ភ្នំពេញៈ កម្មករ ៥​នាក់ ដែល​អយ្យការ​ចោទ​ប្រកាន់​ពី​ការ​ធ្វើ​ឲ្យ​ធ្លាក់​ដែក​ពី​ការដ្ឋាន​សំណង់​អគារ​នៅ​ពហុ​កីឡដ្ឋាន​អូឡាំពិក ស្លាប់​ស្ត្រី​អ្នក​ដំណើរ​តាម​ផ្លូវ ក្រោយ​កោះ​ហៅ​ទៅ​សាក​សួរ​កាល​ពី​ថ្ងៃ​អង្គារ ត្រូវ​ចៅ​ក្រម​ស៊ើប​សួរ​សម្រេច​ចោទ​ពី​ម្សិល​មិញ​ពី​បទ «មនុស្ស​ឃាត​ដោយ​អចេតនា» រួច​បញ្ជូន​ទៅ​ឃុំ​នៅ​គុក​ព្រៃ​ស​បណ្តោះ​អាសន្ន កាល​ពី​ម៉ោង ២ រសៀល​ខណៈ​ដែល​ក្រុម​គ្រួសារ​ជន​រងគ្រោះ​បាន​ដក​ពាក្យ​បណ្តឹង​និង​ទទួល​យក​សំណង ៦ ម៉ឺន​ដុល្លារ​អាមេរិក។