The Phnom Penh Post Search

Search form

Logo of Phnom Penh Post newspaper Phnom Penh Post - ខួប​ទិវា​ពលកម្ម​អន្តរជាតិ​នៃ​ក្រុម​គាំទ្រ​និង​មន្ត្រី​ធ្វើ​ដោយ​រលូន




ខួប​ទិវា​ពលកម្ម​អន្តរជាតិ​នៃ​ក្រុម​គាំទ្រ​និង​មន្ត្រី​ធ្វើ​ដោយ​រលូន

ខួប​ទិវា​ពលកម្ម​អន្តរជាតិ​នៃ​ក្រុម​គាំទ្រ​និង​មន្ត្រី​ធ្វើ​ដោយ​រលូន

20140502_07
សកម្មភាពកូដកម្មទាមទារប្រាក់ខែរបស់កម្មករកន្លងមក ម៉ៃ វីរៈ

ភ្នំពេញៈ ខណៈ​កម្មករ​និង​ក្រុម​អ្នក​គាំទ្រ​គណបក្ស​ប្រឆាំង​ដើរ​ហែ​ក្បួន​ក្នុង​ថ្ងៃ​ខួប​ទិវា​ពលកម្ម​អន្តរជាតិ​កាល​ម្សិលមិញ​ហើយ​ត្រូវ​កង​សន្តិសុខ​ប្រើ​ដំបង​បណ្តេញ​មិន​ឲ្យ​មាន​ការ​ប្រមូលផ្តុំ​គ្នា នៅ​ឯ​មជ្ឈមណ្ឌល​ពិព័រណ៍​និង​សន្និបាត កោះពេជ្រ ឯណោះ​មាន​ការ​ប្រមូល​ផ្តុំ​ធំ​មួយ​ដោយ​គ្មាន​ការ​រំខាន​សោះ​ឡើយ។

កម្មករ​ប្រមាណ ២០០០ នាក់​មក​ពី​ក្រុម​សហជីព​គាំទ្រ​រដ្ឋាភិបាល​និង មន្រ្តី​រដ្ឋាភិបាល​បាន​ស្តាប់​រដ្ឋ​មន្រ្តី​ក្រសួង ការងារ លោក អ៊ិត សំហេង អំពាវនាវ​ឲ្យ​មាន​ការ​ចរចា​លើ​ការ​ដំឡើង​ប្រាក់​ឈ្នួល​ជា​អ្វី​ដែល​កម្មករ​ខិតខំ​ទាមទារ​កាល​ម្សិលមិញ​នៅ​ទីលាន​ប្រជាធិបតេយ្យ។

លោក​រដ្ឋ​មន្ត្រី​ថ្លែង​ថា៖ «វា​ជា​សិទ្ធិ​របស់​កម្មករ​ក្នុង​ការ​បង្ហាញ​មតិ​របស់​ខ្លួន ប៉ុន្តែ​សកម្មភាព​មួយ​ចំនួន​ក្នុង​ការ​ទាមទារ​ប្រាក់​ឈ្នួល​ខ្ពស់​ជាង​មុន គឺ​មិន​អាច​ទទួល​យក​បាន។ មាន​តែ​ជា​ការ​ជួប​ចរចា​គ្នា​ប៉ុណ្ណោះ ដែល​អាច​ជា​វិធី​ដ៏​ប្រសើរ​បំផុត​ក្នុង​ការ​ស្វែង​រក​ដំណោះស្រាយ»។

នៅ​ក្នុង​ពិធី​កាល​ពី​ម្សិលមិញ​ឧប​នាយក​រដ្ឋ​មន្រ្តី​លោក​ស្រី ម៉ែន សំអន ថ្លែង​ថា រដ្ឋាភិបាល​កំពុង​ព្យាយាម​បញ្ចុះ​បញ្ចូល​វិនិយោគិន​កុំ​ឲ្យ​បិទ​រោងចក្រ»។

លោក​ស្រី​ថ្លែង​ថា៖ «យើង​ត្រូវ​តែ​រក្សា​វិនិយោគិន​ដែល​វិនិយោគ​ក្នុង​ប្រទេស​និង​ត្រូវ​បញ្ចៀស​កូដកម្ម​ដើម្បី​កុំ​ឲ្យ​រោងចក្រ​បិទ​ទ្វារ»។

លោក​ស្រី​បន្ត​ថា រដ្ឋាភិបាល​ជា​ញឹក​ញាប់​យក​ចិត្ត​ទុក​ដាក់​ចំពោះ​ការ​ស្នើ​សុំ​ដំឡើង​ប្រាក់​ខែ​របស់​កម្មករ និង​ការ​កែលម្អ​លក្ខខណ្ឌ​ការងារ រួម​ទាំង​ការ​ជំរុញ​ឲ្យ​មាន​ប្រាក់​ឈ្នួល​ខ្ពស់​ជាង​មុន​បន្ត​បន្ទាប់។

ប៉ុន្តែ អ្នក​ស្រី ចក់ សុភាព ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា បាន​ថ្លែង​ថា អំពើ​ហិង្សា​កាល​ម្សិលមិញ​គឺជា «ភាព​ក្រៀម​ក្រំ​ណាស់» សម្រាប់ ប្រទេស​កម្ពុជា ពីព្រោះ «ការ​បង្ក្រាប​ទៅ​លើ​សិទ្ធិ​កម្មករ​នៅ​តែ​បន្ត​មាន» និង​មិន​បង្ហាញ​សញ្ញា​ធូរ​ស្បើយ​ឡើយ។

អ្នក​ស្រី ចក់ សុភាព បន្ត​ថា៖ «រដ្ឋាភិបាល​ជា​ថ្មី​ម្តង​ទៀត​បាន​បង្ហាញ​មិន​ត្រឹម​តែ​សហគមន៍​អន្តរជាតិ​ទេ ប៉ុន្តែ ថែម​ទាំង​ពលរដ្ឋ​ខ្លួន​ថា ពួក​គេ​មិន​អាច​ពឹង​ផ្អែក​បាន។ បើ​ពួក​គេ​លើក​ឡើង​ថា ការ​បង្ក្រាប​គឺ​ធ្វើ​ឡើង​ដើម្បី​កម្មករ​ចុះ​ប្រជា​ពលរដ្ឋ​វិញ? ពួក​គេ​មិន​ធ្វើ​អ្វី​ប៉ះពាល់​ការ​វិនិយោគ​ទេ»។ អ្នក​ស្រី​កត់​សម្គាល់​ថា៖ «អំពើ​ហិង្សា​កាល​ម្សិលមិញ​បាន​បង្ហាញ​ថា ពួក​គេ​មិន​បាន​យក​ចិត្ត​ទុក​ដាក់​ចំពោះ​ការ​សន្យា​របស់​ខ្លួន​ទេ»៕ PS

រាយការណ៍​បន្ថែមៈ Daniel Pye

អត្ថបទគួរចាប់អារម្មណ៍