The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមសិទ្ធិ​មនុស្ស​អន្តរជាតិ​អំពាវនាវ​ឲ្យ​ដោះ​លែង​សកម្មជន​បរិស្ថាន

ក្រុមសិទ្ធិ​មនុស្ស​អន្តរជាតិ​អំពាវនាវ​ឲ្យ​ដោះ​លែង​សកម្មជន​បរិស្ថាន

Content image - Phnom Penh Post
ក្រុម​គ្រួសារ​សកម្មជន​បរិស្ថាន​​​អំពាវនាវ​ដល់​ប្រមុខ​​រាជ​រដ្ឋាភិបាល និង​តុលាការ​ខេត្ត​កោះកុង​ទម្លាក់​​ការ​ចោទប្រកាន់​ កាល​ពី​សប្តាហ៍​មុន​ផងដែរ។​​​ ផា លីណា

ក្រុមសិទ្ធិ​មនុស្ស​អន្តរជាតិ​អំពាវនាវ​ឲ្យ​ដោះ​លែង​សកម្មជន​បរិស្ថាន

ភ្នំពេញៈ ក្រុម​សិទ្ធិ​មនុស្ស​​អន្តរជាតិ​បាន​ចេញ​ «ការ​អំពាវនាវ​ជា​បន្ទាន់»​មួយ​នា​សប្តាហ៍​នេះ​ ដើម្បី​ឲ្យ​មាន​ការ​ដោះ​លែង​​សកម្មជន​បរិស្ថាន​បី​នាក់​​ក្នុង​ខេត្ត​ កោះកុង ដែល​ត្រូវ​បាន​ដាក់​ពន្ធនាគារ​កាល​ខែ​សីហា​ពាក់​ព័ន្ធ​នឹង​​សកម្មភាព​ប្រឆាំង​ការ​បូម​ខ្សាច់។

ក្រុម​ការពារ​សិទ្ធិ​មនុស្ស ​ដែល​ធ្វើ​ការ​ងារ​ជា​មួយ​​សហព័ន្ធ​អន្តរជាតិ​​ដើម្បី​សិទ្ធិមនុស្ស (FIDH) និង​អង្គការ​ប្រឆាំង​ការ​ធ្វើ​ទារុណ្ឌ​កម្ម​ពិភព​លោក (OMCT)​ បាន​បង្ហាញ​ក្តីបារម្ភ​​ចំពោះ​«ការ​យាយី​​ជាបន្ត» ទៅ​លើ​សកម្មជន​បរិស្ថាន​ដែល​ត្រូវ​បាន​ដាក់​ពន្ធនាគារ​ដូច​ជា​ លោក ស៊ីម សំណាង លោក ទ្រី សូវិគា ​និងលោក សាន ម៉ាឡា ​ដែល​ធ្វើ​ការងារ​ជាមួយ​​អង្គការ Mother Nature នៅ​ក្នុង​ប្រទេស​កម្ពុជា។

ក្រុមសិទ្ធិ​មនុស្ស​នេះ​បាន​ថ្លែង​នៅ​ក្នុង​សេចក្តី​ថ្លែងការណ៍​មួយ​កាលពីថ្ងៃ​ចន្ទ​ ​បន្ទាប់ពី​ការ​សាក​សួរ​បន្ថែម​​កាល​ពី​សប្តាហ៍​មុន​ដោយ​សាលា​ដំបូង​ខេត្ត​កោះកុង ថា​៖ «ក្រុម​សិទ្ធិ​មនុស្ស​ថ្កោល​ទោស​យ៉ាង​ខ្លាំង​​ទៅ​លើ​ការ​យាយី​ជា​បន្ត​ទៅ​លើ​អង្គការ Mother Nature ​ជា​ពិសេស​សកម្ម​ភាព​សិទ្ធិ​មនុស្ស​ស្របច្បាប់​​និង​ការ​យាយី​ពី​ប្រព័ន្ធ​តុលាការ​ទៅ​លើ​អ្នក​ទាំង​បី​ ​ហើយ​ដែល​មាន​គោល​បំណង​តែ​មួយ​គត់​គឺ​ដាក់​ទណ្ឌ​កម្ម​​ទៅ​លើ​​សកម្មភាព​សិទ្ធិ​មនុស្ស​​​ស្របច្បាប់»។

«ក្រុមសិទ្ធិ​មនុស្ស​អំពាវនាវ​ឲ្យ​អាជ្ញាធរ​កម្ពុជា​ដោះ​លែង​ពួកគេ​ជា​បន្ទាន់​​និង​ដោយ​គ្មាន​លក្ខខណ្ឌ និង​លើក​លែង​ការ​ចោទ​ប្រកាន់​លើ​ពួក​គេ​ទាំងអស់»។

បុរស​ទាំង​បី​នាក់​នេះ​ត្រូវ​បាន​ឃុំ​ខ្លួន​នៅ​ពន្ធនាគារ​​ខេត្ត​កោះកុង ​រួម​ជាមួយ​សកម្មជន​តំបន់​អារែង​ម្នាក់​ទៀត​ដែល​ត្រូវ​បាន​ដាក់​ពន្ធនាគារ​កាល​ពី​ខែ​មុន​ពាក់​ព័ន្ធ​នឹង​ការ​ចោទ​ប្រកាន់​បទ​ល្មើស​ព្រៃឈើ។ PS

អត្ថបទគួរចាប់អារម្មណ៍