The Phnom Penh Post Search

Search form




Logo of Phnom Penh Post newspaper Phnom Penh Post - ចោរ​ឆក់​វៀតណាម​២​នាក់​ត្រូវ​ពលរដ្ឋ​ចាប់​វាយ​ទ្រម​ខ្លួន




ចោរ​ឆក់​វៀតណាម​២​នាក់​ត្រូវ​ពលរដ្ឋ​ចាប់​វាយ​ទ្រម​ខ្លួន

ចោរ​ឆក់​វៀតណាម​២​នាក់​ត្រូវ​ពលរដ្ឋ​ចាប់​វាយ​ទ្រម​ខ្លួន

ភ្នំពេញៈ ក្រុម​ចោរ​ឆក់​ជន​ជាតិ​វៀតណាម​២នាក់ ​ត្រូវ​ប្រជា​ពលរដ្ឋ នៅ​សង្កាត់​ភ្នំពេញថ្មី ចាប់​វាយ​ឡើង​ទ្រម​ខ្លួន​បន្ទាប់​ពី​ពួក​គេ ឆក់​កាបូ​ប​អ្នក​ដំណើរ​ ហើយ​បើក​គេច​មិន​រួច​ក៏​ផ្តួល​ម៉ូតូ​ចោល​ពេល​ឃើញ​នគរបាល កាលពី​យប់​ថ្ងៃ​ពុធ។

លោក ម៉ក់ ហុង​ អធិការ​នគរបាល​ខណ្ឌ​សែន សុខ បាន​ឲ្យ​ដឹង​ថា​ ជន​សង្ស័យ ដែល​កំពុង​ត្រូវ​បាន​ឃុំ​ខ្លួន​នៅ​អធិការដ្ឋាន​ខណ្ឌ​ ត្រូវ​ប្រជា​ពលរដ្ឋ​ស្ទាក់​ព្រួត​គ្នា​វាយ ​មុន​សមត្ថកិច្ច​ទៅ​ដល់​។ លោក​បន្ត​ថា​៖«​ជន​សង្ស័យ​ទាំង​២នាក់ យើង​កំពុង​តែ​សាក​សួរ​និង​កសាង​សំណុំ​រឿង បញ្ជូន​ទៅ​តុលាការ មិន​ឲ្យ​លើស​ពី​៤៨ ម៉ោង​ទេ»។

មន្រ្តី​នគរបាល​សង្កាត់​ភ្នំពេញថ្មី ម្នាក់​ បាន​ប្រាប់​ថា ចោរ​ឆក់​កាបូប​លុយ​ទាំង​២​នាក់​នេះ គឺជា​ជនជាតិ​វៀតណាម ប៉ុន្តែ​ពួក​គេ​ប្រើ​ឈ្មោះ​ខ្មែរ​ គឺ​ទី​ ១ ឈ្មោះ ជា តារា ភេទ​ប្រុស ​អាយុ​៣០​ឆ្នាំ ស្នាក់​នៅ​ផ្ទះ​ជួល​ក្នុង​សង្កាត់​បឹង​សាឡាង ទី២ ឈ្មោះ ឡៃ តារា ភេទ​ប្រុស អាយុ​ ៣២ ឆ្នាំ ស្នាក់​នៅ​សង្កាត់​បឹងកក់ ២។ រីឯ​ជន​រង​គ្រោះ​ឈ្មោះ ហ៊ុន វួចអ៊ីម ភេទ​ស្រី អាយុ​៤០ ឆ្នាំ។ ​ទ្រព្យ​សម្បត្តិ​នៅ​ក្នុង​កាបូប​ដែល​ចោរ​ឆក់​យក​នោះ​មាន​លុយ​ចំនួន​២០ ម៉ឺន​រៀល និង​ទូរស័ព្ទ​ដៃ​១ គ្រឿង។

មន្រ្តី​នគរបាល​រូប​នេះ​បន្ត​ថា មុន ពេល​កើត​ហេតុ​ ជន​រងគ្រោះ កំពុង​ជិះ​ម៉ូតូ​ម្នាក់​ឯង តាម​ផ្លូវ​១៩៨៦ ក្នុង​ទិសដៅ​ពី​កើត​ទៅ​លិច លុះ​ទៅ​ដល់​ចំណុច​កើត​ហេតុ ក៏​ត្រូវ​ជន​សង្ស័យ​ទាំង ២ ​នាក់​ជិះ​ម៉ូតូ ម៉ាក​ស្តេប​ពណ៌​ខ្មៅ ពី​ក្រោយ​ម៉ូតូ​ជន​រងគ្រោះ ហើយ​ក៏​ឆក់​យក​កាបូប​លុយ​តែ​ម្តង​។ បន្ទាប់​ពី​ពួក​គេ​ឆក់​បាន​ហើយ​ ក៏​បើក​ម៉ូតូ​គេច​ខ្លួន​ តែ​ចៃដន្យ​បាន​ផ្តួល​ម៉ូតូ​ចោល ហើយ​​នាំ​គ្នា​រត់​គេច​ ចូល​ផ្ទះ​ប្រជា​ពលរដ្ឋ​ខណៈ​ពួក​គេ​ដឹង​ថា នគរបាល​ដេញ​តាម។ នៅ​ពេល​នោះ ​ពលរដ្ឋ​បាន ចោមរោម​ចាប់​វាយ​ទាត់​ធាក់​ឡើង​ទ្រម​ខ្លួន​៕

អត្ថបទគួរចាប់អារម្មណ៍