The Phnom Penh Post Search

Search form




Logo of Phnom Penh Post newspaper Phnom Penh Post - ជិត​អស់​ពេល​វេលា​សម្រាប់​សកម្មជន​ពិភាក្សា អំពី​នយោបាយ កេរ្តិ៍​ឈ្មោះ និង​អនាគត

ជិត​អស់​ពេល​វេលា​សម្រាប់​សកម្មជន​ពិភាក្សា អំពី​នយោបាយ កេរ្តិ៍​ឈ្មោះ និង​អនាគត

លោក អាឡិច បាន​ផ្តល់​បទ​សម្ភាស​ជាមួយ​អ្នក​យក​ព័ត៌មាន ភ្នំពេញ ប៉ុស្តិ៍ អំពី​ការ​អស់​សុពលភាព​ទិដ្ឋាការ។
លោក អាឡិច បាន​ផ្តល់​បទ​សម្ភាស​ជាមួយ​អ្នក​យក​ព័ត៌មាន ភ្នំពេញ ប៉ុស្តិ៍ អំពី​ការ​អស់​សុពលភាព​ទិដ្ឋាការ។ ហេង ជីវ័ន

ជិត​អស់​ពេល​វេលា​សម្រាប់​សកម្មជន​ពិភាក្សា អំពី​នយោបាយ កេរ្តិ៍​ឈ្មោះ និង​អនាគត

គិត​មក​ដល់​ថ្ងៃ​នេះ លោក Alex Gonzalez-Davidson ដែល​ជា​សកម្មជន​បរិស្ថាន​លេច​ធ្លោ​ម្នាក់ និង​ជា​ស្ថាបនិក​អង្គការ​មាតា​ធម្មជាតិ កំពុង​តែ​រស់​​នៅ​ក្នុង​ប្រទេស​កម្ពុជា ផ្អែក​លើ​ទិដ្ឋាការ​ដែល​ផុត​កំណត់។

ជនជាតិ​អេស្ប៉ាញ រូប​នេះ កំពុង​ត្រូវ​បាន​បង្ខំ​ឲ្យ​ចាក​ចេញ​ពី​ប្រទេស បន្ទាប់​ពី​លោក ស ខេង រដ្ឋ​មន្ត្រី​ក្រសួង​មហាផ្ទៃ បាន​បដិសេធ​ពាក្យ​សុំ​បន្ត​ទិដ្ឋាការ​របស់​លោក បន្ទាប់​ពី​មាន​បណ្តឹង​ពី​អាជ្ញាធរ ខេត្ត​កោះកុង។

រដ្ឋាភិបាល​អះអាង​ថា គាត់​នឹង​ត្រូវ​បាន​អនុញ្ញាត​ឲ្យ​វិល​ចូល​ប្រទេស​វិញ ប្រសិន​បើ​គាត់​ចាក​ចេញ​ភ្លាមៗ ប៉ុន្តែ បាន​បញ្ជាក់​ថា ប្រសិន​បើ​គាត់​រង់ចាំ​ឲ្យ​គេ​និរទេស គាត់​នឹង​ត្រូវ​បាន​ហាម​ឃាត់​មិន​ឲ្យ​ចូល​វិញ​ទេ។

ភ្នំពេញ ប៉ុស្តិ៍ បាន​សម្ភាស​លោក Gonzalez-Davidson កាល​ពី​ម្សិល​មិញ​អំពី​បញ្ហា​នេះ កេរ្តិ៍​ឈ្មោះ​លើ​បណ្តាញ​សង្គម និង​ថា តើ​អ្វី​នឹង​កើត​ឡើង ចំពោះ​ការ​ប្រយុទ្ធ​ការពារ​ជ្រលង​អារ៉ែង ពី​ទំនប់​វារី​អគ្គិសនី ប្រសិន​បើ​គេ​បង្ខំ​លោក​ចាក​ចេញពី​ប្រទេស​កម្ពុជា?

តើ​លោក​នឹង​ចាក​ចេញ​ពី​កម្ពុជា​ដោយ​ស្ម័គ្រ​ចិត្ត​ដែរ​ឬ​ទេ?

