តាកែវ/កណ្តាលៈ ឈរ​នៅក្នុង​បន្ទប់​ឃុំឃាំង​ដែល​មាន​ចម្រឹង​ដែក​នៅ​ខណៈ​ដែល​លោកយាយ​ចាស់​អាយុ​ជាង​ ៧០ ​ឆ្នាំ​បាន​អង្គុយ​បត់​ជើង​ផ្ទាល់​ដី​ដើម្បី​ហុច​លុយ និង​នំ​ចំណី​តាម​ចន្លោះ​តូច​ឲ្យ​ទៅ​យុវជន​ កែវ រស្មី អាយុ ២៤ ​ឆ្នាំ​ដែល​សមត្ថកិច្ច​​បាន​​ធ្វើការ​ឃុំ​​ខ្លួន​នៅ​ពន្ធនាគារ​ខេត្ត​កណ្តាល​អស់​រយៈពេល​ជាង​ ១ ​ឆ្នាំ​ជា​ជនសង្ស័យ​លួច​ព្រះ​សារីរិកធាតុ​បាន​ថ្លែង​ថា៖ «មូលហេតុ​ដែល​ខ្ញុំ​លួច​ព្រះ​សារីរិកធាតុ​នេះ​ដោយសារ​តែ​ខ្ញុំ​ឃើញ​ក្នុង​ព័ត៌មាន​នៅពេល​ដែល​ហែ​ធាតុ​សម្តេចតា​ឃើញ​មាស​ច្រើន​ដូច្នេះ​ខ្ញុំ​ក៏​សម្រេច​ចិត្ត​ថា​ទៅ​លួច​»​។