The Phnom Penh Post Search

Search form




Logo of Phnom Penh Post newspaper Phnom Penh Post - គណៈកម្មាធិការ​អចិន្ត្រៃយ៍​រដ្ឋ​សភា​អនុម័តលើ​ពិធី​សារ​ខណ្ឌ​សីមា ​និង​បោះ​បង្គោល​ព្រំដែន​គោកកម្ពុជា​-វៀតណាម​




គណៈកម្មាធិការ​អចិន្ត្រៃយ៍​រដ្ឋ​សភា​អនុម័តលើ​ពិធី​សារ​ខណ្ឌ​សីមា ​និង​បោះ​បង្គោល​ព្រំដែន​គោកកម្ពុជា​-វៀតណាម​

Content image - Phnom Penh Post
លោក​ ហេង ​សំរិន​ ប្រធាន​រដ្ឋ​សភា ​​ដឹក​នាំ​កិច្ច​ប្រ​ជុំ​គណៈ​កម្មាធិ​ការ​អចិន្រ្តៃយ៍​ កាលពីម្សិលមិញ។ រូបថត រដ្ឋសភាជាតិ

គណៈកម្មាធិការ​អចិន្ត្រៃយ៍​រដ្ឋ​សភា​អនុម័តលើ​ពិធី​សារ​ខណ្ឌ​សីមា ​និង​បោះ​បង្គោល​ព្រំដែន​គោកកម្ពុជា​-វៀតណាម​

​ភ្នំពេញៈ​ លោក​ ហេង ​សំរិន​ ប្រធាន​រដ្ឋ​សភា ​បាន​ដឹក​នាំ​កិច្ច​ប្រ​ជុំ​គណៈ​កម្មាធិ​ការ​អចិន្រ្តៃយ៍​កាល​ពី​ថ្ងៃទី ២០​ ​​បាន​អនុ​ម័ត​ប្រគល់​ សេច​ក្ដី​ព្រាង​ច្បាប់​ស្ដីពី​ ការ​អនុ​ម័ត​យល់​ព្រម​លើ​ពិធី​សារ​ខណ្ឌ​សីមា ​និង​បោះ​បង្គោល​ព្រំដែន​គោក​ រវាង​ព្រះរាជ​ណា​ចក្រ​កម្ពុជា​ និង​សាធារ​ណៈ​រដ្ឋ​សង្គម​និយម​វៀត​ណាម​ ដល់​គណៈ​កម្មការ​មហា​ផ្ទៃ​ ការ​ពារ​ជាតិ​ និង​មុខ​ងារ​សាធារ​ណៈ ​ដោយ​សហ​ការ​ជា​មួយ​គណៈ​កម្ម​ការ​កិច្ច​ការ​បរទេស​ សហ​ប្រតិ​បត្ដិ​ការ​អន្តរ​ជាតិ​ ឃោស​នា​ការ​ និង​ព័ត៌​មាន​ និង​គណៈ​កម្ម​ការ​នីតិ​កម្ម​ និង​យុត្ដិ​ធម៌​នៃ​រដ្ឋ​សភា ​ពិនិត្យ​សិក្សា ​ហើយ​ធ្វើ​របាយ​ការ​ណ៍​ជូន​គណៈ​កម្មាធិ​ការ​អចិ​ន្រ្ដៃ​យ៍​រដ្ឋ​សភា​វិញ​។

សេច​ក្តី​ព្រាង​ច្បាប់​ស្តី​ពី​ការ​អនុ​ម័ត​យល់​ព្រម​លើ​ពិធី​សារ​ខណ្ឌ​សីមា​ និង​បោះ​បង្គោល​ព្រំដែន​គោក ​រវាង​ព្រះរា​ជា​ណា​ចក្រ​កម្ពុ​ជា ​និង​សាធារ​ណ​រដ្ឋ​សង្គម​និយម​វៀត​ណាម​នេះ​ ត្រូវ​បាន​អង្គ​ប្រជុំ​ គណៈ​រដ្ឋ​មន្រ្តី ​សម្រេច​បញ្ជូន​មក​ សុំ​ការ​អនុម័ត​យល់​ព្រម​ពី​ស្ថាប័ន​នីតិ​ប្បញ្ញ​ត្តិ​ កាល​ពី​ថ្ងៃ​ទី ​៩​ ខែ​តុលា​​។​

