ភ្នំពេញៈ ក្រោយ​ពី​បើក​សវនាកា​អស់​ចំនួន ១១១ លើក បន្ទាប់ពី​ជន​ជាប់ចោទ ត្រូវ​​បាន​ឃុំ​ខ្លួន​​អស់​រយៈពេល​​រហូត​ដល់​ជិត​ ៤ ​ឆ្នាំ​មក​ហើយ​នោះ​សាលាដំបូង​រាជធានី​កាលពី​ម្សិលមិញ​បាន​សម្រេច​ផ្តន្ទាទោស​ជន​ជាប់ចោទ​ជនជាតិ​អង់គ្លេស​​ម្នាក់​ដាក់​ពន្ធនាគារ ៨ ឆ្នាំ និង​គូកន ៥ ​នាក់​ទៀត​ដាក់​ទោស​ពី ៣ ទៅ ៩ ឆ្នាំ​ពី​បទ​ប្រើប្រាស់​ឯកសារ​ក្លែង និង​កាប់​រាន​ដី​​ព្រៃ​ខុស​ច្បាប់​ក្នុង​អំឡុង​ឆ្នាំ​ ២០១០-២០១២ ខណៈ​​ជន​ជាប់ចោទ​ជនជាតិ​អង់គ្លេស​បាន​ចោទ​ប្រកាន់​ថា​ការ​សម្រេច​នេះ​បាន​ធ្វើ​ឡើង​បន្ទាប់ពី​រូប​លោក​ និង​សហ​ចុងចោទ​ផ្សេង​ទៀត​បដិសេធ​ផ្តល់​សំណូក​ចំនួន ៣០ ម៉ឺន​ដុល្លារ​ទៅ​ឲ្យ​អង្គភាព​ប្រឆាំង​អំពើ​ពុករលួយ និង​ ២០ ​ម៉ឺន​ដុល្លារ​ទៅ​ឲ្យ​សាលា​ដំបូង​រាជធានី​ភ្នំពេញ​ទៅ​តាម​ការ​ទាមទារ។