The Phnom Penh Post Search

Search form




Logo of Phnom Penh Post newspaper Phnom Penh Post - គម្រោង​អភិវឌ្ឍន៍​បឹងកក់​នឹង​ចាប់​ផ្តើម​នៅ​ក្នុង​ឆ្នាំ​នេះ




គម្រោង​អភិវឌ្ឍន៍​បឹងកក់​នឹង​ចាប់​ផ្តើម​នៅ​ក្នុង​ឆ្នាំ​នេះ

អេស្កាវ៉ាទ័រ មក​ឈូស​លំនៅ​ដ្ឋាន​ប្រជាពលរដ្ឋ​បឹងកក់​ដែល​ត្រូវ​បាន​បណ្តេញ​ចេញ​ទាំង​បង្ខំ នៅ​ក្នុង​សហគមន៍​បឹងកក់ កាល​ពី​ឆ្នាំ​២០១០។
អេស្កាវ៉ាទ័រ មក​ឈូស​លំនៅ​ដ្ឋាន​ប្រជាពលរដ្ឋ​បឹងកក់​ដែល​ត្រូវ​បាន​បណ្តេញ​ចេញ​ទាំង​បង្ខំ នៅ​ក្នុង​សហគមន៍​បឹងកក់ កាល​ពី​ឆ្នាំ​២០១០។

គម្រោង​អភិវឌ្ឍន៍​បឹងកក់​នឹង​ចាប់​ផ្តើម​នៅ​ក្នុង​ឆ្នាំ​នេះ

ភ្នំពេញៈ បន្ទាប់​ពី​មាន​មន្ទិល​ជាច្រើន​ឆ្នាំ​ថា ការ​អភិវឌ្ឍ​តំបន់​បឹងកក់ មិន​អាច​ក្លាយ​ជា​រូប​រាង​ក្រុម​ហ៊ុន​អភិវឌ្ឍន៍ Shukaku Inc.បាន​ប្រាប់ ភ្នំពេញ ប៉ុស្តិ៍ កាល​ពី​ម្សិល​មិញ​ថា ក្រុម​ហ៊ុន​នឹង​ដំណើរការ​សាង​សង់​ដោយ​ចាប់​ផ្តើម​ដំបូង​ពី​ប្រព័ន្ធ​បង្ហូរ​ទឹក​ស្អុយ និង​ការិយាល័យ​របស់​ក្រុម​ហ៊ុន។

លោក​ស្រី Amu Pillay ប្រធាន​ផ្នែក​ទំនាក់​ទំនង​សាធារណៈ​របស់​ក្រុម​ហ៊ុន Skukaku បាន​ឲ្យ​ដឹង​ថា ផែនការ​មេ​ថ្មី​សម្រាប់​គម្រោង គឺ​ទីក្រុង​អេកូ​ដែល​មាន​សណ្ឋាគារ លំនៅឋាន​មជ្ឈមណ្ឌល​ពាណិជ្ជកម្ម និង​ហាង​ទំនិញ​ត្រូវ​បាន​អនុម័ត​នៅ​ឆ្នាំ​នេះ។

លោក​ស្រី​ថា៖ «គ្មាន​បញ្ហា​ហិរញ្ញវត្ថុ​ទេ ហើយ​គម្រោង​សំខាន់ៗ​បាន​និង​កំពុង​ដំណើរ​ការ​ដោយ​អនុវត្ត​តាម​កម្មវិធី។ ការ​សាង​សង់​ប្រព័ន្ធ​បង្ហូរ​ទឹក​ស្អុយ​នឹង​ចាប់​ផ្តើម​នៅ ខែ​ធ្នូ ឆ្នាំ​២០១៤ ការងារ​សាង​សង់​ទាំង​មូល​នឹង​បញ្ចប់​នៅ​ត្រឹម ឆ្នាំ​២០១៧»។

លោក​ស្រី Pillay បាន​បន្ត​ថា ប្លង់​ផ្លូវ​ថ្នល់ និង​ប្រព័ន្ធ​ទឹក​ភ្លើង​ក៏​ទទួល​បាន​អនុម័ត​ពី​សាលា​ក្រុង​ផង​ដែរ ចំណែក​ឯ​ប្លង់​សម្រាប់​សួន​នឹង​ព្រាង​នៅ​ខែ​នេះ​ដើម្បី​សាង​សង់​នៅ​ឆ្នាំ​ក្រោយ។

