The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​ពីរ​ត្រូវ​ជ្រើស​ឲ្យ​បម្រើ​សេវាកម្ម​រថយន្ត​ក្រុង នៅ​រាជធានី​ភ្នំពេញ




ក្រុមហ៊ុន​ពីរ​ត្រូវ​ជ្រើស​ឲ្យ​បម្រើ​សេវាកម្ម​រថយន្ត​ក្រុង នៅ​រាជធានី​ភ្នំពេញ

ក្រុមហ៊ុន​ពីរ​ត្រូវ​ជ្រើស​ឲ្យ​បម្រើ​សេវាកម្ម​រថយន្ត​ក្រុង នៅ​រាជធានី​ភ្នំពេញ

121002_08
ទិដ្ឋភាពធ្វើចរាចរណ៍ នៅលើកំណាត់ផ្លូវព្រះមុនីវង្ស គល់ស្ពានព្រះមុនីវង្ស រាជធានីភ្នំពេញ

ភ្នំពេញៈ ក្រុម​ហ៊ុន​រថយន្ត​ក្រុង ២ ក្នុង​ចំណោម​ក្រុម​ហ៊ុន​ដាក់​ដេញ​ថ្លៃ​ចំនួន​៤ គឺ​ក្រុម​ហ៊ុន​Global (Cambodia)​Trade Development និង​ក្រុម​ហ៊ុន ស៊ីធី​ត្រេនស៍ ខេម​បូឌា ត្រូវ​សាលា​រាជធានី​ភ្នំពេញ ជ្រើស​រើស​ឲ្យ​ផ្តល់​សេវាកម្ម​ដឹក​អ្នក​ដំណើរ​ក្នុង​រាជធានី ដើម្បី​រួម​ចំណែក​កាត់​បន្ថយ​ការ​កក​ស្ទះ​ចរាចរណ៍​ដែល​កំពុង​កើត​មាន​នៅ​ភ្នំពេញ​បច្ចុប្បន្ន។

លោក ឡុង ឌីម៉ង់ មន្រ្តី​នាំ​ពាក្យ​សាលា​រាជធានី​ភ្នំពេញ​បាន​ប្រាប់​ឲ្យ​ដឹង​កាល​ពី​ថ្ងៃ​អាទិត្យ​ថា ឆ្លង​កាត់​ការ​សិក្សា​និង​ពិភាក្សា​គ្នា​យ៉ាង​ល្អិត​ល្អន់ ធ្វើ​ឡើង​ដោយ​ក្រុម​ហ៊ុន Systra ស្តីពី​ការ​សិក្សា​លទ្ធ​ភាព​នៃ​ការ​បង្កើត​បណ្តាញ​ដឹក​ជញ្ជូន​សាធារណៈ និង​ខ្សែ​អាទិ​ភាព ក្នុង​រាជធានី​ភ្នំពេញ និង​លទ្ធភាព​នៃ​ការ​សិក្សា​របស់​ជំនាញ​ការ​ជប៉ុន នៃ​គម្រោង​សិក្សា​លើ​ប្លង់​មេ ស្តីពី​ការ​ងារ​ដឹក​ជញ្ជូន​ក្នុង​រាជធានី​ភ្នំពេញ​រួច​មក សាលា​រាជធានី​បាន​សម្រេច​ជ្រើស​រើស​យក​ក្រុម​ហ៊ុន​រថយន្ត​ក្រុង​២ ក្នុង​ចំណោម​ក្រុម​ដាក់​ដេញ​ថ្លៃ​ចំនួន​៤ ដើម្បី​ឲ្យ​ផ្តល់​សេវាកម្ម​ដឹក​ជញ្ជូន​អ្នក​ដំណើរ​ក្នុង​ក្រុង។

