ភ្នំពេញៈ អង្គការ​សង្គម​ស៊ីវិល​ដែល​ធ្វើការ​ពាក់ព័ន្ធ​នឹង​បោះឆ្នោត (ខុម ហ្វ្រែល) រកឃើញ​បឋម​ថា​ការ​ដោះស្រាយ​បណ្តឹង​ទាស់​ឱ្យ​លុប​ឈ្មោះ​ជនជាតិ​បរទេស​ ជាពិសេស​វៀតណាម​ចេញ​ពី​បញ្ជី​បោះឆ្នោត​ថ្មី​នៅ​ពុំ​ទាន់​មាន​តម្លាភាព​នៅ​ឡើយ​ទេ​ បន្ទាប់ពី​គណៈកម្មាធិការ​ជាតិ​រៀបចំ​ការ​បោះឆ្នោត (គជប) បាន​បើក​សវនាការ​ដោះស្រាយ​បណ្តឹង​ទាស់​តែ​នៅ​រក្សា​ឈ្មោះ​ដែល​រង​ការ​ចោទ​ថា​ជនជាតិ​វៀតណាម​ទាំង​អស់​នៅ​ក្នុង​បញ្ជី​បោះឆ្នោត​ថ្មី។