ភ្នំពេញៈ ក្រសួង​មហាផ្ទៃ​បាន​កោះ​ហៅ​សកម្មជន​ដីធ្លី​នៅ​សហគមន៍​បឹងកក់​ចំនួន ១០ នាក់​ឱ្យ​ទៅ​បំភ្លឺ​នៅ​ថ្ងៃ​ទី​ ២៥ ខែ​ឧសភា​ក្នុង​នាម​ជា​ដើម​បណ្តឹង​ក្នុង​សំណុំ​រឿង​ចាស់​កាលពី​ឆ្នាំ ២០១៣ ស្រប​ពេល​ដែល​សកម្មជន​ដីធ្លី​​ទាំង​នេះ​កំពុង​បន្ត​​​ធ្វើ​​យុទ្ធនាការ​ស្លៀកពាក់​ខ្មៅ​រៀងរាល់​ថ្ងៃ​ចន្ទ​ដើម្បី​​ទាមទារ​ឲ្យ​​មាន​ការ​ដោះលែង​មន្ត្រី​សិទ្ធិ​មនុស្ស និង​មន្ត្រី គជប ៥ រូប​ដែល​ត្រូវ​បាន​ចាប់​ឃុំ​ខ្លួន​ក្នុង​សំណុំ​រឿង​នាង​ ស្រីមុំ ដែល​ត្រូវ​​គេ​អះអាង​ថា​ជា​ស្រី​កំណាន់​របស់​លោក កឹម សុខា ប្រធាន​ស្តីទី​គណបក្ស​សង្គ្រោះ​ជាតិ​។