The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​ឲ្យ​លោកស្រី ឡាក់ សុភាព បំពេញ​បែបបទ​នៅ​សល់

ក្រសួង​ឲ្យ​លោកស្រី ឡាក់ សុភាព បំពេញ​បែបបទ​នៅ​សល់

លោកស្រី ឡាក់ សុភាព បង្ហាញ​ឯកសារ​ពុករលួយ​កន្លង​មក​។
លោកស្រី ឡាក់ សុភាព បង្ហាញ​ឯកសារ​ពុករលួយ​កន្លង​មក​។ ម៉ៃ វីរៈ

ក្រសួង​ឲ្យ​លោកស្រី ឡាក់ សុភាព បំពេញ​បែបបទ​នៅ​សល់

ភ្នំពេញៈ ក្រសួង​មហាផ្ទៃ​បាន​ណែនាំ​ឲ្យ​អតីត​មន្ត្រី​ជាន់ខ្ពស់​គណបក្ស​សង្គ្រោះ​ជាតិ​លោកស្រី ឡាក់ សុភាព បច្ចុប្បន្ន​ជា​តំណាង​ស្ថាបនិក​គណបក្ស​ខ្មែរ​សាមគ្គី (គ ខ ស) បំពេញ​នូវ​បែបបទ និង​លក្ខខណ្ឌ​ដែល​នៅ​សេសសល់​តាម​ច្បាប់​ស្តីពី​ការ​បង្កើត​គណបក្ស​ដើម្បី​ទទួល​បាន​សុពលភាព​ផ្លូវ​ច្បាប់។

តាម​លិខិត​ចុះ​ហត្ថលេខា​ដោយ​រដ្ឋមន្ត្រី​ក្រសួង​មហាផ្ទៃ​លោក​ឧបនាយក​រដ្ឋមន្ត្រី ស ខេង ចុះ​ថ្ងៃ​ទី ៦ ខែ​សីហា​​ បាន​ឲ្យ​ដឹង​ថា ​ក្រសួង​បាន​ទទួល​រួច​ហើយ​នូវ​លិខិត​ស្នើសុំ​បង្កើត​គណបក្ស​ខ្មែរ​សាមគ្គី​របស់​លោកស្រី ឡាក់ សុភាព ដែល​មាន​ទីស្នាក់ការ​កណ្តាល​នៅ​ផ្ទះ​លេខ ២៦៣ ផ្លូវ​លេខ ៣៥៧ សង្កាត់​ច្បារអំពៅ ២ ខណ្ឌ​ច្បារអំពៅ រាជធានី​ភ្នំពេញ​ស្រប​តាម​ជំពូក​ទី ២ ត្រង់​មាត្រា ៩ នៃ​ច្បាប់​ស្តីពី​ការ​បង្កើត​គណបក្ស​។ ដោយឡែក​ដើម្បី​ទទួល​បាន​សុពលភាព​គណបក្ស​នេះ​ត្រូវ​បំពេញ​បែបបទ និង​លក្ខខណ្ឌ​ដូច​មាន​ចែង​ក្នុង​ជំពូក​ទី ៥ មាត្រា ២០ នៃ​ច្បាប់​ដដែល​នេះ​។

មាត្រា ២០ នៃ​ច្បាប់​ស្តីពី​ការ​បង្កើត​គណបក្ស​បាន​ចែង​ថា​គណបក្ស​នយោបាយ​ត្រូវ​បំពេញ​បែបបទ និង​លក្ខខណ្ឌ​ដូចជា​ពាក្យ​សុំ​ចុះ​បញ្ជី​ដែល​មាន​ហត្ថលេខា​ប្រធាន​គណបក្ស​ឈ្មោះ​ជា​អក្សរ​ពេញ និង​អក្សរ​កាត់ និង​សញ្ញា​សម្គាល់​បក្ស​ អាស័យដ្ឋាន ច្បាប់​ដើម​នៃ​លក្ខន្តិកៈ​របស់​បក្ស​ប្រសិន​បើ​មាន​គោលនយោបាយ កម្មវិធី​នយោបាយ សេចក្តី​ថ្លែងការណ៍​ជា​លាយ​លក្ខណ៍​អក្សរ​បញ្ជី​ឈ្មោះ​ដោយ​មាន​អាយុ​ អាស័យដ្ឋាន និង​ស្នាម​មេដៃ​សមាជិក ៤ ពាន់​នាក់ ជីវប្រវត្តិ​សង្ខេប​ស្ថាបនិក ៣ នាក់ សេចក្តី​ប្រកាស​អំពី​គណនី​ធនាគារ​ជាដើម។

លោកស្រី ឡាក់ សុភាព តំណាង​ស្ថាបនិក​គណបក្ស​ខ្មែរ សាមគ្គី (គ ខ ស) បាន​ឲ្យ​ដឹង​ថា​គណបក្ស​ថ្មី​នេះ​បាន​កំពុង​ដំណើរការ​រៀបចំ​បែបបទ និង​លក្ខខណ្ឌ​តាម​ការ​ណែនាំ​របស់​ក្រសួង​មហាផ្ទៃ​ហើយ​បន្ទាប់ពី​ដាក់​លិខិត​ជម្រាប​ពី​ការ​បង្កើត​បក្ស​ កាលពី​ចុង​ខែ​ កក្កដា​ កន្លង​ទៅ​ប៉ុន្តែ​លោកស្រី​នៅ​មិន​ទាន់​កំណត់​ថ្ងៃ​ដើម្បី​បញ្ចប់​ការ​រៀបចំ​បែបបទ​ទាំង​នេះ​ដើម្បី​ដាក់​លិខិត​ជាថ្មី​ទៅ​កាន់​ក្រសួង​មហាផ្ទៃ​ដើម្បី​ទទួល​សុពលភាព​ផ្លូវការ​នៅ​ឡើយ​ទេ។

