The Phnom Penh Post Search

Search form




Logo of Phnom Penh Post newspaper Phnom Penh Post - ចាប់​អ្នក​នេសាទ​វៀតណាម​៨​នាក់-ទូក​២​គ្រឿង​នៅ​ក្បែរ​កោះ​សេះ




ចាប់​អ្នក​នេសាទ​វៀតណាម​៨​នាក់-ទូក​២​គ្រឿង​នៅ​ក្បែរ​កោះ​សេះ

ចាប់​អ្នក​នេសាទ​វៀតណាម​៨​នាក់-ទូក​២​គ្រឿង​នៅ​ក្បែរ​កោះ​សេះ

កំពតៈ អ្នក​នេសាទ​វៀតណាម​៨នាក់ និង​ទូក​២គ្រឿង​ដែល​កម្លាំង​សមត្ថកិច្ច​ការពារ​ដែន​ទឹក​ខេត្ត​កំពត បាន​ស្ទាក់​ចាប់​ក្នុង​ពេល​ឆ្លងដែន​ចូល​មក​ធ្វើ​នេសាទ​ខុស​ច្បាប់​ក្នុង​ដែន​ទឹក​កម្ពុជា​កាលពី​ថ្ងៃ​ទី២ ខែ​តុលា ប៉ុន្តែ​នឹង​ធ្វើ​ការ​ដោះលែង​វិញ​បន្ទាប់ពី​ការ​ផាកពិន័យ និង​អប់រំ​រួច។

លោក ទូច ពលៈ អនុ​ប្រធាន​នាយកដ្ឋាន​ការពារ​ព្រំដែន​ទឹក​បាន​ប្រាប់​ភ្នំពេញ ប៉ុស្តិ៍ ពី​ម្សិលមិញ​ថា៖ «ទូក​នេសាទ​វៀតណាម​ដែល​នគរបាល​ការពារ​ដែនទឹក​ស្ទាក់​ចាប់​បាន​នោះ បាន​ប្រគល់​ឲ្យ​ខាង​រដ្ឋបាល​ជលផល​ខេត្ត​ហើយ»។

អ្នក​នេសាទ​វៀតណាម​ខុស​ច្បាប់​ទាំង​នោះ​ត្រូវ​កម្លាំង​ល្បាត​ដែន​ទឹក​ស្ទាក់​ចាប់​បាន កាលពី​វេលា​ម៉ោង​៤ទៀបភ្លឺ ថ្ងៃ​ទី២ ខែ​តុលា នៅ​ម្តុំ​ខាង​កើត កោះសេះ ខណៈ​ដែល​ទូក​ទាំង​ពីរ​នេះ​កំពុង​ធ្វើ​ការ​នេសាទ ដោយ​ប្រើ​ម៉ាស៊ីន​គោយន្ត​ទាញ​អូស​អួន។

លោក ស សារិន នាយ​ខណ្ឌ​រដ្ឋបាល​ជលផល​ខេត្ត​កំពត​បាន​ប្រាប់​ថា ទូក​នេសាទ​វៀតណាម​ទាំង២​គ្រឿង​នោះ​នឹង​ត្រូវ​អាជ្ញាធរ​ខេត្ត​ធ្វើ​ការ​ដោះលែង​វិញ បន្ទាប់ពី​ផាកពិន័យ​និង​អប់រំ​ពួក​គេ​រួច។

លោក​ប្រាប់​ថា៖ «យោង​តាម​ច្បាប់​ជលផល​ត្រង់​មាត្រា​ទី​៩៤ ជំពូក​ទី៦ បទល្មើស​នេសាទ​អូស​អួន​ធម្មតា មុខ​១០​ម៉ែត្រ​បែប​នេះ នឹង​ត្រូវ​ផាកពិន័យ​ជា​ទឹក​ប្រាក់ ទៅ​តាម​ទំហំ​នៃ​ឧបករណ៍​ល្មើស រីឯ​មនុស្ស​ត្រូវ​ធ្វើ​ការ​អប់រំ​រួច​បញ្ជូន​ទៅ​ស្រុក​គេ​វិញ»។

លោក​ថា ទោះ​យ៉ាង​ណា​រវាង​ខេត្ត​កំពត និង​ខេត្ត​ទៀង​យ៉ាង​របស់​វៀតណាម​អាជ្ញាធរ​ខេត្ត​ទាំង​ពីរ បាន​ចង​សម្ព័នភាព​ជាមួយ​គ្នា ស្តីពី​ការ​ផ្លាស់​ប្តូរ​បទពិសោទ និង​វ៉ារី​វប្បកម្ម ការ​ទប់ស្កាត់​បទល្មើស​នេសាទ​រួម​គ្នា និង​ការ​ការពារ​ធនធាន​ព្រំដែន​ទឹក​ជាប់​គ្នា។

លោក​បន្ត​ថា នៅ​តំបន់​ដែន​ទឹក​ខេត្ត​កំពត មិន​សូវ​មាន​បទល្មើស​នេសាទ​ជនជាតិ​វៀតណាម​ចូលមក​នេសាទ​ទេ ព្រោះ​ជា​តំបន់​ទឹក​រាក់ ហើយ​បើ​មាន គឺ​ធំ​បំផុត​បទល្មើស​អូស​អួន​ដោយ​ប្រើ​ម៉ាស៊ីន​គោយន្ត​នេះ​តែម្តង។

លោក នាក់ សេន អ្នក​តំណាង​ប្រជា​សហគមន៍​នេសាទ​ត្រើយ​កោះ បាន​ប្រាប់​ថា បទល្មើស​នេសាទ​ខុស​ច្បាប់​នៃ​អ្នក​នេសាទ​វៀតណាម​មិន​សូវ​កើត​មាន​ទេ ប៉ុន្តែ កន្លង​មក​ពួក​គេ​មិន​ត្រឹមតែ​ឆ្លង​ចូល​នេសាទ​ខុស​ច្បាប់​អូស​អួន​សាមញ្ញ តែ​ក៏មាន​ខ្លះ​ដាក់​ម៉ាស៊ីន​ឆក់​ភ្ជាប់​នឹង​មង​នោះដែរ​ដែល​ធ្វើ​ឲ្យ​ធនធាន​មច្ឆជាតិ​ក្នុង​សមុទ្រ​បាត់បង់​និង​ប៉ះពាល់​ដល់​របរ​អ្នក​នេសាទ​ខ្មែរ​មួយ​ផ្នែក​ដែរ។

លោក ខូ​យ ឃុន​ហួរ អភិបាល​ខេត្ត​កំពត មិន​អាច​ទាក់ទង​បាន​ទេ ពី​ម្សិលមិញ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។