ភ្នំពេញៈ ក្រសួង​​ការងារ​កាលពី​ម្សិលមិញ​បាន​ដឹកនាំ​កិច្ចប្រជុំ​គណៈកម្មការ​ប្រឹក្សា​ការងារ​ហើយ​បាន​សម្រេច​បង្កើត​ក្រុម​ការងារ​បច្ចេកទេស​មកពី​ ៣ ​ភាគី​ដើម្បី​​ធ្វើការ​សិក្សា​ស៊ី​ជម្រៅ​មុន​នឹង​សម្រេច​​ធ្វើការ​ពិភាក្សា​ពីការ​ដំឡើង​​ប្រាក់​ឈ្នួល​អប្បបរមា​សម្រាប់​វិស័យ​កាត់ដេរ​ និង​ស្បែក​ជើង​សម្រាប់​ឆ្នាំ​ ២០១៧ ​​ខណៈ​ដែល​សហជីព​វិស័យ​ផ្សេង​ទៀត​ក៏​បាន​ប្រជុំ​ពី​រចនាសម្ព័ន្ធ​ប្រាក់​ឈ្នួល​អប្បបរមា​ថ្នាក់​ជាតិ​ផង​ដែរ។