ប៉ុន្តែ លោក​ស្រី​បាន​ថ្លែង​ថា វា​មិន​ច្បាស់​ទេ​ថា តើ​ក្រុម​ហ៊ុន Shukaku ជា​អ្នក​បង្ក​ឲ្យ​មាន​ទឹក​ជន់​លិច​ក្នុង​កម្រិត​ណា ដោយ​លោក​ស្រី​បាន​បន្ត​ថា សាលា​ក្រុង​ក៏​ត្រូវ​ការ​កែ​លម្អ​ប្រព័ន្ធ​ទឹក​ស្អុយ​ដើម្បី​ដោះ​ស្រាយ​បញ្ហា​ក្នុង​តំបន់​នោះ​ដែរ។

លោក​ស្រី​ថា៖ «[គម្រោង​របស់​យើង] នឹង​មិន​ដោះ​ស្រាយ​បញ្ហា​ជន់​លិច​នៅ​ដី​ជុំវិញ​ទេ ដោយ​សារ​តែ​ឧបសគ្គ​ដែល​ប្រព័ន្ធ​ចាស់​ត​ភ្ជាប់​នឹង​ប្រព័ន្ធ​ថ្មី។ បើ​ទោះ​បី​ជា​ប្រព័ន្ធ​បង្ហូរ​ទឹក​ស្អុយ​យើង​មាន​ប្រសិទ្ធភាព ប៉ុន្តែ​ទឹក​ភ្លៀង​នឹង​មិន​អាច​ហូរ​ចេញ​ដោយ​ប្រសិទ្ធភាព​ទេ លើក​លែង​សាលា​រាជធានី​កែលម្អ​ប្រព័ន្ធ​ត​ភ្ជាប់​នៅ​ខាង​ក្រៅ»។

ប៉ុន្តែ​លោក​ស្រី Pillay បាន​ថ្លែង​ថា វា «មិន​ច្បាស់» ថា តើ​ត្រូវ​បន្ទោស​ក្រុម​ហ៊ុន Shukaku កម្រិត​ណា​ចំពោះ​ទឹក​លិច​នេះ? លោក​ស្រី​បន្ថែម​ថា សាលា​រាជធានី​ក៏​ត្រូវ​ការ​កែ​លម្អ​ប្រព័ន្ធ​លូ​ផង​ដែរ​ដើម្បី​ដោះ​ស្រាយ​បញ្ហា​នៅ​ក្នុង​តំបន់​នេះ។

គ្រួសារ​មួយ​ចំនួន​នៅ​កំពុង​រង់ចាំ​ប័ណ្ណ​កម្មសិទ្ធិ​ដីធ្លី​ពី​សាលា​ក្រុង​បន្ទាប់​ពី​លោក​នាយក​រដ្ឋ​មន្រ្តី ហ៊ុន សែន នៅ ឆ្នាំ​២០១១ បាន​យល់​ព្រម​កាត់​ចំណែក​ដី ១២,៤៤ ហិកតា​ចេញ​ពី​ដី​សម្បទាន​របស់​ក្រុម​ហ៊ុន Shukaku ឲ្យ​ទៅ​គ្រួសារ​ដែល​ត្រូវ​បាន​បណ្តេញ​ចេញ។

មាន​ការ​អំពាវនាវ​ពី​សហគមន៍​និង​អង្គការ​សិទិ្ធ​មនុស្ស​ឲ្យ​អាជ្ញាធរ​ដោះលែង​ស្រ្តី​បឹង​កក់​ចំនួន ៧ នាក់ ដែល​បាន​ចាប់​ខ្លួន​កាល​ពី​ខែ​មុន ហើយ​ទទួល​ទោស​ជាប់​ពន្ធនាគារ ១​ឆ្នាំ នៅ​ថ្ងៃ​ក្រោយ បន្ទាប់​ពី​ពួកគេ​បាន​រាំង​ស្ទះ​នៅ​ក្រៅ​សាលា​រាជធានី​ភ្នំពេញ ដើម្បី​តវ៉ា​ប្រឆាំង​នឹង​ការ​ជន់​លិច​ផ្ទះ​របស់​ពួក​គេ​ជា​ប្រចាំ។

នៅ ឆ្នាំ​២០០៧ រដ្ឋាភិបាល​បាន​ផ្តល់​សម្បទាន​រយៈ​ពេល ៩៩ ឆ្នាំ ដល់​ក្រុម​ហ៊ុន Shukaku ដែល​មាន​លោក ឡាវ ម៉េងឃីន ជា​ប្រធាន និង​ជា​ព្រឹទ្ធ​សមាជិក​នៃ​គណបក្ស​ប្រជាជន​ផង​ដែរ។

