The Phnom Penh Post Search

Search form




Logo of Phnom Penh Post newspaper Phnom Penh Post - ជិះម៉ូតូ​ប៉ះដៃ​ចង្កូត​ខ្ទាត​ចូល​ឡាន​ស្លាប់ ២​របួស ៤ នាក់




ជិះម៉ូតូ​ប៉ះដៃ​ចង្កូត​ខ្ទាត​ចូល​ឡាន​ស្លាប់ ២​របួស ៤ នាក់

ជិះម៉ូតូ​ប៉ះដៃ​ចង្កូត​ខ្ទាត​ចូល​ឡាន​ស្លាប់ ២​របួស ៤ នាក់

ស្វាយរៀងៈ ជន​រងគ្រោះ​ជា​កម្មករ​២នាក់​បង​ប្អូន​ត្រូវ​រថយន្ត​កិន​ស្លាប់ ឯអ្នក​ជិះ​ម៉ូតូ​៤នាក់​ទៀត​រង​របួស​ធ្ងន់ ខណៈ​ជន​រងគ្រោះ​ជិះ​ម៉ូតូ​ស្រប​គ្នា​ហើយ​ប៉ះ​ដៃ​ចង្កូត​គ្នា​ដួល​លើ​ផ្លូវ​ជាតិ​លេខ១ ត្រូវ​រថយន្ត​មក​ពី​ក្រោយ​កិន​នៅ​ម្តុំ​ភូមិ​ព្រៃ​ទប់ ក្រុង​បាវិត កាល​ពី​ថ្ងៃ​ទី១៤ ខែ​មករា។

លោក អ៊ុច សារ៉ន នាយ​ប៉ូលិស​ចរាចរណ៍​ផ្លូវគោក​ខេត្ត​ស្វាយ​រៀង​បាន​ប្រាប់​ថា អ្នក​ស្លាប់​ឈ្មោះ ញឹក វី អាយុ​២១​ឆ្នាំ​ជា​បង​និង​ប្អូន​ប្រុស ញឹក ផ្លិត អាយុ​១៨​ឆ្នាំ​នៅ​ភូមិ​រវៀង​សង្កាត់​ព្រៃ​អង្គុញ ក្រុង​បាវិត។ រីឯ​ជន​រង​របួស​មាន​ឈ្មោះ សុច ចិន្ថា ភេទ​ស្រី អាយុ​២៥ឆ្នាំ, រស់ សារី ភេទ​ស្រី​ អាយុ​២៨​ឆ្នាំ ទាំង​២នាក់​មាន​ទីលំនៅ​ភូមិ​សាលា​ទៀន សង្កាត់​ច្រក​ម្ទេស ក្រុង​បាវិត និង​ជឹង ផល្លា​ភេទស្រី អាយុ​១៩ឆ្នាំ និង គឹម អ៊ីដាង ភេទ​ស្រី អាយុ​១៨​ឆ្នាំ​នៅ​ភូមិ​កើត​ហេតុ។

លោកបន្តថា ៖ «ជន​រងគ្រោះ​២នាក់​បង​ប្អូន​ត្រូវ​ឡាន​កិន​ចំ​ក្បាល​និង​កិន ចំពោះ​ស្លាប់ ព្រោះ​គេ​ទាំង​ពីរ​ដួល​ដេក​ក្បែរ​គ្នា ប៉ុន្តែ​រថយន្ត​បង្ក​បាន​បើក​គេច​បាត់​មុន​សមត្ថកិច្ច​ទៅ​ដល់។ រីឯ​ជន​រងគ្រោះ​៤​នាក់​ទៀត​បាន​ដួល​ទៅ​ម្ខាង​ថ្នល់​ផុត​ពី​កង់​រថយន្ត»។

លោក ជា ស៊ីណា អធិការ​ក្រុង​បាវិត​បាន​ឲ្យ​ដឹង​ថា មុន​កើត​ហេតុ គេ​ឃើញ​ម៉ូតូ​២គ្រឿង មួយ​ម៉ាក​សាលូស​និង​មួយ​ទៀត​ម៉ាក​ស្ប៉ាក បើក​ស្រប​គ្នា​តាម​ផ្លូវជាតិ​លេខ១ លុះ​មក​ដល់​ចំណុច​កើត​ហេតុ​ម៉ូតូ​ទាំង​ពីរ​បាន​ប៉ះ​ដៃ​គ្នា​បណ្ដាល ឲ្យ​ដួល ខ្ទាត​ទៅ​ត្រូវ​អ្នក​ឈរ​នៅ​ចិញ្ចើម​ផ្លូវ​ក្បែរ​នោះ​២នាក់ ហើយ​អ្នក​ជិះ​ម៉ូតូ​ស្ប៉ាក​បាន​ខ្ទាត​ទៅ​លើ​ផ្លូវ​ចំ​ពេល​ឡាន ១គ្រឿង​មក​ដល់ ក៏​កិន​ពី​លើ​ស្លាប់​ទាំង​២នាក់។

លោកថា ជន​រងគ្រោះជា​កម្មករ​កាត់ដេរ​និង​បាន​ឌុប​គ្នា​ទៅ​ធ្វើ​ការ​នៅ​រោងចក្រ ក្នុង​តំបន់​សេដ្ឋកិច្ច​ពិសេស​ក្រុង​បាវិត។ រថយន្ត​បន្ទាប់​ពី​បង្ក​ហេតុ​បាន​បើក​គេច​បាត់ រីឯ​អ្នក​របួស​ត្រូវ​ដឹក​ទៅ​សង្គ្រោះ​នៅ​មន្ទីរពេទ្យ​ខេត្ត៕

អត្ថបទគួរចាប់អារម្មណ៍