The Phnom Penh Post Search

Search form




Logo of Phnom Penh Post newspaper Phnom Penh Post - ចលនា​សិទ្ធិ​ការ​ងារ​ជួយ​លើក​កម្ពស់​ជីវភាព​ស្ត្រី​លក់​ស្រាបៀរ




ចលនា​សិទ្ធិ​ការ​ងារ​ជួយ​លើក​កម្ពស់​ជីវភាព​ស្ត្រី​លក់​ស្រាបៀរ

ស្រ្តី​លក់​ស្រាបៀរ​ កំពុងចាក់​ស្រាបៀរក្នុង​ហាង​មួយ​នៅ​ភ្នំ​ពេញ​​កាល​ពី​ម្សិល​មិញ​​​។
ស្រ្តី​លក់​ស្រាបៀរ​ កំពុងចាក់​ស្រាបៀរក្នុង​ហាង​មួយ​នៅ​ភ្នំ​ពេញ​​កាល​ពី​ម្សិល​មិញ​​​។ ម៉ៃ វីរៈ

ចលនា​សិទ្ធិ​ការ​ងារ​ជួយ​លើក​កម្ពស់​ជីវភាព​ស្ត្រី​លក់​ស្រាបៀរ

ភ្នំពេញៈ ចលនា​សិទិ្ធ​ការ​ងារ​នៅ​ក្រៅ​រោងចក្រ មាន​សារៈ​សំខាន់ ក្នុង​ការ​ជំរុញ​ឲ្យ​រដ្ឋាភិបាល​ដំឡើង​ប្រាក់​ឈ្នួល​អប្បបរមា​ទ្វេ​ដង​ ក្នុង​រយៈ​ពេល ៣ឆ្នាំ​កន្លង​មក​នេះ។ ​ប៉ុន្តែ​ដោយ​គ្មាន​ការ​រំពឹង​ទុក ​មេ​ដឹក​នាំ​សហជីព​ម្នាក់​បាន​ថ្លែង​ថា សកម្មភាព​នេះ​ក៏​បាន​លើក​កម្ពស់​ជីវភាព​របស់​ក្រុម​មួយ​ទៀត​ផង​ដែរ គឺ​អ្នក​ឃោសនា​ស្រាបៀរ។

លោក សា មូរ៉ា ប្រធាន​សហព័ន្ធ​កម្មករ ក្នុង​វិស័យ​សេវា​កម្ម និង​ចំណី​អាហារ​កម្ពុជា បាន​ថ្លែង​ កាល​ពី​ម្សិលមិញ​ថា ការ​ទាមទារ​ដំឡើង​ប្រាក់​ឈ្នួល​ដ៏​ល្បី​នេះ​ ក៏​បាន​បង្ក​លក្ខណៈ​ងាយ​ស្រួល​ថែម​ទៀត​ក្នុង​ការ​ចរចា​លក្ខ​ខណ្ឌ​ការងារ​កាន់​តែ​ល្អ​ប្រសើរ​សម្រាប់​កម្មករ​ដែល​លក់​ស្រាបៀរ​ឲ្យ​ក្រុម​ហ៊ុន​ស្រាបៀរ​ធំ​បំផុត​នៅ​កម្ពុជា។

