The Phnom Penh Post Search

Search form




Logo of Phnom Penh Post newspaper Phnom Penh Post - ជនបរទេស​ស្នើ​សុំ​ពន្យារ​ទិដ្ឋាការ ​ត្រូវ​តម្រូវ​ឲ្យ​ដាក់​ប័ណ្ណ​ការងារ




ជនបរទេស​ស្នើ​សុំ​ពន្យារ​ទិដ្ឋាការ ​ត្រូវ​តម្រូវ​ឲ្យ​ដាក់​ប័ណ្ណ​ការងារ

Content image - Phnom Penh Post
ជនបរទេស​ឈរ​តម្រង់​ជួរ​នៅ​កន្លែង​ត្រួត​ពិនិត្យ​អន្តោ​ប្រវេសន៍​ក្នុង​ព្រលាន​យន្តហោះ​អន្តរជាតិ​ភ្នំពេញ កាល​ពី​ឆ្នាំ ២០១៥។ ម៉ៃ វីរៈ

ជនបរទេស​ស្នើ​សុំ​ពន្យារ​ទិដ្ឋាការ ​ត្រូវ​តម្រូវ​ឲ្យ​ដាក់​ប័ណ្ណ​ការងារ

ភ្នំពេញៈ អគ្គនាយកដ្ឋាន​អន្តោប្រវេសន៍​កាលពី​ម្សិលមិញ​បាន​បញ្ជាក់​ថា​ ​ជនបរទេស​​ដែល​ស្នើសុំ​​ពន្យារ​ទិដ្ឋាការ​​រយៈពេល​វែង​​នៅ​ក្នុង​ប្រទេស​នឹង​ត្រូវ​តម្រូវ​ឲ្យ​ដាក់​​លិខិត​បញ្ជាក់​​​ការងារ​ដើម្បី​បង្ហាញ​ពី​ទីកន្លែង​​ការងារ​​របស់​ពួកគេ​។

គិត​មក​ត្រឹម​ដើម​ខែ​កញ្ញា​ អគ្គនាយកដ្ឋាន​​អន្តោប្រវេសន៍​បាន​បង្ហាញ​ថា ​ខ្លួន​នឹង​ផ្អាក​ការ​អនុវត្ត​​​លក្ខខណ្ឌ​តម្រូវ​​នោះ​រហូត​ដល់​ឆ្នាំ​ក្រោយ​​​ ឬ​ពិចារណា​​ការ​លើក​លែង​ម្តង​​ ប៉ុន្តែ​កាលពី​ម្សិលមិញ​លោក សុខ វាសនា ប្រធាន​នាយកដ្ឋាន​​ជនបរទេស​មិន​អន្តោប្រវេសន៍​នៃ​ក្រសួង​មហាផ្ទៃ​បាន​បញ្ជាក់​ថា​វា​ត្រូវ​បាន​អនុវត្ត​ចាប់​តាំងពី​ថ្ងៃ​ចន្ទ​។

លោក​ថ្លែង​ថា​៖ «​យើង​បាន​ប្រកាស​សម្រាប់​រយៈពេល​មួយ​ខែ​ពី​ខែ​កញ្ញា​ដល់​ខែ​តុលា​ជម្រាប​ [​អ្នក​​រាល់​គ្នា​] ​អំពី​បញ្ហា​នេះ​។ ​ដូច្នេះ​វា​អនុវត្ត​ចាប់​ពី​ថ្ងៃ​ទី​ ២ ខែ​តុលា»​។

យោង​តាម​ឯកសារ​ដែល​ទទួល​បាន​បញ្ជាក់​ថា គោលការណ៍​​ថ្មី​នេះ​នឹង​តម្រូវ​ឲ្យ​អ្នក​ដាក់​ពាក្យ​មាន​លិខិត​បញ្ជាក់ការងារ ឬ​ ​សៀវភៅ​ការងារ និង​កាត​ការងារ ​ដែល​ចេញ​ដោយ​ក្រសួង​ការងារ ​លិខិត​​ប្រកប​អាជីវ​កម្ម និង​ប័ណ្ណ​ប៉ាតង់ ឬ​កិច្ច​សន្យា​ការងារ មាន​សុពលភាព​ដល់​ថ្ងៃ​ចុង​ក្រោយ​ ឬ​ឯកសារ​ពាក់​ព័ន្ធបញ្ជាក់​ថា​ពិត​ជា​មាន​ការ​ចាំ​បាច់​ក្នុង​ការ​ស្នាក់​នៅ​បណ្តោះ​អាសន្ន​ដើម្បី​​ដាក់​​ពាក្យ​សុំ​ទិដ្ឋាការ​​ពាណិជ្ជកម្ម​រយៈពេល ៦ ខែ​ឬ​មួយ​ឆ្នាំ។

លោក វាសនា ​បាន​ថ្លែង​ថា​ច្បាប់​​មិន​លើក​ឡើង​ជាក់​លាក់​អំពី​​​​អ្នក​ប្រកប​មុខរបរ​ដោយ​សេរី​ (Freelancer) ទេ ប៉ុន្តែ​នាយកដ្ឋាន​នឹង​ព្យាយាម​ជួយ​ពួក​គេ។ ​

លោក​បន្ត​ថា​៖ «​ប្រសិន​បើ​ពួកគេ​មាន​ឯកសារ​ជា​អ្នក​ប្រកប​មុខរបរ​ដោយ​សេរី (Freelance) ​យើង​​គ្រាន់​តែ​ត្រូវ​ការ​ឯកសារ​នោះ​សម្រាប់​ពេល​ឥឡូវ​នេះ​។ ចំណុច​នេះ​​មិន​​ចែង​នៅក្នុង​ច្បាប់​ដូច្នេះ​យើង​ត្រូវការ​ជួយ​ពួកគេ​»។

លោកស្រី​ ម៉ី ហៀក ម្ចាស់​ហាង​ម៉ូតូ​ឡាក់​ឃីឡាក់ឃី​ថ្លែង​ថា​ជនបរទេស​ដែល​ធ្វើការ​នៅ​ហាង​របស់​លោក​​បាន​ទទួល​ការ​ជូន​ដំណឹង​ហើយ​ហាង​​​​បាន​បដិសេធ​​មិន​ទទួល​ពាក្យ​អ្នក​ដាក់​ពាក្យ​មួយ​​ចំនួន​​។ «​ដូច្នេះ​ជម្រើស​ពួកគេ​គឺ​ត្រូវ​​ជ្រើសរើស ៣ ខែ​ហើយ​​ពេល​ដែល​ពួក​គេ​ទទួល​ឯកសារ​ទាំង​នោះ​ពួកគេ​អាច​​ពន្យារ​បន្ត​​»៕ PS

អត្ថបទគួរចាប់អារម្មណ៍