចុងក្រោយ​កាលពី​សប្តាហ៍​មុន​បន្ទាប់ពី​ក្រសួង​កិច្ចការ​នារី​បាន​ចេញ​លិខិត​អន្តរាគមន៍​ទៅ​ក្រសួង​អប់រំ​ស្នើសុំ​កុំ​ឲ្យ​ផ្តល់​ពិន្ទុ​សូន្យ​ដល់​ស្ត្រី​រូប​នេះ​ពីព្រោះ​វា​អាច​ធ្វើឲ្យ​នាង​ធ្លាក់​ដោយ​ស្វ័យប្រវត្តិ​។ នេះ​បើ​តាម​មន្ត្រី​ក្រសួង​អប់រំ​ឲ្យ​ដឹង​កាលពី​ម្សិលមិញ​។