The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​អប់រំ​ និង Panasonic សហការ​គាំទ្រ​ការសិក្សា​តាម​អេឡិចត្រូនិក




ក្រសួង​អប់រំ​ និង Panasonic សហការ​គាំទ្រ​ការសិក្សា​តាម​អេឡិចត្រូនិក

Content image - Phnom Penh Post
ក្រសួង​អប់រំ​ និង Panasonic បានសហការ​គាំទ្រ​ការសិក្សា​តាម​អេឡិចត្រូនិក ដើម្បី​ប្រយុទ្ធប្រឆាំង​ជំងឺ​កូវីដ​ ១៩។ រូបថត MoEYS Cambodia

ក្រសួង​អប់រំ​ និង Panasonic សហការ​គាំទ្រ​ការសិក្សា​តាម​អេឡិចត្រូនិក

ភ្នំពេញៈ ក្រសួង​អប់រំ និង​ក្រុមហ៊ុន Panasonic កាលពី​ថ្ងៃទី​ ៩ ​កញ្ញា​បានប្រកាស​ពី​កិច្ចសហការ​ក្នុង​ការគាំទ្រ​ចំពោះ​ការសិក្សា​តាម​អេឡិចត្រូនិក​ដើម្បី​ប្រយុទ្ធប្រឆាំង​ជំងឺ​កូវីដ​ ១៩ ខណៈ​ក្រសួង​ស្នើឲ្យ​មាន​ការគាំទ្រ​បន្ថែម ចំពោះ​សូឡា​សម្រាប់​គម្រោង​បន្ទប់រៀន​អនឡាញ​តាម​សាលារៀន​ក្នុង​ជំហាន​បន្ទាប់​។

ពិធី​ប្រកាស​ពី​កិច្ចសហការ​គ្នា​នេះ​បាន​ប្រព្រឹត្តទៅ​ក្រោម​អធិបតីភាព​លោកស្រី គឹម សេដ្ឋានី រដ្ឋលេខាធិការ​ក្រសួង​អប់រំ និង​តំណាង​ក្រុមហ៊ុន Panasonic ប្រចាំ​តំបន់​អាស៊ី​ប៉ាស៊ីហ្វិក ព្រមទាំង​មាន​ការចូលរួម​ពី​ប្រធាន​នាយកដ្ឋាន​បច្ចេកវិទ្យា​ព័ត៌មាន​ ខណៈ​ក្នុង​ពិធី​ប្រកាស​ពី​កិច្ចសហការ ក្រុមហ៊ុន​ក៏បាន​ឧបត្ថម្ភ​ម៉ាស៊ីនត្រជាក់​ចំនួន​ ១០ ​គ្រឿង​ ជូន​ក្រសួង​អប់រំ​សម្រាប់​បំពាក់​នៅក្នុង​បន្ទប់​ថត​ពហុផ្សព្វផ្សាយ ដើម្បី​ផ្ដល់​បរិយាកាស​អំណោយផល​ដល់​ការផលិត​វីដេអូ​មេរៀន​។ នេះ​គឺជា​ការគាំទ្រ​ដល់​ការផលិត​មាតិកា​អប់រំ​អេឡិចត្រូនិក សម្រាប់​ការអប់រំ​បែប​ឌីជីថល​។

លោកស្រី សេដ្ឋានី ថ្លែង​ថា​៖ «​នៅក្នុង​ដំណាក់កាល​នៃ​ការរីករាលដាល​នៃ​ជំងឺ​កូវីដ​ ១៩ ហើយ​ក្រសួង​អប់រំ​កំពុង​ផ្ដល់​ការអប់រំ​តាម​អនឡាញ​ដល់​សិស្ស​នៅ​ទូទាំង​ប្រទេស សាលារៀន​ពិតជា​ត្រូវការ​ចាំបាច់​បំផុត​គឺ​អគ្គិសនី ដើម្បី​គាំទ្រ​ដល់​ការសិក្សា​តាម​អនឡាញ​»​។

លោកស្រី​ថា វា​ពិតជា​ការប្រសើរ​​ណាស់​ប្រសិន​បើ​ក្រុមហ៊ុន Panasonic បន្ត​ផ្ដល់​ការគាំទ្រ​ផ្ទាំង​សូឡា​សម្រាប់​ផ្ដល់​ជា​អគ្គិសនី​ដល់​គម្រោង​បន្ទប់រៀន​អនឡាញ​តាម​សាលា ពិសេស​នៅតាម​សាលារៀន​នៅ​តាម​ទីជនបទ​នៃ​ដំណាក់កាល​ការរីករាលដាល​ជំងឺ​កូវីដ ​១៩ ​នេះ​។

