ភ្នំពេញៈ កង​កម្លាំង​ប្រដាប់​អាវុធ និង​សមត្ថកិច្ច​របស់​កម្ពុជា ត្រូវ​ប្រកាន់​ភាព «អព្យាក្រិត្យ» និង​មិន​ត្រូវ​ប្រើ​ប្រាស់​ «ឥទ្ធិពល» និង​ «អំណាចនៃ​តួនាទី» ទៅ​គំរាម​កំហែង ឬ​បំភិត​បំភ័យ​នរណា​ម្នាក់នោះ​ឡើយ នៅ​អំឡុង​យុទ្ធនាការ​ឃោសនា​រក​សម្លេង​ឆ្នោត និង​នៅ​ថ្ងៃ​បោះ​ឆ្នោត​ដែល​នឹង​ប្រព្រឹត្ត​នៅ​ថ្ងៃ​ទី ៤ ខែ​មិថុនា​ខាង​មុខ​នេះ។ នេះ​បើ​តាម​ក្រម​ប្រតិបត្តិមួយ​ដែល​ចេញ​ដោយ​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​នៅ​សប្តាហ៍​នេះ។