អ្នក​ភូមិ​បាន​ថ្លែង​ថា ការ​ជន់​លិច​ផ្ទះ​និង​អាជីវកម្ម​របស់​ពួក​គេ​ជា​បញ្ហា​កំពុង​បន្ត ចាប់​តាំង​ពី​ក្រុម​ហ៊ុន Shukaku បាន​ចាក់​បំពេញ​បឹង​ជាច្រើន​ឆ្នាំ​មុន។

ក្រុម​សិទិ្ធ​មនុស្ស និង​គណបក្ស​សង្គ្រោះ​ជាតិ ក៏​បាន​អំពាវនាវ​ឲ្យ​អាជ្ញាធរ​ជួស​ជុល​បញ្ហា​ទឹក​ស្អុយ​នៅ​បឹងកក់​ផង​ដែរ។

លោក ឡុង ឌីម៉ង់ អ្នក​នាំ​ពាក្យ​សាលា​រាជធានី​ភ្នំពេញ​ថ្លែង​ថា អាជ្ញាធរ​ក្រុង​នឹង​ធ្វើ​ការ​ជាមួយ​នឹង​ក្រុម​ហ៊ុន Shukaku ដើម្បី​កសាង​ប្រព័ន្ធ​ទឹក​ស្អុយ​ដែល​ត​ភ្ជាប់​នឹង​ការ​អភិវឌ្ឍ​ប្រព័ន្ធ​សាធារណៈ។ ការ​សិក្សា​កំពុង​តែ​អនុវត្ត​ដើម្បី​កំណត់​ថា តើ​ហេដ្ឋា​រចនា​សម្ព័ន្ធ​ប៉ុន្មាន​ដែល​នឹង​ត្រូវ​សាង​សង់?

Shukaku បាន​ចាប់​ផ្តើម​ការ​អភិវឌ្ឍ​ជា​ផ្លូវ​ការ​នៅ ឆ្នាំ​២០១១ ដោយ​បង្ហាញ​ប្លង់​ទីក្រុង​រណប​មជ្ឈមណ្ឌល​ពាណិជ្ជកម្ម​ហាង​ទំនិញ សាល​សន្និសីទ និង​លំនៅឋាន​ដោយ​ចាប់​ដៃគូ​ជាមួយ​នឹង​ក្រុម​ហ៊ុន​ចិន Erdos Hong Jun Investment ដើម្បី​បង្កើត​ក្រុម​ហ៊ុន​អភិវឌ្ឍន៍​អចលន​ទ្រព្យ​ហៅ​ថា Shukaku Erdos។ ក្រុម​ហ៊ុន​ហាក់​បី​ដូច​ជា​ចែក​ផ្លូវ​គ្នា​នៅ ឆ្នាំ​២០១២ ធ្វើ​ឲ្យ​ពាក្យ​ចចាម​អារ៉ាម​ថា ប្លង់​អភិវឌ្ឍន៍​អាច​ត្រូវ​បញ្ឈប់។

លោក ចាន់ ពុទ្ធិស័ក្តិ អ្នក​តំណាង​បឹងកក់​ថ្លែង​ថា ក្រុម​ហ៊ុន​និង​សាលា​ក្រុង​មិន​បាន​ទាក់ទង​សហគមន៍​ដើម្បី​ប្រាប់​ពួក​គេ​អំពី​គម្រោង​ជួសជុល​ប្រព័ន្ធ​បង្ហូរ​ទេ។

លោក​ថា៖ «យើង​នឹង​រីក​រាយ​ប្រសិន​បើ​ប្រព័ន្ធ​បាន​ជួយ​បញ្ឈប់​ការ​ជន់​លិច ប៉ុន្តែ ក្តី​បារម្ភ​របស់​យើង​ជាមួយ​នឹង​ប្រព័ន្ធ​ទឹក​ស្អុយ​នេះ គឺថា​តើ​ពួក​គេ​នឹង​សាង​សង់​តាម​ស្តង់ដារ​ឬ​យ៉ាង​ណា? ខ្ញុំ​ព្រួយ​បារម្ភ​ថា ពួក​គេ​គ្រាន់​តែ​ប្រកាស ប៉ុន្តែ​វា​មិន​មែន​ជា​ប្រព័ន្ធ​ល្អ​ទេ»៕

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។