The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​សិទ្ធិមនុស្ស​អំពាវនាវ​ឲ្យ​ដោះលែង​សកម្មជន




ក្រុម​សិទ្ធិមនុស្ស​អំពាវនាវ​ឲ្យ​ដោះលែង​សកម្មជន

លោក មាជ សុវណ្ណារ៉ា ពេល​នាំ​មក​សាលាឧទ្ធរណ៍​។
លោក មាជ សុវណ្ណារ៉ា ពេល​នាំ​មក​សាលាឧទ្ធរណ៍​។ ហេង ជីវ័ន

ក្រុម​សិទ្ធិមនុស្ស​អំពាវនាវ​ឲ្យ​ដោះលែង​សកម្មជន

ភ្នំពេញៈ ក្រុម​អង្គការ​សិទ្ធិមនុស្ស​បាន​អំពាវនាវ​ឲ្យ​អាជ្ញាធរ​លើកលែង​ការ​ចោទប្រកាន់​ពី​បទ​បង្ក​ការ​បះបោរ​ទៅលើ​មន្រ្តី​គណបក្ស​ប្រឆាំង​និង​សកម្មជន​ចំនួន​១១ រូប​ដែល​ត្រូវ​ឡើង​តុលាការ​នៅ​ថ្ងៃ​ស្អែក។

នៅក្នុង​សេចក្តី​ថ្លែងការណ៍​មួយ​កាល​ម្សិលមិញ អង្គការ​ឃ្លាំមើល​សិទ្ធិមនុស្ស​បាន​ថ្លែង​ថា ខ្លួន​មាន​ភ័ស្តុតាង​វីដេអូ​បង្ហាញ​ថា ចុងចោទ​មិនមែន​ជា​ជនល្មើស​នៃ​អំពើ​ហិង្សា​នៅ​ក្បែរ​ទីលាន​ប្រជាធិបតេយ្យ​ទេ​។

សេចក្តី​ថ្លែងការណ៍​ឲ្យ​ដឹង​ថា​៖ «​រដ្ឋាភិបាល​កម្ពុជា​បាន​ប៉ុនប៉ង​ទម្លាក់​កំហុស​អំពើ​ហិង្សា​ថ្ងៃ​ទី​១៥ កក្កដា​ទាំង​ស្រុង​ទៅលើ​គណបក្ស​សង្គ្រោះ​ជាតិ​»​។

«​វីដេអូ​នេះ​បង្ហាញ​ថា ក្រុម​អ្នកតវ៉ា​បាន​វាយប្រហារ​សន្តិសុខ​ជា​ការ​ឆ្លើយតប​ភ្លាមៗ​ទៅ​នឹង​ការ​វាយប្រហារ​របស់​កម្លាំង​សន្តិសុខ និង​ផ្ទុយ​ពី​ការ​អង្វរ​សុំ​អហិង្សា​ពី​មេដឹកនាំ​គណបក្ស​សង្គ្រោះជាតិ​នៅ​កន្លែង​កើតហេតុ​»។ ៥​ នាក់​ក្នុង​ចំណោម ​១១​ នាក់​ដែល​ត្រូវ​បាន​កោះ​ហៅ​ឡើង​តុលាការ​ត្រូវ​បាន​ឃុំ​ខ្លួន​មុន​ការ​កាត់ទោស​នៅ​ពន្ធនាគារ​ព្រៃស​។ ប្រសិន​បើ​រកឃើញ​ថា មាន​ទោស ពី​ការ​ដឹកនាំ​ការ​បះបោរ ចុងចោទ​ប្រឈម​នឹង​ការ​ជាប់​ពន្ធនាគារ​ចំនួន​ ៣០ ឆ្នាំ​។

