The Phnom Penh Post Search

Search form




Logo of Phnom Penh Post newspaper Phnom Penh Post - ជនបរទេស​ ២ ​នាក់​ ពាក់ព័ន្ធ​គ្រឿងញៀន​ជិត​ ៦០ ​គីឡូ​ នឹង​ត្រូវ​បញ្ជូន​ទៅ​តុលាការ




ជនបរទេស​ ២ ​នាក់​ ពាក់ព័ន្ធ​គ្រឿងញៀន​ជិត​ ៦០ ​គីឡូ​ នឹង​ត្រូវ​បញ្ជូន​ទៅ​តុលាការ

Content image - Phnom Penh Post
ជនសង្ស័យ​ដែល​ជា​ជនបរទេស​ ២ ​នាក់​ប្តីប្រពន្ធ​ ដែលសមត្ថកិច្ចឃាត់ខ្លួនបាន។ រូបថត ADP

ជនបរទេស​ ២ ​នាក់​ ពាក់ព័ន្ធ​គ្រឿងញៀន​ជិត​ ៦០ ​គីឡូ​ នឹង​ត្រូវ​បញ្ជូន​ទៅ​តុលាការ

ភ្នំពេញ: សមត្ថកិច្ច​មន្ទីរ​ប្រឆាំង​គ្រឿងញៀន​គ្រោង​នឹង​បញ្ជូន​ជនសង្ស័យ​ដែល​ជា​ជនបរទេស​ ២ ​នាក់​ប្តីប្រពន្ធ​ ទៅ​សាលាដំបូង​រាជធានី​ភ្នំពេញ​នៅ​ថ្ងៃទី​ ១ ខែ​ឧសភា​ នេះ​ពាក់ព័ន្ធ​ការជួញដូរ​ និង​កែច្នៃ​គ្រឿងញៀន​ជិត ៦០ គីឡូក្រាម បន្ទាប់ពី​ត្រូវ​ឃាត់ខ្លួន​នៅ​ថ្ងៃទី​ ២៩ ខែ​មេសា ​នៅ​សង្កាត់​ចោមចៅ ខណ្ឌ​ពោធិ៍សែនជ័យ​។

លោក ឡឹក វណ្ណៈ នាយក​មន្ទីរ​ប្រឆាំង​គ្រឿងញៀន​នៃ​អគ្គស្នងការ​នគរបាល​ជាតិ បាន​ប្រាប់​ភ្នំពេញ​ប៉ុស្ដិ៍​ពី​ម្សិលមិញ​ថា សមត្ថកិច្ច​ជំនាញ​មន្ទីរ​ប្រឆាំង​គ្រឿងញៀន​នៃ​អគ្គស្នងការដ្ឋាន​នគរបាល​ជាតិ​គ្រោង​បញ្ជូន​ជនសង្ស័យ ២ ​នាក់​ប្ដី​ប្រពន្ធ​មក​សាលាដំបូង​រាជធានី​ភ្នំពេញ​នៅ​ថ្ងៃទី​ ១ ខែ​ ឧសភា ​ឆ្នាំ​ ២០២០ បន្ទាប់ពី​សមត្ថកិច្ច​បាន​បញ្ចប់​ការសាកសួរ​។

លោក​បន្តថា សមត្ថកិច្ច​ជំនាញ​បាន​បើក​ប្រតិបត្តិការ​នៅ​ថ្ងៃទី​ ២៩ ​ខែ​មេសា បាន​បង្ក្រាប​ករណី​កែច្នៃ​ជួញដូរ​សារធាតុ​ញៀន​ខុសច្បាប់​ដោយបាន​ឃាត់ខ្លួន​មេខ្លោង​ផលិត កែច្នៃ​គ្រឿងញៀន​ជា​ជនបរទេស​នាក់​ប្ដី​ប្រពន្ធ​។

