The Phnom Penh Post Search

Search form




Logo of Phnom Penh Post newspaper Phnom Penh Post - ជន​ភៀស​ខ្លួន​នៅ​កោះ​ណេរុ អូស្ត្រាលី​៤​នាក់ នឹង​មក​ដល់​កម្ពុជា​ថ្ងៃ​ស្អែក

ជន​ភៀស​ខ្លួន​នៅ​កោះ​ណេរុ អូស្ត្រាលី​៤​នាក់ នឹង​មក​ដល់​កម្ពុជា​ថ្ងៃ​ស្អែក

Content image - Phnom Penh Post
ជនភៀសខ្លួន​នៅលើ​កោះ​ណូរុតវ៉ា​កាលពី​ចុង​ឆ្នាំ​មុន​។ រូបថត សហការី

ជន​ភៀស​ខ្លួន​នៅ​កោះ​ណេរុ អូស្ត្រាលី​៤​នាក់ នឹង​មក​ដល់​កម្ពុជា​ថ្ងៃ​ស្អែក

ភ្នំពេញៈ លោក​ឧត្តមសេនីយ៍​ខៀវ សុភ័គ អ្នក​នាំ​ពាក្យ​ក្រសួង​មហា​ផ្ទៃ បាន​មាន​ប្រសាសន៍​ប្រាប់​ភ្នំពេញ ប៉ុស្តិ៍​នៅ​ថ្ងៃ​ពុធ​នេះ​ថា ជន​ភៀស​ខ្លួន ៤​នាក់​ដែល​មក​ពី​កោះ ណេរុ ប្រទេស​អូស្ត្រាលី នឹង​មក​ដល់​ប្រទេស​កម្ពុជា នៅ​ថ្ងៃ​ព្រហស្បតិ៍​ស្អែក​នេះ តាម​ជើង​យន្ត​ហោះ​ហើរ ម៉ាឡេស៊ី អ៊ែរឡាញ។

លោក​ថ្លែង​ថា៖ «ពួកគេ​នឹង​មក​ដល់​នៅ​ព្រឹក​ស្អែក​នេះ។ យើង​បាន​រៀបចំ​មជ្ឈមណ្ឌល​សម្រាប់​ពួក​គេ​រួច​រាល់​ហើយ ដែល​ស្ថិត​ក្រោម​ការ​ចំណាយ​របស់​អូស្ត្រាលី»។

សូម​បញ្ជាក់​ថា ជន​ភៀស​ខ្លួន​ទាំង ៤ នាក់​ដែល​បាន​ស្ម័គ្រ​ចិត្ត​មក​ប្រទេស​កម្ពុជា​នោះ មាន ៣​នាក់​ជា​ជនជាតិ​អ៊ីរ៉ង់ (ប្រុស​ពីរ ស្រី​មួយ) និង​ម្នាក់​ទៀត​ជា​ជនជាតិ​ភាគ​តិច រូហ៊ីងយ៉ា ដែល​រស់​នៅ​ក្នុង​ប្រទេស​ភូមា។

គួរ​រំលឹកថា អូស្រ្តាលី​យល់ព្រម​ផ្តល់​ជំនួយ​បន្ថែម​ចំនួន​ ៤០ ​លាន​ដុល្លារ​អូស្រ្តាលី​ (ប្រហែល ៣១ លាន​ដុល្លារ) ​ដល់​កម្ពុជា​ជា​ផ្នែក​​នៃ​ការ​រៀបចំ​នេះ ហើយ​កាលពី​ដើម​សប្តាហ៍​មុន បាន​ប្រកាស​ថា ខ្លួន​នឹង​ចំណាយ​ប្រមាណ​ ១៥,៥ លាន​ដុល្លារ​អូស្រ្តាលី​ (ប្រហែល​ ១២ លាន​ដុល្លារ) ​ទៀត​ដើម្បី​​ផ្តល់​ថវិកា​ដល់​សេវា​​តាំង​លំនៅ​នេះ​។

សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍...

អត្ថបទគួរចាប់អារម្មណ៍