អង្គការ​ឃ្លាំមើល​សិទ្ធិមនុស្ស​លើក​ឡើង​ថា៖ «​មន្រ្តី​សន្តិសុខ​ជាន់ខ្ពស់​កម្ពុជា​ម្នាក់​» បាន​ប្រាប់​អង្គការ​ក្រៅ​រដ្ឋាភិបាល​ភ្លាមៗ បន្ទាប់ពី​ការ​ប៉ះទង្គិច​ថ្ងៃ​ទី​១៥ កក្កដា ថា រដ្ឋាភិបាល​មិន​មាន​ភ័ស្តុតាង​បង្ហាញ​ថា ក្រុម​ប្រឆាំង​គ្រោង​ឬ​ផ្តួចផ្តើម​អំពើ​ហិង្សា​នេះ​ទេ​។

លោក Phelim Kine នាយករង​អង្គការ​ឃ្លាំ​មើល​សិទ្ធិមនុស្ស​ប្រចាំ​អាស៊ី បាន​ថ្លែង​ថា ចំណាត់ការ​ផ្លូវច្បាប់ ប្រឆាំង​នឹង​ចុងចោទ​ ១១ ​នាក់​គឺជា ​«​អំពើ​នយោបាយ​គួរ​ឲ្យ​ភ្ញាក់ផ្អើល ទៅលើ​ក្រុម​ប្រឆាំង​ដែល​ត្រូវ​បាន​ឡោមព័ទ្ធ​រួច​ទៅ​ហើយ​​»។

លោក​បន្ត​ថា​៖ «​ម្ចាស់​ជំនួយ​បរទេស​របស់​កម្ពុជា​គួរ​តែ​ដាក់​សម្ពាធ​រដ្ឋាភិបាល​ឲ្យ​លើកលែង​បទ​ចោទប្រកាន់​ប្រឆាំង​នឹង​សកម្មជន​ទាំងនោះ​»។

អង្គការ​សិទ្ធិមនុស្ស​លីកាដូ​កាល​ថ្ងៃ​ចន្ទ​បាន​ថ្កោលទោស​«​បទចោទប្រកាន់​ដែល​កើត​ចេញ​ពី​រឿង​នយោបាយ​»​ទៅលើ​ចុងចោទ​១១​នាក់​នោះ។

លោកស្រី Naly Pilorge ប្រធាន​អង្គការ​លីកាដូ​ថ្លែង​ថា​៖ «​បទចោទប្រកាន់​នោះ​គឺ​គួរ​ឲ្យ​ភ្ញាក់ផ្អើល​។​សូម​កុំ​បំភ្លេច​ហិង្សា​ទាំងនោះ​...ដែល​កើតឡើង​មួយ​ឆ្នាំ​បន្ទាប់ពី​សន្តិសុខ​បាន​ប្រើ​អំពើ​ព្រៃផ្សៃ​ជា​ប្រព័ន្ធ បំបែក​ការ​តវ៉ា​ដោយ​សន្តិវិធី​»​។

អ្នកនាំពាក្យ​គណបក្ស​សង្គ្រោះជាតិ​លោក យឹម សុវណ្ណ បាន​ថ្លែង​ថា ក្រុម​ប្រឆាំង​នឹង​«​រង់​ចាំ​មើល​»​អ្វី​ដែល​នឹង​កើតឡើង​។ «​តុលាការ​ឯករាជ្យ​...ដូច្នេះ​ពួកគេ​គួរ​តែ​ត្រូវ​ដោះលែង ពីព្រោះ​ពួកគេ​មិន​បាន​ធ្វើអ្វី​ខុស​ទេ​»។

អ្នកនាំពាក្យ​ទីស្តីការ​គណៈរដ្ឋមន្រ្តី លោក ផៃ ស៊ីផាន បាន​ថ្លែង​ថា លោក​មិន​ដឹង​អំពី​វិធានការ​របស់​សន្តិសុខ​ក្រៅ​តុលាការ​ទេ ដែល​អ្នកតវ៉ា​ជា​ញឹកញាប់​មក​ប្រមូលផ្តុំ​គ្នា​នៅ​ក្រៅ​តុលាការ ចំពោះ​ការ​កាត់ទោស​សំណុំ​រឿង​ល្បីៗ​៕ PS

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។