លោកថា៖ «ក្រុមហ៊ុន​ដែល​ត្រូវ​សាលា​រាជធានី​ជ្រើស​រើស​ឲ្យ​បម្រើ​សេវា​កម្ម​នេះ គឺ​ក្រុម​ហ៊ុន Global (Cambodia)Trade Development,​Co.,Ltdនិង​ក្រុម​ហ៊ុន​ស៊ីធី​ត្រេនស៍ ខេម​បូឌា។

លោក​បន្ត​ឲ្យ​ដឹង​ថា ការ​ដែល​មាន​រថយន្ត​ក្រុង​សាធារណៈ​នេះ គឺជា​ការ​កាត់​បន្ថយ​ការ​ប្រើ​ប្រាស់​យាន​យន្ត​ផ្ទាល់​ខ្លួន ហើយ​ក៏​កាត់​បន្ថយ​ការ​កក​ស្ទះ​ចរាចរណ៍​បាន​មួយ​ផ្នែក។ មួយ​ទៀត​ក៏​ជួយ​កាត់​បន្ថយ​ការ​ចំណាយ​របស់​ពលរដ្ឋ​ក្នុង​ការ​ធ្វើ​ដំណើរ​ផង។ ប៉ុន្តែ​លោក មិន​បាន​ឲ្យ​ដឹង​លម្អិត​ពី​ដំណើរ​ការ​សេវាកម្ម​ក្រុម​ហ៊ុន​ទាំង​២​នេះ​ទេ។

នៅពេលសួរថា ក្រុមហ៊ុន​ទាំង​ពីរ​នឹង​ចាប់​ផ្តើម​ដំណើរ​ការ​ពេល​ណា​នោះ លោក ឌីម៉ង់ ប្រាប់​ថា៖​«ក្រុម​ហ៊ុន​អាច​ដំណើរ​ការ​នៅ​ដើម​ឆ្នាំ​២០១៣ នេះ បន្ទាប់​ពី​ក្រុម​ហ៊ុន​សិក្សា​ពី​តម្លៃ​សំបុត្រ​ចប់»។

អ្នក​នាំ​ពាក្យ​សាលា​ក្រុង​រូប​នេះ​ប្រាប់​ថា ដំណើរ​ការ​សេវាកម្ម​រថយន្ត​ក្រុង​នេះ បើក​ឲ្យ​ដំណើរ​ការ​សាក​ល្បង​ម្តង​ហើយ អំឡុង​ឆ្នាំ​២០០២ ក្រោម​ការ​សិក្សា​ទី​ភ្នាក់​ងារ​សហ​ប្រតិបត្តិ​ការ​អន្តរ​ជាតិ​ជប៉ុន​(JICA) ប៉ុន្តែ មិន​ទទួល​បាន​ជោគ​ជ័យ​ទេ ដោយ​សារ​តែ​ប្រជា​ពលរដ្ឋ​នៅ​មិន​ទាន់​ផ្លាស់​ប្តូរ​ផ្នត់​គំនិត​ឈប់​ប្រើ​ប្រាស់​យាន​យន្ត​ផ្ទាល់​ខ្លួន។ ប៉ុន្តែ ស្ថាន​ភាព​នៅ​ពេល​នោះ លោក​ថា វា​ខុស​គ្នា​នឹង​ពេល​បច្ចុប្បន្ន ដែល​មាន​ការ​កក​ស្ទះ​ចរាចរណ៍​កាន់​តែ​ខ្លាំង ដែល​ធ្វើ​ឲ្យ​ការ​ដំណើរ​ខាត​ពេល​វេលា ដូច្នេះ បើ​ពេល​នេះយើង​មាន​រថយន្ត​ក្រុង វា​នឹង​អាច​បន្ថយ​ការ​កក​ស្ទះ​ចរាចរណ៍ នឹង​អាច​ចំណេញ​ពេល​ដល់​អ្នក​ដំណើរ។