ប្រសិន​បើ​ខ្ញុំ​នៅ​ថៃ ឬ​នៅ​អេស្ប៉ាញ ខ្ញុំ​នឹង​មិន​ដេក​ស្រួល​ឡើយ ខ្ញុំ​មិន​យល់​ថា ស្រួល​ទេ ពេល​នៅ​ឆ្ងាយ។ ដូច្នេះ ខ្ញុំ​បាន​សម្រេច​ចិត្ត​ថា ខ្ញុំ​នឹង​មិន​ទៅ​ទីណា​ទេ លើក​លែង​តែ​គេ​មក​ចាប់​ខ្ញុំ ហើយ​យក​ខ្ញុំ​ទៅ​ព្រំដែន ឬ​ទៅ​អាកាស​យានដ្ឋាន។ ខ្ញុំ​នឹង​នៅ​បន្ត​ឲ្យ​បាន​យូរ​តាម​ដែល​អាច​ធ្វើ​ទៅ​បាន។ ខ្ញុំ​ដឹង​ថា តាម​ច្បាប់ ខ្ញុំ​មាន​រយៈ​ពេល ៣៧ ថ្ងៃ (បន្ទាប់​ពី​ទិដ្ឋាការ​ខ្ញុំ​ផុត​កំណត់) ហើយ​បន្ទាប់​ពី​មិន ច្បាស់​លាស់ មាន​ដំណោះស្រាយ​ដទៃ​ទៀត​ផង​ដែរ ដែល​ខ្ញុំ​សង្ឃឹម​ថា នឹង​កើត​ឡើង​ប៉ុន្មាន​ថ្ងៃ ឬ​សប្តាហ៍​ទៀត គឺ​ការ​បន្ត​ទិដ្ឋាការ​ជាថ្មី។

តើ​លោក​មាន​ក្តី​សង្ឃឹម​ថា នឹង​ត្រូវ​បាន​អនុញ្ញាត​ឲ្យ​មក​កម្ពុជា​វិញ​ដូច​រដ្ឋាភិបាល​និយាយ​ទេ?

ចំពោះ​ខ្ញុំ នោះ​គ្រាន់​តែ​ជា​លេស។ ខ្ញុំ​បាន​បន្ត​ទិដ្ឋាការ​ខ្ញុំ​អស់​រយៈ​ពេល ១២ ឆ្នាំ​មក​ហើយ គេ​មិន​ដែល​បដិសេធ​ទេ។ ដូច្នេះ ខ្ញុំ​សង្ស័យ​ណាស់​ដែល គេ​ថា អ្នក​ត្រូវ​ចេញ​ទៅ​ប្រហែល​មួយ​សប្តាហ៍ ហើយ​ចូល​មក​កម្ពុជា​វិញ។ ខ្ញុំ​គិត​ថា នោះ​គ្រាន់​តែ​ជា​លេស។ គេ​មិន​អនុញ្ញាត​ឲ្យ​ខ្ញុំ​ចូល​វិញ​ទេ។ ហេតុ​អ្វី​គេ​ត្រូវ​អនុញ្ញាត​ឲ្យ​ខ្ញុំ​ចូល​វិញ?

តើ​លោក​គិត​ថា ហេតុ​អ្វី​រដ្ឋាភិបាល​មាន​ចំណាត់​ការ​លើ​រូប​លោក?

