.jpg)
ស្ត្រីនៅក្នុងវីដេអូឃ្លីប ដែលបង្ហាញពីសកម្មភាពយកសត្វព្រៃមកធ្វើម្ហូប។
ភ្នំពេញៈ ក្រសួងបរិស្ថាន នៅមិនទាន់សម្រេច ថាតើនឹងត្រូវចាត់វិធានការបែបណា ចំពោះប្តីប្រពន្ធពីរនាក់ ដែលបានយកសត្វព្រៃមកធ្វើម្ហូប ហើយបានថតជាវីដេអូឃ្លីប បង្ហោះតាមបណ្តាញសង្គម ដែលធ្វើឲ្យមានការរិះគន់យ៉ាងខ្លាំង បន្ទាប់ពីប្តីប្រពន្ធទាំងពីរនាក់នេះ បានចូលមកសារភាពនៅថ្ងៃទី ១០ ខែឧសភា ឆ្នាំ ២០១៨។
លោក ជា សំអាង អគ្គនាយកដ្ឋានរដ្ឋបាលការពារ និងអភិរក្សធម្មជាតិ នៃក្រសួងបរិស្ថានបានប្រាប់ភ្នំពេញប៉ុស្តិ៍ថា ក្រសួងទើបទទួលបានព័ត៌មាន កាលពីព្រឹកថ្ងៃទី ៩ ខែ សីហា អំពីវីដែអូឃ្លីបដែលប្តីប្រពន្ធ័ទាំងពីរនាក់នោះ បានបង្ហោះ ហើយនៅថ្ងៃទី ១០ ខែឧសភា ក្រសួងបានធ្វើសន្និសិតកាសែតក្រោយពីប្តីប្រពន្ធទាំងពីរនាក់ បានចូលខ្លួនមកសារភាពកំហុស។
លោកសំអាងបញ្ជាក់ថា៖«យើងកំពុងចាត់វិធានការតាមច្បាប់។ អីលូវក្រុមការងារ កំពុងតែធ្វើរបាយការណ៍»។
លោក ជា សំអាង បានឲ្យដឹងទៀតថា សត្វទាំងអស់ភាគច្រើន មិនឃើញមានជាសត្វកម្រទេ។ «វាមិនទាំងអស់ជាសត្វកម្រ តែប្រភេទសត្វស្លាប គ្រៀល វាគឺជាសត្វកម្រ ដែលគេអភិរក្ស។ បង្គួយនិងខ្លាព្រៃជាប្រភេទបង្គួរទេ»។
លោក ភួង រ៉ាទី ត្រូវជាប្តី បាននិយាយក្នុងសន្និសីទសារព័ត៌មានថា លោកនិងភរិយា បានទិញសត្វព្រៃទាំងនោះ។
ប្តី ប្រពន្ធទាំងពីរនាក់នេះ និងអ្នកផ្សែងទៀត បានចាប់ផ្តើមថតវីដែអូរ តាំងពីខែ ធ្នូ ឆ្នាំ ២០១៧ មក ដែលបង្ហាញពីការយកសត្វព្រៃ ធ្វើជាម្ហូប ហើយចាប់ផ្តើមបង្ហោះកាលពីខែមេសា។
លោក រ៉ាទី និយាយថា៖«តាមពិត អ្វីដែលខ្ញុំបានធ្វើ គឺដើម្បីរកប្រាក់ចំណូលតាម youtube ដោយសារយើងអត់ដឹង។ យើងដឹងខ្លួនទើបមកទទួលទោសមុន។ មកដល់ពេលនេះ យើងទទួលបាន ៥០០ ដុល្លារ ប៉ុន្តែយើងអត់ទាន់បានលុយដល់ដៃទេ»។
រ៉ាទីបាននិយាយថា៖«ខ្ញុំសូមទោសជាសាធារណៈ ពួកខ្ញុំទាំងពីរនាក់ បានប្រព្រិតទោស ដែលធ្វើអោយខូចខាត ដល់ធនធានធម្មជាតិ ដល់សត្វព្រៃ។ ពួកខ្ញុំអត់មានចេតនា និងបំណងធ្វើបែបនេះទេ ហើយសត្វដែលខ្ញុំទទួលបានមកនោះ គឺងាប់បាត់ហើយ»។
ចាន់ ប៉ូលីន ដែលត្រូវជាភរិយា បាននិយាយថា៖«ខ្ញុំអត់ស្គាល់ប្រភេទសត្វទាំងអស់និងទេ វាជាប្រភេទសត្វស្លាបហើយតូច ខ្ញុំអត់ដឹងថា វាមានផលប៉ះពាល់អ៊ីចឹងទេ»។
លោក ជា សំអាង បានមានប្រាសន៍ថា ក្រសួងនិងធ្វើការបន្តទៀត ទាក់ទងនិងទីតាំងដែលប្តីប្រពន្ធ័បានទិញសាច់សត្វព្រៃទាំងអស់។ លោកបញ្ជាក់ថា៖«យើងមិនដឹងអ្នកលក់បានមកពីណាយកមកលក់ទេ។យើងនិងធ្វើការងារបន្តច្រើនទៀត។ យើងកំពុងធ្វើការបន្តទៀថាតើត្រូវពិន័យប៉ុន្មាន។ នៅចរចារច្រើនទៀត»៕
