កំពង់ស្ពឺៈ លោក​នាយករដ្ឋមន្រ្តី ហ៊ុន សែន បាន​ថ្លែង​កាលពី​ម្សិលមិញ​ថា​ សេចក្តី​ព្រាង​ច្បាប់​​ដ៏​ចម្រូងចម្រាស ស្តីពី​អង្គការ​មិនមែន​រដ្ឋាភិបាល​របស់​កម្ពុជា​ អាច​នឹង​ត្រូវ​​អនុម័ត ដោយ​រដ្ឋសភា ដោយ​គ្មាន​ការ​ពិភាក្សា​បន្ថែម​ទៀត បើ​ទោះបី​ជា​​មាន​​ការ​អំពាវនាវ​ម្តង​ហើយ​ម្តង​ទៀត​ពី​សង្គម​ស៊ីវិល និង​នាពេល​ថ្មីៗ​បំផុត​នេះ ពី​បេសកជន​ពិសេស​របស់​អាមេរិក​លោក Scott Busby ដែល​អំពាវនាវ​ឲ្យ​រាជរដ្ឋាភិបាល រៀបចំ​ការ​ពិគ្រោះ​យោបល់​ជា​សាធារណៈ​ដើម្បី​​ពិនិត្យ​លើ​ខ្លឹមសារ​នៃ​សេចក្តី​ព្រាង​ច្បាប់​នេះ​ក្តី​។