ខ្ញុំ​មិន​ដឹង​ច្បាស់​ទេ។ ពេល​យើង​ចាប់ផ្តើម​យុទ្ធនាការ។ ខ្ញុំ​មិន​ដែល​គិត​ថា ករណី​នេះ​នឹង​ធំ​បែប​នេះ​ទេ។ ខ្ញុំ​គិត​ថា វីដេអូ​លើ Facebook គឺជា​រឿង​ធំ។ គឺមាន​ប្រជាជន​កម្ពុជា​រាប់​លាន​នាក់​តាម​ដាន។ ហើយ​ច្បាស់​ណាស់ យើង​មិន​ត្រឹម​តែ​ពាក់ព័ន្ធ​នឹង​យុទ្ធនាការ​នៅ​ជ្រលង​អារ៉ែង​ទេ។ យើង​ក៏​ចូល​រួម​ក្នុង​យុទ្ធនាការ​ប្រឆាំង​ការ​បូម​ខ្សាច់ យើង​ក៏​ចូល​រួម​នៅ​បទុម​សាគរ ដែល​គេ​កំពុង​ប្រព្រឹត្ត​បទ​ល្មើស​ប្រឆាំង​មនុស្ស​ជាតិ ការ​និរទេស​ដោយ​បង្ខំ។ ហើយ​គេ​មិន​និយាយ​បែប​នោះ​ទេ ប៉ុន្តែ​អាជ្ញាធរ​នៅ​កោះកុង​ពិត​ជា​ខ្លាច​ចលនា​មាតា​ធម្មជាតិ ព្រោះ​យើង​កំពុង​ពង្រីក​នៅ​កោះកុង។ ហើយ​គេ​ដឹង​ថា គេ​នឹង​ជួប​ការ​លំបាក​ក្នុង​ការ​ធ្វើ​អាជីវកម្ម​អាក្រក់​របស់​ពួកគេ ប្រសិន​បើ​គេ​មិន​ចាត់​ការ Alexទេ។ អ្វី​ដែល​គេ​មិន​ដឹង​នោះ គឺថា Alex គ្រាន់​តែ​ជា​មនុស្ស​ម្នាក់​ក្នុង​ចំណោម​មនុស្ស​ជាច្រើន​ដែល​ចូល​រួម។

តើ​លោក​មាន​ប្រតិកម្ម​បែបណា​ចំពោះ​អ្នក​ទាំង​ឡាយ​ដែល​និយាយ​ថា ជន​បរទេស​មិន​គួរ​ពាក់ព័ន្ធ​នឹង​សកម្មភាព​ប្រឈម​បែប​នេះ​នៅ​កម្ពុជា?

ខ្ញុំ​គិត​ថា ប្រសិន​បើ​អ្នក​សម្លឹង​មើល​អ្វី​ដែល​កំពុង​កើត​ឡើង​ជុំវិញ​ពិភពលោក ខ្ញុំ​គិត​ថា ការ​លើក​ឡើង​បែប​នោះ​គឺ​គ្មាន​ន័យ​ទេ។ ខ្ញុំ​ចង់​និយាយ​ថា ប្រសិន​បើ​កម្ពុជា​គឺជា​ប្រទេស​លទិ្ធ​ប្រជាធិបតេយ្យ​ដូច​ដែល​គេ​អះអាង​នោះ នោះ​មិន​ត្រឹម​តែ​ជា​សិទិ្ធ​ទេ។ ហើយ​ក្នុង​ចិត្ត​ខ្ញុំ ខ្ញុំ​បាន​នៅ​ទីនោះ​យូរ​ហើយ ហើយ​ខ្ញុំ​ចាត់​ទុក​ខ្លួន​ឯង​ជា​ជន​កម្ពុជា​ម្នាក់។ដូច្នេះ ពេល​គេ​និយាយ​ថា «អ្នក​ជា​ជន​បរទេស ទៅ​អេស្ប៉ាញ វិញ​ហើយ​ការពារ​ព្រៃឈើ​នៅ​ទីនោះ ខ្ញុំ​ដូច​ជា អ្នក​និយាយ​ឥត​ន័យ។ ខ្ញុំ​ជា​ជន​កម្ពុជា ហើយ​ខ្ញុំ​ការពារ​ព្រៃឈើ​ខ្ញុំ។ អ្នក​ខ្លះ​ថា អ្នក​គ្មាន​ការ​ទទួល​ខុស​ត្រូវ ព្រោះ​អ្នក​អាច​ចាក​ចេញ​ពី​កម្ពុជា ប៉ុន្តែ អ្នក​បាន​ដឹក​នាំ​ប្រជាជន​កម្ពុជា​ទាំង​អស់​នេះ តាម​រយៈ​ការ​ប្រយុទ្ធ​នេះ ហើយ​គេ​មិន​អាច​ចាក​ចេញ​បាន​ទេ។ ខ្ញុំ​ចង់​និយាយ​ថា តាម​ពិត ខ្ញុំ​អាច​ចាក​ចេញ​ទៅ​បាន ហើយ​ខ្ញុំ​មិន​បាន​ចាក​ចេញ បញ្ជាក់​ថា ខ្ញុំ​កំពុង​ធ្វើ​ឲ្យ​បាន​ច្រើន​តាម​ដែល​ខ្ញុំ​អាច​ធ្វើ​ទៅ​បាន។