លោកស្រី​ថា៖ «យើង​កំពុង​ប្រមូល​ស្នាម​មេដៃ​សមាជិក ៤ ០០០ នាក់​ក្រុម​ការងារ​របស់​យើង​បាន​រៀបចំ​សេចក្តី​ព្រាង​ស្តីពី​លក្ខន្តិកៈ បទបញ្ជា និង​គោលនយោបាយ​រួចរាល់​ហើយ​ប៉ុន្តែ​សម្រាប់​សមាសភាព​ប្រធាន ឬ​អនុប្រធាន​បក្ស​គឺ​យើង​មិន​ទាន់​រើស​នោះ​ទេ​អាស្រ័យ​លើ​សមាជ​ថ្ងៃ​ខាង​មុខ​ព្រោះ​យើង​ប្រកាន់​គោលការណ៍​ដូច​អាមេរិក​អ៊ីចឹង​យក​ការ​បោះឆ្នោត​ប៉ុន្តែ​យើង​មិន​ទាន់​បាន​កំណត់​ថ្ងៃ​សមាជ​នៅ​ឡើយ»។

លោកស្រី ឡាក់ សុភាព ធ្លាប់​ជា​អតីត​ជំនួយ​ការ​លោក កឹម សុខា អនុប្រធាន​គណបក្ស​សង្គ្រោះ​ជាតិ​ដែល​ត្រូវ​បាន​បណ្តេញ​ចេញ​ពី​គណបក្ស​ក្រោយ​មាន​រឿង​ចម្រូង​ចម្រាស​ដែល​លោកស្រី​បាន​ចោទ​ថា​មេដឹកនាំ​គណបក្ស​សង្គ្រោះ​ជាតិ លោក សម រង្ស៊ី ពុករលួយ​ទទួល​យក​ប្រាក់ ២០ លាន​ដុល្លារ​ដើម្បី​ចរចា​ជាមួយ​លោក​នាយករដ្ឋមន្ត្រី ហ៊ុន សែន អំឡុង​ពេល​ជាប់​គាំង​នយោបាយ​។

ក្នុង​រយៈកាល​ចុងក្រោយ​នេះ​គណបក្ស​ថ្មីៗ​ចំនួន ៤ បាន​លេច​ចេញ​ជា​រូបរាង​ជា​បន្តបន្ទាប់​ក្នុង​នោះ​មាន​គណបក្ស​សំបុក​ឃ្មុំ​សង្គម​ប្រជាធិបតេយ្យ​របស់​លោក ម៉ម សូណង់ដូ គណបក្ស​អំណាច​ខ្មែរ​របស់​លោក សួន សេរីរដ្ឋា គណបក្ស​ប្រជាធិបតេយ្យ​មូលដ្ឋាន​របស់​លោក យ៉េង វីរៈ និង​គណបក្ស​ខ្មែរ​សាមគ្គី​របស់​លោកស្រី ឡាក់ សុភាព​។

នាយក​ប្រតិបត្តិ​នៃ​គណៈកម្មការ​រៀបចំ​ការ​បោះឆ្នោត​ដោយ​សេរី និង​យុត្តិធម៌ ខុម ហ្វ្រែល លោក គល់ បញ្ញា មាន​សុទិដ្ឋិនិយម​ចំពោះ​ការ​កើនឡើង​នៃ​ការ​បង្កើត​គណបក្ស​នយោបាយ​ស្រប​តាម​គោលការណ៍​សេរី ពហុបក្ស សម្រាប់​ជា​ជម្រើស​ដល់​ម្ចាស់​ឆ្នោត​នា​ថ្ងៃ​អនាគត​ពាក់ព័ន្ធ​នឹង​គោលនយោបាយ​របស់​បក្ស​នីមួយៗ។

លោក​ថា៖ «យើង​មិន​អាច​ទស្សន៍ទាយ​បាន​ទេ​ថា​គណបក្ស​ថ្មីៗ​ទាំងនេះ​អាច​ដណ្តើម​សន្លឹក​ឆ្នោត ឬ​ទទួល​បាន​អ្នក​គាំទ្រ​កម្រិត​ណា​នោះ​ទេ​ប៉ុន្តែ​គណបក្ស​កាន់តែ​ច្រើន​ពលរដ្ឋ​មាន​ជម្រើស​ក៏​កាន់តែ​ច្រើន​ដោយ​ហេតុ​ថា​ពលរដ្ឋ​កម្ពុជា​ជាពិសេស​យុវជន​ដែល​ជា​ក្រុម​សម្រេច​ចិត្ត​គឺ​មាន​ច្រើន​អ៊ីចឹង​ហើយ​ស្ថានភាព​នយោបាយ សេដ្ឋកិច្ច​នឹង​ជួយ​ពួក​គាត់​ក្នុង​ការ​សម្រេច​ចិត្ត»៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។