លោក​បន្ថែម​ថា ប្រាក់​ឈ្នួល​កាន់​តែ​ខ្ពស់​សម្រាប់​ស្រ្តី​ទាំង​នេះ ដែល​ធ្វើ​ការ​នៅ​ក្នុង​ភោជនីយ​ដ្ឋាន បៀរហ្គាឌិន ​និង​បារ៍ ​បាន​ជួយ​កាត់​បន្ថយ​នូវ​កម្រិត​បង្ខំ​ឲ្យ​ផឹក​ស្រាបៀរ​នៅ​កន្លែង​ការ​ងារ និង​ការ​យាយី និង​វាយ​ប្រហារ​ផ្លូវ​ភេទ។ ​លោក​ មូរ៉ា ​​បញ្ជាក់​ថា ក្នុង​ករណី​​របស់​ស្រ្តី​លក់​ផ្សព្វ​ផ្សាយ​ស្រាបៀរ​ឲ្យ​ក្រុម​ហ៊ុន Cambrew ​ដែល​ផលិត​ស្រា​បៀរ​អង្គរ ​ហើយ​មួយ​ផ្នែក​ជា​កម្មសិទិ្ធ​របស់​ក្រុម​ហ៊ុន Carlsberg ប្រាក់​ឈ្នួល​បាន​កើន​ឡើង​ពី ៥០ ដុល្លារ​ក្នុង​មួយ​ខែ ក្នុង​ឆ្នាំ ២០១១ ដល់ ១៥៥​ ដុល្លារ ឥឡូវ​នេះ។ ប្រាក់​ឈ្នួល​អប្បបរមា​គឺ ១២៨ ដុល្លារ​។

លោកសា មូរ៉ា បាន​បន្ត​ថា៖ «​ប្រាក់​ឈ្នួល​នេះ​គឺជា​ធាតុ​ផ្សំ​សំខាន់​។ [កូដកម្ម​រោង​ចក្រ​កាត់​ដេរ​] ​គឺជា​ផ្នែក​មួយ​នៃ​ការ​រីក​ចម្រើន​នេះ។ យើង​ជួប​ជា​មួយ​នឹង​ក្រុម​ហ៊ុន ​ហើយ​មាន​អារម្មណ៍​ថា កម្មករ​ជា​ទូទៅ​​ត្រូវ​ការ​ដំឡើង​ប្រាក់​ខែ»​។

ក្នុង​ឆ្នាំ ២០១២ ភ្នំពេញ ប៉ុស្តិ៍ បាន​បោះ​ពុម្ព​ផ្សាយ​ការ​ស្រាវ​ជ្រាវ​ពី Ian Lubek ​សាស្រ្តា​ចារ្យ​ចិត្ត​សាស្រ្ត​នៃ​សាកល​វិទ្យាល័យ Guelph នៅ​កាណាដា ដែល​បង្ហាញ​ថា ៨៥ % នៃ​អ្នក​ផ្សាយ​ស្រាបៀរ​កម្ពុជា​ចំនួន​១៦៦០ នាក់ ដែល​បាន​ស្ទង់​មតិ​ក្នុង​រយៈ​ពេល ៨ ឆ្នាំ​មក​នេះ ជា​ញឹក​ញាប់​ ត្រូវ​ផឹក​ស្រាបៀរ​នៅ​កន្លែង​ធ្វើ​ការ។

លោក Lubek បាន​ថ្លែង​នៅ​ពេល​នោះ​ថា៖ «​ការ​ស្រាវ​ជ្រាវ​របស់​យើង​បង្ហាញ​ថា ​អ្នក​ផ្សាយ​ស្រាបៀរ​​កំពុង​ផឹក​ស្រាបៀរ​ជា​មធ្យម ១,៥ លីត្រ​ ក្នុង​មួយ​យប់ គឺ​ស្រាបៀរ​ចំនួន ៦ ​កែវ ២៧ យប់​ក្នុង​មួយ​ខែ»។ ​លោក​ថ្លែង​ថា ស្រ្តី​កំពុង​ត្រូវ​បាន​បង្ខំ​ឲ្យ​ផឹក​ស្រា​ជាមួយ​នឹង​អតិថិជន ហើយ​ផ្តល់​សេវា​ផ្លូវ​ភេទ ដើម្បី​រក​ប្រាក់​ឲ្យ​បាន​គ្រប់​គ្រាន់​ដើម្បី​រស់​នៅ​ ផ្អែក​លើ​ប្រាក់​ឈ្នួល​អប្បបរមា។

លោក មូរ៉ា បន្ថែម​ថា ​យោង​តាម​ការ​ស្ទង់​មតិ CFSWF នា​បច្ចុប្បន្ន កម្មករ​ជា​ច្រើន​នាក់​កំពុង​ផឹក​ស្រាបៀរ​បាន​ថយ​ចុះ​ខ្លាំង ហើយ​ករណី​វាយ​ប្រហារ និង​យាយី​ផ្លូវ​ភេទ។

