.jpg)
ក្រុមគ្រូពេទ្យមកយកអ្នកជំងឺ កូវីដ ១៩ នៅម្តុំផ្សារអូរឬស្សីកាលពីថ្ងៃទី ០៩ មេសា។ ហ៊ាន រង្សី
ភ្នំពេញ៖ នៅថ្ងៃទី ១១ ខែមេសា ឆ្នាំ ២០២១ នេះ ក្រសួងសុខាភិបាលប្រកាសរកឃើញមានករណីវិជ្ជមានវីរុសកូវីដ១៩ ថ្មីចំនួន ១៥៧ នាក់បន្ថែមទៀត និងមានអ្នកជាសះស្បើយចំនួន ៧២ នាក់ ខណៈមានមនុស្ស ៣ នាក់បានបាត់បង់ជីវិត ដោយសារជំងឺនេះ។
សេចក្តីប្រកាសរបស់ក្រសួងសុខាភិបាលបានឲ្យដឹងនៅថ្ងៃនេះថា អ្នកឆ្លងទាំង ១៥៧ នាក់ថ្មី គឺមានអ្នកដំណើរចូលមកកម្ពុជាម្នាក់ ហើយក្រៅពីនោះ គឺជាករណីឆ្លងក្នុងព្រឹត្តិការណ៍សហគមន៍ ២០ កុម្ភៈ។
ក្រៅពីចំនួនអ្នកឆ្លងថ្មី ក្រសួង សុខាភិបាល បានអះអាងថា នៅថ្ងៃនេះមានអ្នកស្លាប់ថ្មីចំនួន ៣ នាក់ ដែលនាំឲ្យចំនួនអ្នកស្លាប់សរុបឡើងដល់ ២៩ នាក់។
គិតត្រឹមថ្ងៃទី ១១ មេសា ឆ្នាំ ២០២១ កម្ពុជាមានអ្នកឆ្លងជំងឺកូវីដ ១៩ សរុប ៤២៣៨ នាក់៕
