The Phnom Penh Post Search

Search form

Logo of Phnom Penh Post newspaper Phnom Penh Post - គណបក្ស​ប្រជាធិបតេយ្យ​មូលដ្ឋាន​ស្នើឲ្យ​បន្ថយ​ទំហំ​ដី​សម្បទាន

គណបក្ស​ប្រជាធិបតេយ្យ​មូលដ្ឋាន​ស្នើឲ្យ​បន្ថយ​ទំហំ​ដី​សម្បទាន

Content image - Phnom Penh Post
កំណត់​ឈើ​ត្រូវ​បាន​កាប់​ទុក​ក្នុង​ដី​សម្បទាន​របស់​ក្រុមហ៊ុន HAGL នៅ​ក្នុង​ខេត្ត​រតនគិរី កាល​ពី​ឆ្នាំ​មុន។ រូបថត Global Witness

គណបក្ស​ប្រជាធិបតេយ្យ​មូលដ្ឋាន​ស្នើឲ្យ​បន្ថយ​ទំហំ​ដី​សម្បទាន

ភ្នំពេញៈ គណបក្ស​ប្រជាធិបតេយ្យ​​មូលដ្ឋាន​ជំរុញ​ឲ្យ​រដ្ឋាភិបាល​កាត់​បន្ថយ​ការ​ផ្តល់​ដីសម្បទាន​សេដ្ឋកិច្ច​មក​ត្រឹម​ទំហំ​តិច​ជាង​​ ៥​ ០០០ ​ហិកតា​ដើម្បី​ជួយ​ដល់​ជីវភាព​របស់​ប្រជាពល​រដ្ឋ និង​ការពារ​បរិស្ថាន និង​ធនធាន​ធម្មជាតិ​ឲ្យ​ល្អ​ប្រសើរ​។

យោង​ទៅ​តាម​សេចក្ដី​ថ្លែងការណ៍​របស់​គណបក្ស​ប្រជាធិបតេយ្យ​មូលដ្ឋាន​ចុះ​ថ្ងៃ ២៥ កញ្ញា​បាន​ឲ្យ​ដឹង​ថា​គណបក្ស​​ប្រជាធិបតេយ្យ​មូលដ្ឋាន​ស្វាគមន៍​ចំពោះ​រដ្ឋាភិបាល​ដែល​សម្រេច​កាត់បន្ថយ​រយៈពេល​នៃ​ការ​ផ្តល់​ដី​សម្បទាន​សេដ្ឋកិច្ច​ត្រឹម​ ៥០ ឆ្នាំ​។ គប្បី​បន្ថយ​ទំហំ​ដី​មក​នៅ​តិច​ជាង​ ៥០០០ ​ហិកតា​គប្បី​កំណត់​ឲ្យ​សម្បទានិក​រក្សា​ដី​ ១០ ​ភាគរយ​​នៃ​ដីសម្បទាន​សេដ្ឋកិច្ច​ទុក​ជា​ព្រៃ​ធម្មជាតិ​ ឬ​ ដាំ​ព្រៃ​ឡើង​វិញ​សម្រាប់​ជារ​បាំង​ខ្យល់ ការពារ​ការហូរ​ច្រោះ​ដី ការពារ​គ្រោះ​ធម្មជាតិ ជីវចម្រុះ រក្សា​ជម្រក​សត្វព្រៃ និង​ផ្គត់ផ្គង់​ការ​ចិញ្ចឹម​ជីវិត​របស់​ប្រជាពលរដ្ឋ​នៅ​តំបន់​នោះ​ជាដើម និង​ពង្រឹង​ការ​តាមដាន​ និង​វាយតម្លៃ​គ្រប់​លើ​ដី​សម្បទាន​សេដ្ឋកិច្ច​ទាំងអស់​។

តប​នឹង​ការ​ជំរុញ​របស់​គណបក្ស​នោះ​អ្នក​នាំពាក្យ​ទីស្តីការ​គណៈរដ្ឋមន្រ្តី​លោក ផៃ ស៊ីផាន​ បាន​បញ្ជាក់​ថា​រដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន​កម្ពុជា​មាន​គោលការណ៍​ច្បាស់លាស់​ក្នុង​កិច្ចការ​ងារ​ដី​សម្បទាន​សេដ្ឋកិច្ច​នេះ​ដោយ​បាន​បញ្ឈប់​ផ្តល់​អាជ្ញាប័ណ្ណ​ថ្មី​កាត់បន្ថយ​រយៈពេល​វិនិយោគ​ និង​ដកហូត​អាជ្ញាប័ណ្ណ​សម្បទាន​ដី​ចំពោះ​ក្រុមហ៊ុន​ដែល​មិន​បាន​បំពេញ​ទៅ​តាម​លក្ខខណ្ឌ​រួចរាល់​ចំណែក​ការ​កាត់​បន្ថយ​ទំហំ​ដី​នោះ​គឺ​មិនមែន​ជា​បញ្ហា​ចោទ​នោះ​ទេ​។

លោក​ថា៖ «ការ​ជំរុញ​នេះ​គ្រាន់តែ​ជា​គោលការណ៍​របស់​បក្ស​នោះ​ប៉ុណ្ណោះ​តែ​អ្វី​ដែល​រដ្ឋាភិបាល​ធ្វើ​គឺ​គិត​បាន​គ្រប់​ជ្រុងជ្រោយ​បើ​ថា​ក្នុង​ទំហំ​ដី​ធំ​បង្ក​ផល​ប៉ះពាល់​គឺ​យើង​មាន​វិធានការ​ភ្លាមៗ​អ៊ីចឹង​មិន​អាច​ចោទ​ជា​បញ្ហា​នោះ​ទេ​»​។

យោង​ទៅ​តាម​ច្បាប់​​ភូមិបាល​ ២០០១ បាន​កំណត់​ដី​សម្បទាន​សេដ្ឋកិច្ច​ប្រគល់​ឲ្យ​ក្រុមហ៊ុន​មួយ​ទំហំ​ច្រើន​បំផុត​មួយ​ម៉ឺន​ហិកតា​ និង​មាន​រយៈពេល​យ៉ាង​យូរ​​ ៩៩ ​ឆ្នាំ។

គួរ​បញ្ជាក់​ផង​ដែរ​ថា​ កាលពី​ដើម​ខែ ​កញ្ញា ​រដ្ឋាភិបាល​បាន​ធ្វើការ​សម្រេច​កាត់បន្ថយ​រយៈពេល​វិនិយោគ​ក្រុមហ៊ុន​ដី​សម្បទាន​សេដ្ឋកិច្ច​ឲ្យ​មក​នៅ​ត្រឹម ៥០ ឆ្នាំ​វិញ​ដោយសារ​រាជរដ្ឋាភិបាល​បាន​រកឃើញ​ថា​គម្រោង​ក្រុមហ៊ុន​ខ្លះ​យឺតយ៉ាវ និង​ខ្លះ​មិន​ដំណើរការ​៕

អត្ថបទគួរចាប់អារម្មណ៍