ភ្នំពេញៈ ក្នុង​រយៈពេល​ពីរ​ថ្ងៃ​នៃ​ព្រះរាជ​ពិធី​បុណ្យ​អុំទូក អកអំបុក​ សំពះ​ព្រះខែ សមត្ថកិច្ច​បាន​ឃាត់​ខ្លួន​ជនសង្ស័យ​​ចំនួន ១០ នាក់​ដែល​ប៉ុនប៉ង​លួច​ខ្សែ​ក ឬ​លូក​ហោប៉ៅ និង​បាន​សង្គ្រោះ​ពិនិត្យ​ព្យាបាល​ជំងឺ​ពលរដ្ឋ​ដែល​ដើរ​កម្សាន្ត​បាន​ជិត ៦ ​ពាន់​​នាក់​ខណៈ​គ្រោះថ្នាក់​ចរាចរណ៍​នៅ​ទូទាំង​ប្រទេស​មាន​ការ​ថយ​ចុះ​នៅ​ពេល​ដែល​សំរាម​ត្រូវ​បាន​គេ​បោះ​ចោល​ពាសវាល​ពាសកាល​ហើយ​កម្មករ​​ដែល​បាន​បោស​សំរាម​ទម្លាក់​ចូល​ទៅ​ក្នុង​ទន្លេ​ដែល​ត្រូវ​បាន​ថត​ និង​បង្ហោះ​នៅ​ក្នុង​បណ្ដាញ​​សង្គម​ទទួល​រង​នូវ​ការ​រិះគន់​យ៉ាង​ខ្លាំង​។