ជនសង្ស័យ​ដែល​ត្រូវបាន​ចាប់​ឃាត់ខ្លួន​មាន​ឈ្មោះ LEE KWAN FUK ភេទ​ប្រុស ជនជាតិ​ចិន (​ហុងកុង​) ត្រូវ​ជា​ប្ដី​ជនសង្ស័យ​ឈ្មោះ THET THET HLAING ភេទ​ស្រី​ជនជាតិ​មីយ៉ាន់ម៉ា ខណៈ​ដែល​សមត្ថកិច្ច​រឹបអូស​ថ្នាំញៀន​ជិត ៦០ ​គីឡូក្រាម​។

លោក​ ឡឹក វណ្ណៈ ​បញ្ជាក់​ថា​៖ «​យើង​បាន​សាកសួរ​ជនសង្ស័យ​ទាំង​ ២ ​នាក់​នេះ​រួចរាល់​ហើយ ដោយ​កំពុង​រៀបចំ​សំណុំរឿង​បញ្ជូនទៅ​តុលាការ​នៅ​ថ្ងៃទី ១ ខែឧសភា​ នេះ ដើម្បី​ឲ្យ​តុលាការ​ចាត់ចែង​តាម​នីតិវិធី​ច្បាប់​។ ក្រៅពីនេះ សមត្ថកិច្ច​ជំនាញ​យើង​នៅតែ​បន្ត​ស្រាវជ្រាវ​រក​អ្នក​ជាប់​ពាក់ព័ន្ធ​ផ្សេងៗ​ទៀត​ចាប់​យក​មក​ផ្តន្ទាទោស​តាមច្បាប់​»​។

បើ​តាម​របាយការណ៍​របស់​មន្ទីរ​ប្រឆាំង​គ្រឿងញៀន​នៃ​អគ្គស្នងការដ្ឋាន​នគរបាលជាតិ​ក្នុង​ការបង្ក្រាប​នេះ​សមត្ថកិច្ច​បាន​រឹបអូស​វត្ថុតាង​មួយចំនួន​រួមមាន សារធាតុ​ញៀន​ប្រភេទ អិចស្តាស៊ី​ប្រមាណ​ ១៤០ ០០០ គ្រាប់​ ស្មើ​នឹង​ជាង ៥៧ ​គីឡូក្រាម និង​ម៉ាស៊ីន​ផលិត​កែច្នៃ ២ ​គ្រឿង​។

បច្ចុប្បន្ន​វត្ថុតាង​ត្រូវបាន​បញ្ជូន​មក​មន្ទីរ​ប្រឆាំង​គ្រឿងញៀន ដើម្បី​បន្ត​ការស៊ើបអង្កេត​តាម​ចាប់​មេខ្លោង និង​អ្នកពាក់ព័ន្ធ​ផ្សេងៗ​ទៀត​៕

អត្ថបទគួរចាប់អារម្មណ៍

  • ព្រះសីហនុៈ រដ្ឋបាលខេត្ត​ព្រះសីហនុ​កំពុង​ចាក់​ខ្សាច់​ថ្មី​បំពេញ​នៅតាម​កន្លែង​ជ្រលង​ទឹកហូរ​ដែលមាន​ខ្សាច់​ទាប និង​ខ្សាច់​ខ្មៅ​នៅ​ចំណុច​ឆ្នេរ​អូរឈើទាល​ក្នុង​សង្កាត់​លេខ​ ៤ ក្រុងព្រះសីហនុ ដើម្បី​កែលម្អ​សោភណភាព​ឆ្នេរ​ខ្សាច់ ក៏ប៉ុន្តែ​មន្ត្រីខេត្ត​នៅ​មិន​អាច​ប៉ាន់ប្រមាណ​ថា​នឹង​ត្រូវ​ប្រើ​ខ្សាច់​ប៉ុន្មាន​រថយន្ត​នោះទេ​។

