The Phnom Penh Post Search

Search form

Logo of Phnom Penh Post newspaper Phnom Penh Post - ចាប់​ខ្លួន​មេ​ខ្លោង​ជាតិ​វៀតណាម​ម្នាក់​ដែល​មក​រំដោះ​គ្នីគ្នា​ពី​មន្ត្រី​ជលផល




ចាប់​ខ្លួន​មេ​ខ្លោង​ជាតិ​វៀតណាម​ម្នាក់​ដែល​មក​រំដោះ​គ្នីគ្នា​ពី​មន្ត្រី​ជលផល

ចាប់​ខ្លួន​មេ​ខ្លោង​ជាតិ​វៀតណាម​ម្នាក់​ដែល​មក​រំដោះ​គ្នីគ្នា​ពី​មន្ត្រី​ជលផល

130404_07b
ក្រុមអ្នកធ្វើនេសាទល្មើសច្បាប់ត្រូវសមត្ថកិច្ចបង្ក្រាបកន្លងមក នប.ជក

កំពង់ឆ្នាំងៈ ជន​វៀតណាម​ម្នាក់​ក្នុង​បក្ខ​ពួក​៣នាក់​ត្រូវ​កម្លាំង​ប៉េអឹម​ខេត្ត​កំពង់ធំ​ចាប់​ខ្លួន​តាម​ដីកា​សាលា​ដំបូង​ខេត្ត​ បញ្ជូន​ទៅ​ឃុំ​នៅ​ពន្ធនាគារ​ខេត្ត ​កាល​ពី​​ថ្ងៃទី​២​ខែ​មេសា បន្ទាប់​ពី​ក្រុម​ជន​សង្ស័យ​នាំ​​គូក​ន​អ្នក​នេសាទ​វៀតណាម​ជិត​១០០​នាក់​ ទៅ​រំដោះ​​បក្ខ​ពួក​២​នាក់​ ពី​មន្រ្តី​ជល​ផល​​កាលពី​ថ្ងៃទី​២២ ខែ​​កុម្ភៈ​ ពាក់ព័ន្ធ​​បទ​ល្មើស​នេសាទ​ចូល​ក្នុង​ដែន​អភិរក្ស​។

លោក​ ប៊ុន​ ឃី​ អនុប្រធាន​មន្ទីរ​ស្រាវ​ជ្រាវ​និង​យុត្តិធម៌​កង​រាជ​អាវុធហត្ថ​ខេត្ត​ឲ្យ​ ដឹង​ថា​ ជន​​សង្ស័យ​ជាតិ​វៀតណាម​ឈ្មោះ​ង្វៀង​ យ៉ាំង​សន​ អាយុ​៤៤​ឆ្នាំ​នៅ​ភូមិ​-ឃុំ​ឆ្នុកទ្រូ ស្រុក​បរិបូណ៌ ខេត្ត​កំពង់ឆ្នាំង​ត្រូវ​ចាប់​ខ្លួន​និង​បញ្ជូន​ទៅ​ពន្ធនាគារ​ហើយ​តាម ដីកា​ចាស់​របស់​តុលាការ​ខេត្ត។

លោក​ថ្លែង​ថា​៖«​បើ​តាម​សមត្ថកិច្ច បាន​ឃើញ​ផ្ទាល់​​ ខណៈ​ជន​សង្ស័យ​ទៅ​រំដោះ​បក្ខពួក​ ជន​នេះ​ជា​មេ​ខ្លោង​ដែល​បាន​រត់​គេច​ខ្លួន​ពី​សមត្ថ​កិច្ច​រហូត​ត្រូវ​ចាប់ បាន»។

លោក​ ប៉ែន ​វណ្ណរិទ្ធ នាយ​ខណ្ឌ​រដ្ឋ​បាល​ជល​ផល​ខេត្ត​ប្រាប់​ថា ជន​សង្ស័យ​ជា​មេ​ខ្លោង​ទៅ​រំដោះ​អ្នក​នេសាទ​ជាតិ​វៀតណាម​មាន​៣នាក់​ តែ​គូកន​២នាក់​ទៀត​បាន​រត់​គេច​ខ្លួន​រក​មិន​ទាន់​ឃើញ។

កាល​ពីថ្ងៃ ទី​២៣​ កុម្ភៈ​ឆ្នាំ​២០១៣​មន្រ្តី​ជល​ផល​ស្រុក​កំពង់​ស្វាយ បាន​ព័ទ្ធ​ចាប់​អ្នក​នេសាទ​ខុស​ច្បាប់​វៀតណាម​២នាក់​ប្តី​ប្រពន្ធ ឈ្មោះ យ៉យ៉ាំង សឺន អាយុ​៣៣ឆ្នាំ​និង​ប្រពន្ធ​ឈ្មោះ​ង៉ូ ធីហ្វឹង​ អាយុ​២២​ឆ្នាំ​ត្រូវ​ចាប់​ខ្លួន​កាល​ពីថ្ងៃ​ទី​២២​ កុម្ភៈ​នៅ​ភូមិ​ផាត់សណ្តាយ ស្រុក​កំពង់​ស្វាយ ​ខេត្ត​កំពង់ធំ ខណៈ​ពួក​គេ​ចូល​ទៅ​នេសាទ​ក្នុង​តំបន់​អភិរក្ស​បម្រុង​របស់​រដ្ឋាភិបាល​។

លោក រំឭក​ថា ​បន្ទាប់​ពី​សមត្ថកិច្ច​ចាប់​អ្នក​នេសាទ​វៀតណាម​២នាក់​ប្តី​ប្រពន្ធ​ក៏​ មាន​គ្នី​គ្នា​គេ​ជិត​១០០​នាក់​បាន​មក​ឡោម​ព័ទ្ធ​ស្នាក់​ការ​មន្ត្រី​ជល​ផល​ និង​សម្រុក​ចូល​ទៅ​រំដោះ​គ្នី​គ្នា​គេ​ពី​​សមត្ថកិច្ច ព្រោះ​គិត​ថា ​នឹង​មាន​គ្រោះ​ថ្នាក់​។

លោក ប៊ុន ឃី ឲ្យ​ដឹង​ថា ​ជន​សង្ស័យ​វៀតណាម​២នាក់​ប្តី​ប្រពន្ធ​ ដែល​គ្នី​គ្នា​រំដោះ​រួច​នោះ​ទាំង​២​នាក់​ បាន​នាំ​គ្នា​ទាំង​ដៃ​ជាប់​ខ្នោះ​រត់​ចូល​ទៅ​ប៉ុស្តិ៍​នគរបាល​ឆ្នុក​ទ្រូ​ ហើយ​ប្តឹង​ប៉ូលិស​ថា ​មាន​គេ​ចាប់​ជំរិត​ពួក​គេ ​ប៉ុន្តែ​ដោយ​សារ​ខាង​សមត្ថកិច្ច​ដឹង​ក៏​ចាប់​បញ្ជូន​ទៅ​ស្នងការ​ដ្ឋាន​នគរបាល​ខេត្ត​កំពង់ឆ្នាំង ហើយ​បញ្ជូន​ទៅ​ពន្ធនាគារ​ខេត្ត​កំពង់ឆ្នាំង នៅ​ថ្ងៃ​បន្ទាប់៕

អត្ថបទគួរចាប់អារម្មណ៍