បុគ្គលិក​ក្រុម​ហ៊ុន​ឯក​ជន​មួយ​នៅ​ក្រុង​តាខ្មៅ លោក សែន ស័ក្តិ អាយុ ២៤ ឆ្នាំ ចាប់​អារម្មណ៍​នឹង​សេវា​កម្ម​ឡាន​ក្រុង​នេះ​ថា បើ​ដំណើរ​ការ​ល្អ រត់​រហ័ស និង​មាន​តម្លៃ​ថោក លោក​នឹង​ងាក​មក​ជិះ​ឡាន​ក្រុង​វិញ ព្រោះ​ថា រាល់​ព្រឹក គាត់​ចេញ​ពី​ផ្ទះ​នៅ​ច្បារ​អំពៅ ទៅ​ត្រូវ​ស្ទះ​ផ្លូវ​ខាង​កើត​ស្ពាន និង​ខាង​លិច​ស្ពាន ទម្រាំ​ទៅ​ដល់​កន្លែង​ធ្វើ​ការ​យឺត​ពេល​សឹង​រាល់​ថ្ងៃ។ លោក​ថា៖ «ជិះ​ម៉ូតូ​១ថ្ងៃ សាំង​ជិត​១លីត្រ ថា​អស់​៥​ពាន់​រៀល​ចុះ ហើយ​យឺត​ថែម​ទៀត។ តែ​បើ​មាន​ឡាន​ក្រុង​ថោក ហើយ​ទៅ​មក​ទាន់​ម៉ោង​ធ្វើ​ការ រឿង​អី​មិន​ជិះ​ឡាន​វិញ»។

លោក លីម អង់ ដ្រេ នាយក​ប្រតិបត្តិ​នៃ​ក្រុម​ហ៊ុន Global (Cambodia)Trade Development,​Co.,Ltd បាន​ប្រាប់​ឲ្យ​ដឹង​កាល​ពី​ម្សិល​មិញ​ថា បើ​សាលា​រាជធានី​ភ្នំពេញ​អនុញ្ញាត​ផ្តល់​អាជ្ញា​ប័ណ្ណ​ពេញ​សិទ្ធិ​មក​ក្រុម​ហ៊ុន​នោះ លោក​មាន​គម្រោង​ដាក់​ឲ្យ​ដំណើរ​ការ​រថយន្ត​ចំនួន​៩០​គ្រឿង ដោយ​ក្នុង​ដំណាក់​កាល​ទី១ គឺ​បង្កើត​ឲ្យ​មាន​ខ្សែ​រត់ ៤ ខ្សែ ហើយ​ក្នុង​ដំណាក់​កាល​ទី២ គឺ​បន្ថែម ២​ខ្សែ​ទៀត​ប្រសិន​បើ​ធ្វើ​ទៅ​បាន​ជោគ​ជ័យ។

លោក​មិន​បញ្ជាក់​លម្អិត​អំពី​ទិស​ដៅ​ខ្សែ​រត់​ទាំង​៤​ខ្សែ​នោះ​ទេ ដោយ​គ្រាន់​តែ​ប្រាប់​ថា គម្រោង​ទី១ គឺ​បើក​ឲ្យ​មាន​ខ្សែ​រត់​ពី​តា​ខ្មៅ​មក​គីឡូ​ម៉ែត្រ​លេខ​១១ ក្នុង​តម្លៃ​ត្រឹម​តែ​១៣០០​រៀល សម្រាប់​អ្នក​ដំណើរ​ម្នាក់​ជិះ​លើ​កំណាត់​ផ្លូវ​នេះ​ម្តង ហើយ​អ្នក​ដំណើរ​ក៏​អាច​ទិញ​ជា​កាត​ជិះ​ប្រចាំ​ខែ តម្លៃ​ត្រឹម​១១​ដុល្លារ ហើយ​តម្លៃ​នេះ​ជិះ​ប៉ុន្មាន​ជើង​ក៏​បាន​ក្នុង​១ថ្ងៃៗ។

តំណាង​ក្រុម​ហ៊ុន ស៊ីធី​ត្រេនស៍​ខេម​បូឌា មិន​អាច​ទាក់​ទង​បាន​ទេ កាល​ពី​ម្សិល​មិញ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។