The Phnom Penh Post Search

Search form

Logo of Phnom Penh Post newspaper Phnom Penh Post - ជន​សង្ស័យ​ជា​បក្ខ​ពួក​ចោរ​ប្លន់ ចាប់​ខ្លួន​បាន​២នាក់




ជន​សង្ស័យ​ជា​បក្ខ​ពួក​ចោរ​ប្លន់ ចាប់​ខ្លួន​បាន​២នាក់

ជន​សង្ស័យ​ជា​បក្ខ​ពួក​ចោរ​ប្លន់ ចាប់​ខ្លួន​បាន​២នាក់

130328_04
ជនល្មើសតដៃជាមួយសមត្ថកិច្ចត្រូវព័ទ្ធចាប់បានទាំងយប់ សហការី

ភ្នំពេញៈ ជន​សង្ស័យ​ជា​បក្ខ​ពួក​ចោរ​ប្លន់​ប្រដាប់​អាវុធ​២នាក់ ក្នុង​ចំណោម​៣នាក់​ត្រូវ​កម្លាំង​ចម្រុះ​ ខណ្ឌ​ពោធិ៍សែនជ័យ​និង​ខណ្ឌ​សែនសុខ ប្រមាណ​១០០​នាក់​ព័ទ្ធ​ចាប់​ខ្លួន​បាន​នៅ​ម៉ោង​១២ យប់​ថ្ងៃ​ទី ២៦ មីនា បន្ទាប់​ពី​បាញ់​ត​ដៃ​ជាមួយ​សមត្ថកិច្ច​ជាង​១០​គ្រាប់ ពី​ក្នុង​ដីឡូត៍​មួយ កន្លែង​ពេល​ពួក​គេ​រត់​គេច​ពី​ការ​ឆែក​ឆេរ​ស្លាក​លេខ​ម៉ូតូ​។

លោក សុខ ឆន អធិការ​រង​ខណ្ឌ​សែនសុខ​ប្រាប់​ថា បក្ខពួក​ក្រុម​ចោរ​ប្លន់​៣​នាក់​ត្រូវ​សមត្ថកិច្ច​ចាប់​បាន​២នាក់ យក​ទៅ​ឃុំ​ខ្លួន​បណ្តោះ​អាសន្ន​នៅ​ខណ្ឌ​កសាង​សំណុំ​រឿង​បញ្ជូន​ទៅ​តុលាការ។

លោក​ថ្លែង​ថា៖ «ជន​សង្ស័យ​ទាំង​២នាក់ យើង​កំពុង​តែ​សាក​សួរ​ហើយ​ យើង​ឃុំ​មិន​ឲ្យ​លើស​ពី ៤៨ ម៉ោង​ទេ»។

មន្រ្តី នគរបាល​ខណ្ឌ​ឲ្យ​ដឹង​ថា ​ជន​សង្ស័យ​២នាក់ មាន​ឈ្មោះ សឿន សុជាតិ​អាយុ​២៥​ឆ្នាំ ជា​​អ្នក​បើក​ឡាន នៅ​សង្កាត់​ត្រពាំង​ក្រសាំង​ និង​ឈ្មោះ ថន វណ្ណៈ អាយុ​២៤​ឆ្នាំ​ ជា​ព្រូឡាន​ដែល​ទាំង​២​នាក់​ស្នាក់​នៅ​ខណ្ឌ​ពោធិ៍សែនជ័យ​ រាជធានី​ភ្នំពេញ​។​ ឯវត្ថុ​តាង​រឹបអូស​បាន​មាន​ម៉ូតូ​វីវ៉ា​មួយ​គ្រឿង​និង​ម៉ូតូ​ស្កូប​ពី​មួយ​គ្រឿង​។

មន្រ្តី​នគរបាល​ប្រាប់​ថា កាល​ពី​ម៉ោង​ជិត​១០​យប់ ​ថ្ងៃ​ទី២៦ ខែ​មីនា ជន​សង្ស័យ​ទាំង​៣​នាក់​ បាន​ជិះ​ម៉ូតូ​២​គ្រឿង​ម៉ាក​វីវ៉ា​និង​ស្កូបពី ទៅ​មុខ​វត្ត​សំរោង​អណ្តែត ​ក្នុង​ភូមិ​រោងចក្រ សង្កាត់​ភ្នំពេញ​ថ្មី ខណ្ឌ​សែនសុខ​ត្រូវ​សមត្ថកិច្ច​ឃាត់​ឆែកឆេរ។ ខណៈ​នោះ​គូកន​ម្នាក់​ដែល​ជិះ​ម៉ូតូ​វីវ៉ា​ខាង​ក្រោយ បាន​ដក​កាំភ្លើង​ខ្លី​ភ្ជង់​សមត្ថកិច្ច​ឲ្យ​លើក​ដែរ រួច​ក៏​ស្ទុះ​ឡើង​ជិះ​ម៉ូតូ​ស្កូប​ពី រត់​ចូល​ក្នុង​ដីឡូត៍​មួយ​កន្លែង ​តែ​ត្រូវ​សមត្ថកិច្ច​ចាប់​បាន​២នាក់​ ឯគូកន​ម្នាក់​ទៀត​រត់​ចូល​ក្នុង​ព្រៃរ​បោះ និង​បាន​បាញ់​តដៃ​ជាមួយ​សមត្ថកិច្ច​ជាច្រើន​គ្រាប់។​

មន្រ្តី​នគរបាល​បន្ត​ថា​ ក្នុង​ប្រតិបត្តិការ​នោះ​មាន​កម្លាំង​ប្រដាប់​អាវុធ​ មាន​ប៉ូលិស​ និង​ប៉េអឹម​ប្រមាណ​ជា​១០០​នាក់ មាន​ទាំង​កម្លាំង​ក្រុង​ផង ធ្វើ​ការ​ឡោម​ព័ទ្ធ​ប្រើ​រយៈ​ពេល​ជិត ៣ ម៉ោង​នោះ​សមត្ថកិច្ច​ពុំ​ហ៊ាន​ចូល​រុករក​នៅ​ក្នុង​ព្រៃ​ទេ ព្រោះ​ជន​សង្ស័យ​មាន​កាំភ្លើង ណា​មួយ​យប់​ងងឹត​ផង ក៏​សម្រេច​ចិត្ត​ដុត​ព្រៃ​និង​នាំ​គ្នា​ដក​ថយ​ទៅ​វិញ៕

អត្ថបទគួរចាប់អារម្មណ៍