លោក អ៊ីជីម៉ា ប្រធាន​ក្រុមហ៊ុន Panasonic (Iijima, Country Head of Panasonic) ថ្លែង​ថា ជា​ជំហាន​ដំបូង​នៃ​ការសហការ​គ្នា​នេះ​ក្រុមហ៊ុន​បាន​សម្រេច​បរិច្ចាគ​ម៉ាស៊ីនត្រជាក់​សម្រាប់​ស្ទូឌីយោ​ដែល​ក្រសួង​មាន​បច្ចុប្បន្ន និង​ស្ទូឌីយោ​ថ្មី​ទាំងអស់​ដើម្បី​បង្កើត​បរិយាកាស​ប្រកបដោយ​ផាសុកភាព ដោយ​រំពឹង​ថា អាច​ជា​ចំណែក​មួយ​ជួយ​ឲ្យ​មាន​ភាពងាយស្រួល​ឡើង​ក្នុង​ការធ្វើការ​ប្រចាំថ្ងៃ​របស់​បុគ្គលិក​អប់រំ និង​ការបង្រៀន​យ៉ាង​ស្វិតស្វាញ​របស់​លោកគ្រូ​អ្នកគ្រូ​ទាំងអស់ ព្រោះ​ពួកគាត់​មាន​សារៈសំខាន់​យ៉ាងខ្លាំង​សម្រាប់​ការអប់រំ​នៅ​កម្ពុជា​។

លោក​ថ្លែងថា​៖ «​យើង​កំពុង​ពិចារណា ថា​តើ​ការគាំទ្រ​បែបណា​ដែល​ល្អ​បំផុត​សម្រាប់​សង្គម និង​ក្រសួង​អប់រំ ហើយ​យើង​នឹង​បន្ត​ពិភាក្សា​ជាមួយ​ក្រសួង​អប់រំ​យុវជន​ និង​កីឡា​លើ​កិច្ចការ​នេះ​»​។

លោក រស់ សុវាចា អ្នកនាំពាក្យ​ក្រសួង​អប់រំ ថ្លែង​ថា ក្រសួង​អប់រំ​បាន​ស្នើ​ដល់​ក្រុមហ៊ុន​ចំពោះ​កិច្ចសហប្រតិបត្ដិការ​ជា​បន្តទៀត​ដើម្បី​ពិនិត្យ​លទ្ធភាព​ផ្ដល់​ជា​ផ្ទាំង​សូឡា​ដល់​សាលារៀន​នៅ​តាម​ទីជនបទ​ក្នុង​បរិបទ​នៃ​ការរីករាលដាល​ជំងឺ​កូវីដ​ ១៩ ដែល​ក្រសួង​អប់រំ គ្រោង​រៀបចំ​បន្ទប់រៀន​អនឡាញ​នៅតាម​សាលារៀន​។ «​ការដាក់​ផ្ទាំង​សូឡា​នៅតាម​សាលារៀន​នេះ​ដើម្បី​ទាញយក​ប្រភព​ថាមពល​មកប្រើប្រាស់​នៅក្នុង​តម្រូវការ​តាម​បន្ទប់រៀន​អនឡាញ​នៅតាម​សាលារៀន​ផ្ទាល់ ពិសេស​នៅ​ទីជនបទ​។ ក្រុមហ៊ុន Panasonic ពិចារណា​ទៅលើ​សំណើ​របស់​ក្រសួង​នេះ​»​។

បើ​តាម​លោក សុវាចា កន្លងមក​ក្រុមហ៊ុន​បាន​ចូលរួម​លើកកម្ពស់​វិស័យ​អប់រំ​នៅ​កម្ពុជា តាមរយៈ​ការផ្ដល់​អាហារូបករណ៍​ដល់​និស្សិត​ដែល​សិក្សា​នៅ​សាកលវិទ្យាល័យ ព្រមទាំង​ផ្ទាំង​សូឡា​មួយចំនួន ដើម្បី​ផ្ដល់​ការអប់រំ​ដល់​សិស្ស​ក្នុង​ការធានា​ឲ្យ​បាន​ថា ពួកគេ​នៅ​តែ​អាច​សិក្សា​បាន ទោះបី​ជា​ស្ថិត​នៅក្នុង​តំបន់​ជនបទ​ក្ដី​៕

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។