លោក​ ផៃ ​ស៊ីផាន​ អ្នក​នាំ​ពាក្យ​រាជ​រដ្ឋាភិ​បាល​ បាន​ថ្លែង​កាល​ពី​ម្សិល​មិញ​ថា​ ប្រ​ទេស​​ទាំង​ ២ ​តាម​រយៈកា​រ​បង្ហាញ​របស់​​អ្នក​ប្ចេក​ទេស ​និង​អ្នក​ឯក​ទេស​ព្រំដែន​ មាន​គណៈ​កម្មា​ធិ​ការ​ចម្រុះ​ព្រំដែ​ននៃ​ប្រ​ទេស​ទាំង​២ ​សម្រេច​បាន​ ៨៤ ​ភាគ​រយ​ នៃ​ការ​បោះ​បង្គោល​​ព្រំ​ដែន​។​ នៅ​ក្នុង​ ៨៤ ​ភាគ​រយ​នេះ​ រាជ​រដ្ឋា​ភិបាល​​កម្ពុជា​បាន​អនុម័ត​យល់​ព្រម​ជា​មួយ​នឹង​រដ្ឋា​ភិបាល​របស់​ប្រ​ទេស​វៀត​ណាម​។​

លោក​ថ្លែង​ថា​៖ «​កិច្ច​ព្រម​ព្រៀង​នេះ​យក​ជា​ការ​បាន​ ល្គឹក​ណា​ដែល​ស្ថាប័ន​នីតិ​ប្ប​ញ្ញត្តិ​ផ្ដល់​សច្ចាប័ន​។​ ​ដូច្នេះ​ការ​ងារ​នេះ គឺជា​ការ​ងារ​ផ្ដល់​សច្ចា​ប័ន​បាន​សេច​ក្ដី​ថា ​រដ្ឋ​សភា​យើង​យល់​ព្រម​នៅ​ក្នុង​ការងារ​ បច្ចេក​ទេស​របស់​គណ​កម្មា​ធិការ​ព្រំដែន​ ដែល​តំណាង​ដោយ​រាជ​រដ្ឋា​ភិបាល​»​។​

លោក​ ផៃ​ ស៊ីផាន​ ពន្យល់​ថា ​រដ្ឋ​សភាមុន​នឹង​ឲ្យ​សច្ចា​ប័ន​ គឺ​ត្រូវ​​ពិនិត្យ​មើល​គ្រប់​ជ្រុង​​ជ្រោយ​នៅ​ដំណាក់​កាល​ចុង​ក្រោយ។ ​ពេល​​ណា​រដ្ឋ​សភា​ផ្ដល់​សច្ចា​ប័ន​ សេច​ក្ដី​ព្រាង​ច្បាប់​នេះ​ ក្លាយ​ជា​ច្បាប់​​ត្រូវ​បាន​ដាក់​​ឲ្យ​ប្រើ​ប្រាស់​ជា​ផ្លូវ​ការ​​។​

លោក​បាន​បញ្ជាក់​ថា​៖​​ «​បន្ទាប់​ពី​ការ​ទទួល​បាន​សច្ចា​ប័ន​ពី​រដ្ឋ​សភា​ (​លើ​សេច​ក្ដី​ព្រាង​ច្បាប់​នេះ​)​ បាន​សេច​ក្ដី​ថា​ ទាំង​បង្គោល​ ទាំង​ខ្សែ​បន្ទាប់​ព្រំ​ដែន​ គឺ​ក្លាយ​ទៅ​ជា​តាម​ផ្លូវ​ច្បាប់​។ ​អ្វី​ទៅ​ជា​ច្បាប់​ គឺ​ពិព័ណ៌​នា​ទៅ​លើ​ខ្សែ​ខណ្ឌ​សីមា​ ក៏​ដូច​ជា​បង្គោល​ព្រំ​ដែន​។​ នៅ​ពេល​យើង​មាន​រឿង​យើង​ទៅ​ជជែក​គ្នា​នៅ​តុលា​ការ​អន្តរ​ជាតិ​ គឺ​យើង​យក​ច្បាប់​នេះ​មក​ជជែក​គ្នា»​។​

លោក​ ​ឡេង​ ប៉េង​ឡុង​ អ្នក​នាំ​ពាក្យ​រដ្ឋ​សភា​ មិន​អា​ច​ទាក់​ទង​បាន​ទេ​កាល​ពីថ្ងៃ​ទី​ ២០ តុលា​​៕​ ​

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។