លោក​បញ្ជាក់​ថា៖ «​ចំពោះ​កម្មករ​ស៊ី​ប្រាក់​ខែ ពួក​គេ​មិន​អង្គុ​យ​ជាមួយ​នឹង​អតិថិជន​ទេ​។ ពួក​គេ​មិន​ផឹក​ច្រើន​ទេ។ ចំពោះ​កម្មករ​ជា​ច្រើន​ដែល​ពឹង​ផ្អែក​លើ​ប្រាក់​កម្រៃ​ជើង​សារ ករណី​នៅ​តែ​អាក្រក់​»។

លោកស្រី ផល សុភាព ​អនុ​ប្រធាន CFSWF ​នៅ​​ខេត្ត​សៀមរាប បាន​ថ្លែង​ថា លោក​ស្រី​កត់​សម្គាល់​ពី​ការ​រីក​ចម្រើន​ដោយ​ផ្ទាល់ បើ​ទោះ​បី​ជា​ការ​បំពាន​នៅ​តែ​ជា​បញ្ហា​សំខាន់​ក៏​ដោយ។ ​លោក​ស្រី​បាន​បន្ត​ថា៖ «​​អតិថិជន​ប្រហែល ៧០​ភាគ​រយ ឥឡូវ​នេះ យល់​ដឹង​អំពី​ការ​ងារ​របស់​ស្រ្តី​ផ្សាយ​ស្រា​បៀរ​ ប៉ុន្តែ ៣០ ភាគរយ​ទៀត នៅ​តែ​បំពាន​ពួក​គេ ឬ​បង្ខំ​ពួក​គេ​ឲ្យ​ផឹក​ស្រា ជាមួយ​នឹង​ពួក​គេ។ ខ្ញុំ​រំពឹង​ថា​ការ​ងារ​នេះ​នឹង​ល្អ​ប្រសើរ​សម្រាប់​ស្រ្តី ខណៈ​ដែល​ប្រាក់​ខែ​បន្ត​កើន​ឡើង ហើយ​យើង សហជីព និង​អង្គការ​មិន​មែន​រដ្ឋាភិបាល​បន្ត​សហការ​គ្នា​ដើម្បី​លុប​បំបាត់​ការ​រើស​អើង​»។

ឆ្លើយ​តប​ទៅ​នឹង​ការ​រិះ​គន់ ក្រុម​ហ៊ុន​ស្រា​បៀរ​ធំៗ បាន​បង្កើត​ឧស្សាហកម្ម​លក់​ស្រាបៀរ (BSIC) ​នៅ​ឆ្នាំ ២០០៦ ដើម្បី​លើក​កម្ពស់​លក្ខខណ្ឌ​ការងារ នៅ​កន្លែង​លក់​ស្រាបៀរ ដូច​ជា ស្រាបៀរ អង្គរ ​Anchor Tiger និង Carlsberg។

របាយការណ៍​ចុង​ក្រោយ​របស់ BSIC ដែល​និពន្ធ​ដោយ Indochina Research ​និង​ចុះ​ផ្សាយ​ក្នុង​ឆ្នាំ ២០១៤ បាន​រក​ឃើញ​ពី​ការ​ធ្លាក់​ចុះ​នូវ​សម្ពាធ​ឲ្យ​ផឹក​ស្រា​នៅ​កន្លែង​ការ​ងារ​ ប៉ុន្តែ​បាន​កត់​សម្គាល់​ថា សម្ពាធ​នេះ​នៅ​តែ​ខ្ពស់។ របាយការណ៍​បាន​ឲ្យ​ដឹង​ថា៖ «​ជា​រួម កម្មករ BSIC ​ភាគ​ច្រើន​បាន​សម្តែង​នូវ​ការ​ពេញ​ចិត្ត​ខ្ពស់​ជាមួយ​នឹង​លក្ខ​ខណ្ឌ​ការ​ងារ​។ មូលហេតុ​ចម្បង​ដែល​ធ្វើ​ឲ្យ​ពេញ​ចិត្ត គឺ​ម៉ោង​ការ​ងារ​មាន​ភាព​បត់​បែន កម្មវិធី​លើក​ទឹក​ចិត្ត និង​ការ​ឈប់​សម្រាក​បុណ្យ ដែល​ចែង​ក្រោម​ច្បាប់​ការ​ងារ​កម្ពុជា»។ ប៉ុន្តែ របាយការណ៍​បាន​ឲ្យ​ដឹង​ថា បញ្ហា​ដទៃ​ទៀត​នៅ​តែ​មាន។

