The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​ហ៊ុន​ឧកញ៉ា ម៉េងជឺ ដែល​គេ​បាញ់​សម្លាប់​ដំណើរ​រក​ស៊ី​ធម្មតា




ក្រុម​ហ៊ុន​ឧកញ៉ា ម៉េងជឺ ដែល​គេ​បាញ់​សម្លាប់​ដំណើរ​រក​ស៊ី​ធម្មតា

ក្រុម​ហ៊ុន​ឧកញ៉ា ម៉េងជឺ ដែល​គេ​បាញ់​សម្លាប់​ដំណើរ​រក​ស៊ី​ធម្មតា

ភ្នំពេញៈ បើ​ទោះ​បី​ជា​លោក​ឧកញ៉ា អ៊ឹង ម៉េងជឺ ថៅកែ​ក្រុម​ហ៊ុន​លក់​គ្រឿង​សំណង់ Shimmex Group បាន​ស្លាប់​ទៅ​ហើយ ស្រប​ពេល​ដែល​សមត្ថកិច្ច​កំពុង​ពន្លឿន​ការ​ចាប់​ខ្លួន​ឃាតករ​សង្ស័យ​នោះ ក្រុម​ហ៊ុន​នេះ​នៅ​តែ​បន្ត​ដំណើរ​ការងារ​រក​ស៊ី​ជា​ធម្មតា​មិន​មាន​រអាក់​រអួល​អ្វី​ទេ។

អគ្គ​នាយក​គ្រប់​គ្រង​ទូទៅ​របស់​ក្រុម​ហ៊ុន Shimmes's Seng Hong Heng Import & Transport Co.Ltd លោក ម៉ៅ ចាន់រិទ្ធិ បាន​ឲ្យ​ដឹង​ថា បច្ចុប្បន្ន​នេះ ក្រុម​ហ៊ុន​នៅ​តែ​ដំណើរ​ការ​ការងារ​តាម​ប្រក្រតី ប៉ុន្តែ​រហូត​មក​ទល់​ពេល​នេះ ក្រុម​ហ៊ុន មិន​ទាន់​មាន​កិច្ច​ប្រជុំ​រួម​ដើម្បី​កំណត់​សេចក្តី​ថ្លែង​ការណ៍​សាធារណៈ​ណា​មួយ​ជុំវិញ​ឃាតកម្ម​លើ​លោក​ឧកញ៉ា អ៊ឹង ម៉េងជឺ នៅ​ឡើយ​ទេ។ លោក​ថា៖ «រឿង​ជម្លោះ​ជំនួញ ដែល​ប៉ូលិស​បាន​សន្និដ្ឋាន​នោះ គឺ​ខ្ញុំ​ទើប​ដឹង​ដែរ ប្រហែល​ជា​ប៉ូលិស​ស៊ើប​អង្កេត​ទៅ​រក​ឃើញ​ពាក់​ព័ន្ធ»។

លោក ម៉ៅ ចាន់រិទ្ធិ បាន​បន្ត​ថា ថ្វី​បើ​មិន​ទាន់​អាច​កំណត់​អត្ត​សញ្ញាណ​ជន​ល្មើស​បាន​នៅ​ឡើយ​មែន តែ​លោក​សង្ឃឹម​ថា សមត្ថកិច្ច​នឹង​ប្រឹង​ប្រែង​លើ​ការងារ​នេះ ដើម្បី​រក​ការ​ពិត​និង​បញ្ចៀស​ការ​ភ័យ​ខ្លាច​ដល់​អ្នក​ជំនួញ​ផ្សេងៗ​ទៀត។ លោក​អំពាវនាវ​ថា៖ «យើង​ស្នើ​សុំ​រដ្ឋាភិបាល​រក​យុត្តិធម៌​និង​ការ​ពិត ព្រោះ​រឿង​នេះ ប៉ះពាល់​ខ្លាំង​ដល់​អ្នក​ជំនួញ»។

អ្នក​នាំ​ពាក្យ​អគ្គ​ស្នងការ​នគរបាល​ជាតិ លោក គៀត ច័ន្ទថារិទ្ធិ បាន​ឲ្យ​ដឹង​ថា សមត្ថកិច្ច​បាន​កំពុង​បែង​ចែក​កម្លាំង​តាម​ជំនាញ​ស៊ើប​អង្កេត​លើ​ករណី​នេះ។ លោក​ថ្លែង​ថា៖ «យើង​នឹង​ពិនិត្យ​រាល់​កន្លែង​ដែល​ជន​រង​គ្រោះ​ធ្លាប់​ស្នាក់​នៅ មនុស្ស​ដែល​លោក​ធ្លាប់​ទាក់​ទង និង​ទំនាស់​រឿង​ដីធ្លី ជំនួញ​នានា។ យើង​ត្រូវ​ការ​ព័ត៌មាន​ទាំង​នេះ ដើម្បី​បន្ត​ការ​ស៊ើប​អង្កេត»។

បើ​តាម​អ្នក​នាំ​ពាក្យ​កង​រាជ​អាវុធហត្ថ​លើ​ផ្ទៃ​ប្រទេស លោក ខេង ទីតូ លោក​យល់​ថា ជន​រង​គ្រោះ​បាន​ស្លាប់​ដោយ​សារ​លទ្ធផល​នៃ​ជម្លោះ​ជំនួញ​របស់​ខ្លួន ហើយ​សមត្ថកិច្ច​នឹង​ពង្រឹង​ការ​ចាប់​ខ្លួន​ឃាតករ​ឲ្យ​បាន​កាន់​តែ​លឿន។ លោក​បន្ត​ថា៖ «ឧក្រិដ្ឋ​ជន​ត្រូវ​តែ​ចាប់​ខ្លួន​ឲ្យ​បាន យើង​មិន​អាច​ឲ្យ​នៅ​ក្រៅ​ច្បាប់​បាន​ទេ»។

គួរ​រំឭក​ថា កាល​ពី​ថ្ងៃ​សៅរ៍ យប់​ម៉ោង​ជាង ៧ ឧកញ៉ា អ៊ឹង ម៉េងជឺ ត្រូវ​បាន​ខ្មាន់​កាំភ្លើង​ពីរ​នាក់ បាញ់ ៦ គ្រាប់​ស្លាប់​ភ្លាមៗ​នៅ​មុខ​ហាង​លក់​ផ្លែ​ឈើ យីហោ ឡោ តិចសេង តាម​ផ្លូវ​ព្រះសីហនុ កែង​ផ្លូវ ១០៥ ស្ថិត​ក្នុង សង្កាត់​ទួល​ស្វាយ​ព្រៃ​២ ខណ្ឌ​ចំការមន ហើយ​សមត្ថកិច្ច​បាន​ដាក់​ការ​សង្ស័យ​ជំហាន​ដំបូង​ថា ជា​រឿង​គំនុំ​ខណៈ​គាត់​កំពុង​មាន​រឿង​ក្តី​នៅ​តុលាការ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។