The Phnom Penh Post Search

Search form

Logo of Phnom Penh Post newspaper Phnom Penh Post - ជន​គ្មាន​ផ្ទះ​សំបែង​ជាច្រើន​ នៅ​តែ​ត្រូវ​ឃុំ​ខ្លួន​នៅ​ព្រៃស្ពឺ




ជន​គ្មាន​ផ្ទះ​សំបែង​ជាច្រើន​ នៅ​តែ​ត្រូវ​ឃុំ​ខ្លួន​នៅ​ព្រៃស្ពឺ

Content image - Phnom Penh Post

ជន​គ្មាន​ផ្ទះ​សំបែង​ជាច្រើន​ នៅ​តែ​ត្រូវ​ឃុំ​ខ្លួន​នៅ​ព្រៃស្ពឺ

ភ្នំពេញៈ ប្រជាជន​គ្មាន​ផ្ទះ​សំបែង​ភាគច្រើន​បំផុត​ដែល​ត្រូវ​បាន​ប្រមូល​ពី​តាម​ដង​ផ្លូវ​នានា​កាលពី​មុន​ពិធី​បុណ្យ​អុំទូក​ហើយ​យក​ទៅ​ឃុំ​ខ្លួន​នៅក្នុង​មណ្ឌល​ព្រៃស្ពឺ​មិន​ទាន់​ត្រូវ​បាន​ដោះលែង​នៅ​ឡើយ​ទេ។ នេះ​បើ​តាម​អង្គការ​សហប្រជាជាតិ​។

ការ​ឃុំ​ខ្លួន​​នេះ​នៅ​តែ​បន្ត​គឺ​មុន​ពេល​ការ​ប្រារព្ធ​សន្និសីទ​មួយ​របស់​រដ្ឋាភិបាល​នា​សប្តាហ៍​ក្រោយ​ដែល​មាន​គោល​បំណង​​ស្វែងរក​ដំណោះស្រាយ​សម្រាប់​ប្រជាជន​គ្មាន​ផ្ទះ​សំបែង​ក្នុង​រាជធានី​ភ្នំពេញ។

លោកស្រី Wan-Hea Lee តំណាង​ប្រចាំ​ប្រទេស​នៃ​ការិយាល័យ​​ឧត្តម​ស្នងការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស (OHCHR) ថ្លែង​ថា​៖ «​ភាគច្រើន​បំផុត​» ​​នៃ​កុមារ ស្រ្តី និង​​បុរស​ ៥៤ ​នាក់​ដែល​ត្រូវ​បាន​យក​ទៅ​មណ្ឌល​ព្រៃស្ពឺ​មុន​ពិធី​បុណ្យ​អុំទូក​នៅ​ត្រូវ​បាន​ឃុំ​ខ្លួន​នៅ​ឡើយ​នៅ​មណ្ឌល​ឃុំ​ខ្លួន​ដែល​ល្បី​​ខាង​រំលោភ​បំពាន​សិទ្ធិ​មនុស្ស​នេះ​។

បើ​ទោះបី​ជា​មាន​ការ​បដិសេធ​ជាប់​ជានិច្ច​ពី​មន្ទីរ​សង្គមកិច្ច​រាជធានី​ថា​មិន​បាន​ប្រើ​មជ្ឈមណ្ឌល​ព្រៃស្ពឺ​ក្នុង​ការ​ប្រមូល​ប្រជាជន​គ្មាន​ផ្ទះ​សំបែង​ទាំងនោះ​ក៏ដោយ ក៏​លោកស្រី Lee បាន​ថ្លែង​ថា​ចាប់​តាំងពី​ខែ​មិថុនា​ប្រជាជន​ទាំង​នោះ​ត្រូវ​បាន​ឃុំ​ «យូរ​ជាង​​រយៈពេល​យើង​ធ្លាប់​សង្កេត​មើល​កាល​ពេល​មុនៗ»។ «​សន្នីសីទ​ស្តីពី​អ្នក​ដែល​ស្ថិត​នៅក្នុង​ស្ថានភាព​រស់នៅ​តាម​ផ្លូវ​​» នឹង​ប្រារព្ធ​ធ្វើ​ឡើង​នា​សប្តាហ៍​​ក្រោយ​។

លោក សន សុផល ប្រធាន​មន្ទីរ​សង្គមកិច្ច​រាជធានី​បាន​អះអាង​ថា​ប្រជាជន​ដែល​ត្រូវ​បាន​ប្រមូល​មុន​ពិធី​បុណ្យ​អុំទូក​មិនមែន​យក​ទៅ​មណ្ឌល​ព្រៃស្ពឺ​ទេ៕ PS

អត្ថបទគួរចាប់អារម្មណ៍