បើ​ទោះ​បី​ជា​ ស្រ្តី​ផ្សាយ​ស្រា​បៀរ​របស់ BSIC កាន់​តែ​តិច ទទួល​រង​នូវ​ការ​យាយី​ផ្លូវ​ភេទ​ក៏​ដោយ ក៏​ប៉ុន្តែ ជន​រង​គ្រោះ​ជួប​បញ្ហា​នេះ​កាន់​តែ​ញឹកញាប់​ជាង​មុន។

អ្នក​ស្រី ភក្រ្ត សំណាង ​ស្រ្តី​ផ្សាយ​ស្រាបៀរ​អាយុ ២៩ ឆ្នាំ ដែល​លក់​ស្រា​បៀរ​អង្គរ នៅ​សៀមរាប​អស់​១០​ឆ្នាំ​មក​ហើយ បាន​កត់​សម្គាល់​ពី​ការ​រីក​ចម្រើន​ក្នុង​បរិស្ថាន​ការ​ងារ​។ អ្នក​ស្រី​បន្ត​ថា៖ «​អតិថិជន​ភាគ​ច្រើន​យល់​ដឹង​ថែម​ទៀត​អំពី​ការ​ងារ​របស់​យើង​»។ អ្នក​ស្រី​បន្ថែម​ថា ​ឥឡូវ​នេះ​អ្នក​ស្រី​ទទួល​បាន​ប្រាក់​ខែ ១៥៥ ដុល្លារ ក្នុង​មួយ​ខែ គឺ​ឡើង​ពី​ ១០០ ដុល្លារ ក្នុង​ឆ្នាំ ២០១១។ «​ឥឡូវ​នេះ អតិថិជន​មិន​បង្ខំ​ខ្ញុំ​ឲ្យ​ផឹក​ស្រា​បៀរ​ទេ។ ប្រសិន​បើ​គេ​សុំ​ខ្ញុំ​ឲ្យ​ផឹក ខ្ញុំ​បដិសេធ​»។​

លោក សំណាង ជឿ​ជាក់​ថា ​យុទ្ធនាការ​លើក​កម្ពស់​ការ​យល់​ដឹង ក៏​បាន​ជួយ​​ប្រជា​ពលរដ្ឋ​ឲ្យ​គោរព​ស្រ្តី​ផ្សាយ​ស្រា​បៀរ​ ដែល​មេ​ដឹក​នាំ CFSWF ​យល់​ស្រប។ ​លោក​ស្រី សុភាព បន្ត​ថា ប៉ុន្តែ ​កម្មករ​មួយ​ចំនួន​នៅ​តែ​ភ័យ​ខ្លាច​ក្នុង​ការ​បង្កើត​សហជីព ​ចំណែក​ឯ​លោក មូរ៉ា បន្ថែម​ថា៖«​ស្ត្រី​ផ្សាយ​ស្រា​បៀរ​នៅ​តែ​ត្រូវ​ការ​លក្ខ​ខណ្ឌ​ការ​ងារ​ល្អ​និង​ប្រាក់​ឈ្នួល​កាន់​តែ​ខ្ពស់​»​។​ មន្រ្តី​នៅ​ Cambrew ​ពុំ​អាច​ទាក់​ទង​សុំ​អធិប្បាយ​បាន​ទេ​កាល​ពី​ម្សិល​មិញ​៕ TK

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។