ខ្ញុំ​កំពុង​ប្រឈម​នឹង​ករណី​អាច​ស្លាប់ ឬ​គេ​ចាប់​ខ្លួន ហើយ​ប្រសិន​បើ​ខ្ញុំ​ចាក​ចេញ​ពី​កម្ពុជា ហើយ​បន្ទាប់​មក កំហឹង​របស់​រដ្ឋ​ជះ លើ​ពួក​គេ ... នោះ​គឺជា​អ្វី​ដែល​ខ្ញុំ​បាន​និយាយ​ជាមួយ​ពួកគេ​ពីមុន ហើយ​គេ​រីករាយ​នឹង​ប្រឈម​ផល​វិបាក។ គេ​នឹង​បន្ត​យុទ្ធនាការ។ ខ្ញុំ​មិន​ជំរុញ​ពួកគេ​ធ្វើ​អ្វី​ទេ។ វា​ផ្ទុយ​ទៅ​វិញ។ យើង​ជំរុញ​ប្រជាជន​ឲ្យ​ចេញ​ឆ្ងាយ​ពី​យើង ហើយ​យើង​រក្សា​សមាជិក​ក្រុម​ឲ្យ​កាន់​តែ​តិច។ ដូច្នេះ នេះ​មិន​មែន​ជា​ការ​ទាញ​ហេតុ​ផល​ត្រឹម​ត្រូវ​ទេ។

លោក​គិត​ថា មាន​តម្លៃ​កេរ្តិ៍​ឈ្មោះ​ខ្លះ​ទេ ចំពោះ​ជន​បរទេស​ដែល​និយាយ​ខ្មែរ​ស្ទាត់​ហើយ​ប្រយុទ្ធ​ប្រឆាំង​នឹង​រដ្ឋាភិបាល?

ខ្ញុំ​គិត​ថា មាន​តម្លៃ​កេរ្តិ៍​ឈ្មោះ​ខ្លាំង ហើយ​ពេល​ខ្លះ ជា​ការ​ខ្មាស​អៀន​ដែល​ឃើញ​មុខ​របស់​អ្នក​ផ្ទាល់​លើ Facebook ជាប់។ គេ​គូរ​អំពី «ខ្ញុំ​ជា​អារ៉ែង។ ខ្ញុំ​ជា​ព្រៃឈើ​ចុង​ក្រោយ។ ខ្ញុំ​ជា​ជន​កម្ពុជា ហើយ​ខ្ញុំ​ចង់​ការពារ​ព្រៃ​ឈើ​នោះ»។ គេ​គូរ​អំពី​លោក Alex ទេ។ ប៉ុន្តែ ប្រសិន​បើ​ពី​លោក Alex ហើយ​ទន្ទឹម​នឹង​នេះ គេ​ភ្ជាប់​យុទ្ធនាការ​ប្រឆាំង​ទំនប់​អារ៉ែង​ទៅ​នឹង​លោក Alex អ៊ីចឹង​គួរ​ធ្វើ​វា​ជា​បណ្តោះ​អាសន្ន។ ប៉ុន្តែ វា​នឹង​វិវត្ត។ ខ្ញុំ​នឹង​ធានា​ថា វា​វិវត្ត ហើយ​ក្លាយ​ជា​រឿង​ពី​ជន​កម្ពុជា និង​ពី​អ្នក​ដែល​ចង់​សង្គ្រោះ​ធម្មជាតិ​ជា​ទូទៅ។ ខ្ញុំ​សង្ឃឹម​ថា វា​នឹង​ងាក​ចេញ​ពី​បញ្ហា​ជា​បុគ្គល​នេះ ប៉ុន្តែ​ប្រសិន​បើ​ឥឡូវ​នេះ វា​ជា​បញ្ហា​បុគ្គល​នោះ ក៏​ថា​បាន។ វា​មិន​មែន​ជា​បញ្ហា​ធំ​ទេ៕

អត្ថបទគួរចាប់អារម្មណ៍