  • ភ្នំពេញៈ ប្រទេស​ជប៉ុន​ ផ្តល់​ជំនួយ​ឥតសំណង​ដល់​កម្ពុជា​ចំនួន ១ ១៣២ ​លាន​យ៉េន​ (១០,៨ ​លាន​ដុល្លារ​) ​សម្រាប់​អនុវត្ត​គម្រោង​អភិវឌ្ឍន៍​ចរាចរណ៍​នាវា​នៅ​កំពង់ផែ​ស្វយ័ត​ក្រុងព្រះសីហនុ​ដើម្បី ​ធ្វើឱ្យ​ប្រសើរ​ឡើង​នូវ​សុវត្ថិភាព​ផ្លូវ​សមុទ្រ​។ នេះ​បើតាម​ស្ថានទូត​ជប៉ុន​ប្រចាំ​នៅ​កម្ពុជា​។

  • ភ្នំពេញ៖ កីឡាការិនី​កូន​ខ្មែរ​កាត់​បារាំង វ័យ ១៧ ឆ្នាំ ម៉ា រីយ៉ាន មាន​ចំណង់​ចំណូលចិត្ត​ខ្លាំង​ទៅ​លើ​ប្រភេទ​កីឡា​ប្រយុទ្ធ ពិសេស​ការ​ប្រណាំង​ម៉ូតូ​ហោះ ហើយ​កញ្ញា​បាន​អះអាង​ថា នឹង​មិន​បោះបង់​ចោល​ជំនាញ​នេះ​ឡើយ បើ​ទោះបី​ជា​ប្រភេទ​កីឡា​នេះ មាន​ផល​ប៉ះពាល់ និង​ធ្លាប់​ជួប​ឧបសគ្គ​គ្រោះ​ថ្នាក់​ធំ​​ក៏​ដោយ។

  • ភ្នំពេញៈ តម្លៃ​ពោត​ក្នុង​រដូវ​ប្រមូលផល​ឆ្នាំនេះ​បាន​ស្ទុះ​ឡើង ដោយសារ​តែ​ការកើនឡើង​នៃ​តម្រូវការ​សម្រាប់​ការផលិត​ចំណី​សត្វ​ក្នុងស្រុក​។ ការប្រមូលផល​ពោតក្រហម​នៅក្នុង​ខេត្ត​ត្បូងឃ្មុំ​ពេលនេះ​សម្រេច​បាន​ប្រមាណ ៥០ ​ភាគរយ​ហើយ​ដោយ​តម្លៃ​គ្រាប់ពោត​ស្ងួត​បាន​កើនឡើង​ជិត ២០ ​ភាគរយ​ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន

  • កោះកុងៈ ដី​គម្រប​ព្រៃឈើ​របស់​រដ្ឋ​រាប់ពាន់​ម៉ែត្រការ៉េ​ក្នុង​ទំហំ​ដី​បម្រុង​របស់​រដ្ឋ​ទំហំ​ប្រមាណ​ ១១ ​ហិកតា ស្ថិតនៅ​ភូមិ​កោះស្តេច ឃុំ​កោះ​ស្តេច ស្រុក​គិរីសាគរ ខេត្តកោះកុង​ត្រូវបាន​ជន​មិន​ស្គាល់​អត្តសញ្ញាណ​ចាប់ផ្ដើម​លួច​បោះបង្គោល​ថ្ម និង​ឈើ​ទន្ទ្រាន​យក​ដោយ​ខុសច្បាប់​។

  • កំពង់ស្ពឺៈ ពលរដ្ឋ​ជាង​ ៥០០ ​គ្រួសារ ​រស់នៅក្នុង​ឃុំ​ទួល​អម្ពិល​ស្រុក​បសេដ្ឋ ខេត្តកំពង់ស្ពឺ​បាន​បង្ហាញ​ក្ដីបារម្ភ​ពី​ការខ្វះ​ទឹក​សម្រាប់​ស្រោចស្រព​ស្រែចម្ការ និង​ដំណាំ​ផ្សេងៗ ខណៈ​បច្ចុប្បន្ន​មាន​ឈ្មួញ​យក​ម៉ាស៊ីន​ទៅ​បូមទឹក​ទាំងយប់​ទាំង​ថ្ងៃ​នៅក្នុង​ទំនប់​បុរាណ​ព្រៃពាយ​ដែល​ពួកគាត់​កំពុង​ប្រើប្រាស់​ជាប្រចាំ​។