The Phnom Penh Post Search

Search form




Logo of Phnom Penh Post newspaper Phnom Penh Post - ឃុំខ្លួន​ ៤ នាក់ពាក់ព័ន្ធ​បទល្មើស​​ប្រ​មូល​អនុ​ផល​ព្រៃ​ឈើ ​ក្នុង​តំបន់​ការពារធម្មជាតិ

ឃុំខ្លួន​ ៤ នាក់ពាក់ព័ន្ធ​បទល្មើស​​ប្រ​មូល​អនុ​ផល​ព្រៃ​ឈើ ​ក្នុង​តំបន់​ការពារធម្មជាតិ

Content image - Phnom Penh Post
ជនសង្ស័យពេលនាំមកសាលាដំបូងខេត្តមណ្ឌលគិរី។ រូប សហការី

ឃុំខ្លួន​ ៤ នាក់ពាក់ព័ន្ធ​បទល្មើស​​ប្រ​មូល​អនុ​ផល​ព្រៃ​ឈើ ​ក្នុង​តំបន់​ការពារធម្មជាតិ

មណ្ឌលគិរីៈ ចៅ​ក្រម​ស៊ើប​សួរ​នៃ​សា​លា​ដំបូង​ខេត្ត​ មណ្ឌល​គិរី លោក ស៊ុយ សុភា បាន​សម្រេច​ឃុំ​ខ្លួន​​បុរស​ជាជន​សង្ស័យ​ចំនួ​ន ​៤ ​នាក់​ដាក់​ពន្ធនា​គារ​បណ្ដោះ​អា​សន្ន​ពីបទ​កាប់​ឈើ​ខុស​ច្បាប់​​ក្នុង​ដែន​ជម្រក​សត្វព្រៃ​ ស្រែ​ពក ស្ថិត​​ក្នុង ភូមិ​ស្រែ​ហ៊ុយ ឃុំ​ស្រែ​ហ៊ុយ ស្រុក​កោះ​ញែក ខេត្ត​មណ្ឌល​គិរី​។

លោក ស៊ុយ សុភា បាន​ប្រាប់​ភ្នំពេញ​ប៉ុស្ដិ៍ម្សិល​មិញ​ថា ការឃុំ​ខ្លួន​នេះបន្ទាប់ពី​​មន្ត្រី​ឧ​ទ្យា​នុ​រក្ស​ដែន​ជម្រក​សត្វ​ព្រៃ​ស្រែ​ពក និង​នគរ​បាល​វរ​សេនា​តូច​ការពារ​ព្រំដែន​គោក​លេខ ៣០៣ ឃាត់​ខ្លួន​កាល​ពី​ថ្ងៃទី​១៨ ​ខែ​តុលា ឆ្នាំ​២០១៨​ ពេល​កំពុង​ប្រព្រឹត្ដ​បទ​ល្មើស​ជាក់​ស្ដែង​។

លោក​បន្ដ​ថា​៖«ឥឡូវ​នេះយើង​​ឃាត់​ខ្លួន​បណ្ដោះ​អាសន្ន​ហើយ​ដើម្បី​ស្រាវ​ជ្រាវ​មើល​បន្ថែម​ចំពោះ​ករណី​នេះ​។ បន្ទាប់​ពី​​បញ្ចប់​នីតិ​វិធី​យើង​សម្រេច​ឃុំ​ខ្លួន​ពួក​គាត់​បណ្ដោះ​អាសន្ន​លើ​បទ​ចោទ​ប្រមូល​អនុ​ផល​ព្រៃ​ឈើ​ខុស​ច្បាប់​នៅ​តំបន់​អភិរក្ស»។

លោក ព្រំ សុវណ្ណ នាយក​ដែន​ជម្រក​សត្វ​ព្រៃ​ស្រែពក​បាន​ឲ្យ​ដឹង​ថា ជន​សង្ស័យ ទាំង ៤ នាក់ ​រួមមាន ១.ឈ្មោះ ​វិច វ៉ាត អាយុ ២៦ឆ្នាំ, ២.ឈ្មោះ​ លួ​ម ថាំង អាយុ ២៤ឆ្នាំ, ៣.ឈ្មោះ ​សា វា អាយុ ៣០ឆ្នាំ និង ​ទី៤.ឈ្មោះ ​លួ​ម តាំង អាយុ ២៧ឆ្នាំ។ ពួក​គេរស់​នៅ​ភូមិ​ជី​មាត ឃុំ​ណង​ឃី​លឹក ស្រុក​កោះ​ញែក ខេត្ត​មណ្ឌល​គិរី។

លោក​បន្ដ​ថា សមត្ថកិច្ច​បាន​ចុះ​ល្បាត​ទប់ស្កាត់និង​បង្ក្រាប​បទល្មើស​ធនធាន​ធម្មជាតិ ហើយ​បាន​​ប្រទះ​ឃើញ​ក្រុម​ជន​សង្ស័យ​កំពុង​ប្រើ​រណារ​យន្ត​កាប់រំលំ​ដើមឈើ​​ប្រណីត​(ធ្នង់)​អស់​ជាច្រើន​ដើមហើយ​ក៏​ឃាត់ខ្លួន​បាន​ភ្លាមៗ​តែ​ម្ដង​។

លោក អ៊ាង ម៉េងលី មន្រ្ដី​សមាគ​មអាដ​ហុក​ប្រចាំ​ខេត្ដ​មណ្ឌលគិរីបាន​លើកឡើង​ថា ការ​អនុវត្ដ​ច្បាប់ របស់​សមត្ថ​កិច្ច​ឬតុលា​ការ​នៅ​ខេត្ដ​មណ្ឌល​គិរីនៅ​មិន​ទាន់​បាន​ស្មើ​ភាព​គ្នា​ទេ​ ចំពោះ​ករណី​កាប់​ឈើ​នេះ​។​

លោក​ថា​៖«ចំពោះការ​កាប់​ឈើ​ខុស​ច្បាប់នេះ យើង​ឃើញ​ថា ចាប់បាន​តែ​ពលរដ្ឋ​តូច​តាចក្រីក្រ គ្មាន​​មុខ​របរ ទៅ​ចូល​ព្រៃ​កាប់​ឈើ​ដើម្បី​ចិញ្ចឹម​ជីវិត​។ ប៉ុន្ដែ​បើ​មេ​ឈ្មួញ​ធំៗ ពិសេស​មន្រ្ដី​ គ្រាក់ៗ ​ដែល​​ឃុបឃិត​គ្នានោះ តុលា​ការ​ហាក់​ដូច​ជា​មិន​ទាន់​ឃើញ​ចាប់​ខ្លួន​ឬ​ក៏​បញ្ចូន​ខ្លួន​មក​អនុវត្ដ​ច្បាប់​នៅ​ឡើយ​ទេ​»៕

អត្ថបទគួរចាប់អារម្មណ៍