The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​ល្មើស​រំលោភ​បូក​ពីរ​នាក់​ក្នុង​៥​នាក់​ត្រូវ​ចាប់​ខ្លួន​បញ្ជូន​ទៅ​តុលាការ




ក្រុម​ល្មើស​រំលោភ​បូក​ពីរ​នាក់​ក្នុង​៥​នាក់​ត្រូវ​ចាប់​ខ្លួន​បញ្ជូន​ទៅ​តុលាការ

ក្រុម​ល្មើស​រំលោភ​បូក​ពីរ​នាក់​ក្នុង​៥​នាក់​ត្រូវ​ចាប់​ខ្លួន​បញ្ជូន​ទៅ​តុលាការ

130121_04
ជនជាប់ចោទពីបទរំលោភបូក នៅក្នុងស្រុកអូរជ្រៅ ន ប

បន្ទាយមានជ័យៈ ជន​សង្ស័យ​២​នាក់ ក្នុង​ចំណោម​៥នាក់​ ត្រូវ​នគរបាល​ស្រុក​អូរជ្រៅ​ចាប់​ខ្លួន​បញ្ជូន​ទៅ​តុលាការ​ខេត្ត​កាល ពី​ថ្ងៃ​ទី១៩​ មករា បន្ទាប់​ពី​មាន​បណ្តឹង​ចោទ​ថា បបួល​នាង​ទៅ​បង្អក​ស្រា​ហើយ​សែង​នាង​យក​ទៅ​រំលោភ​បូក​រហូត សម្រេច​ដល់​ទៅ​៤​នាក់។

លោក អ៊ុន សំអន នាយ​នគរបាល​ព្រហ្មទណ្ឌ​កម្រិត​ធ្ងន់​ខេត្ត​ឲ្យ​ដឹង​ថា​ ជន​ជាប់​ចោទ​ឈ្មោះ​ថេង ឌី អាយុ​១៨​ឆ្នាំ​និង​ឈ្មោះ​អ៊ុង ប៊ុនណាក់ អាយុ​១៨​ឆ្នាំ ឯ​នារី​រង​គ្រោះ​មាន​អាយុ​២៤​ឆ្នាំ​ ពួក​គេ​ស្នាក់​នៅ​ភូមិ​ទំនប់​ដាច់ ឃុំ​អូរបី​ជាន់​ស្រុក​អូរជ្រៅ ជាមួយ​គ្នា។

លោក​ប្រាប់​ថា​ ៖ «ជន​សង្ស័យ​ទាំង​២​នាក់ រួម​មាន​ស្រោម​អនាម័យ​ជា​វត្ថុតាង ត្រូវ​ចោទ​ពី​បទ​រំលោភ​មាន​ស្ថាន​ទម្ងន់​ទោស»។

តាម​ចម្លើយ​ជន​សង្ស័យ​ថា មុន​ដំបូង​គ្នា​គេ​ម្នាក់​ក្នុង​គូកន​៥​នាក់​បាន​ស្គាល់​ជិតស្និទ្ធ​ជាមួយ នារី​រងគ្រោះ នៅ​ថ្ងៃ​កើត​ហេតុ​គេ​ក៏​បាន​បបួល​នារី​រងគ្រោះ​ផឹក​ស្រា​ជាមួយ​មាន​គ្នា​៤-៥​នាក់ ។ លុះ​ផឹក​ស្រវឹង​ទន់​រៀងៗ​ខ្លួន ពួក​គេ​ក៏​នាំ​គ្នា​សែង​នាង​ទៅ​ពីរ​បី​រយ​ម៉ែត្រ​ពី​ភូមិ​រួច​នាំ​គ្នា រំលោភ​នាង​តែ​ម្តង។​ជន​សង្ស័យ​ក៏​អះអាង​ថា គូកន​គេ​ម្នាក់​និង​នារី​រងគ្រោះ​បាន​ត្រូវ​រ៉ូវ​គ្នា ប៉ុន្តែ គេ​បាន​ចែក​គ្នា​រំលោភ​នាង​ម្នាក់​ម្តងៗ​រហូត​ដល់​បាន​សម្រេច​ទាំង​៤នាក់​។ តែ​នារី​រង​គ្រោះ​វិញ​ប្រាប់​សមត្ថកិច្ច​ថា នាង​ត្រូវ​ជន​សង្ស័យ​ទាំង​៤​នាក់ ចាប់​រំលោភ​ទាំង​កំរោល​ទេ មិន​មែន​៤​នាក់​ទេ​ពួក​គេ​មាន​គ្នា​៥​នាក់​ឯណោះ​។

តាម របាយការណ៍​នគរបាល​ស្រុក​អូរជ្រៅ​ថា សមត្ថកិច្ច​បាន​រក​ឃើញ​ស្រោម​អនាម័យ​ចំនួន ៤​នៅ​កន្លែង​កើត​ហេតុ សុទ្ធ​តែ​មាន​ទឹក​កាម​ក្នុង​នោះ​ផង ប៉ុន្តែ​សមត្ថកិច្ច​ឃាត់​ខ្លួន​បាន​តែ​២​នាក់​ទេ រីឯ​ ៣ នាក់​ទៀត​កំពុង​តែ​ស្វែងរក​ចាប់​ខ្លួន​ជា​បន្ត៕

អត្ថបទគួរចាប់អារម្មណ៍