The Phnom Penh Post Search

Search form

Logo of Phnom Penh Post newspaper Phnom Penh Post - ជុំ​វិញ​ការ​សោយ​ទិ​វង្គ​ត​​​ព្រះ​មហា​វីរក្សត្រ ​​​នរោត្តម សីហនុ​

ជុំ​វិញ​ការ​សោយ​ទិ​វង្គ​ត​​​ព្រះ​មហា​វីរក្សត្រ ​​​នរោត្តម សីហនុ​

ជុំ​វិញ​ការ​សោយ​ទិ​វង្គ​ត​​​ព្រះ​មហា​វីរក្សត្រ ​​​នរោត្តម សីហនុ​

121018_04f
121018_04f

លោក ខៀវ កាញារីទ្ធ រដ្ឋ​មន្ត្រី​ក្រសួង​ព័ត៌មានក្នុង​បទ​សម្ភាស​ជាមួយ​បណ្តាញ​ព័ត៌មាន​ក្នុង​ស្រុក​ ៖ «ការ​បាត់បង់​ព្រះ​មហាវីរក្សត្រ ជាការ​បាត់​បង់​និមិត្ត​រូប វីរបុរស​ជាតិ​ ដែល​ជា​គំរូ​ដ៏​វាងវៃ ក្នុង​ការ​ដឹក​នាំ​ប្រជាជាតិ ដឹក​នាំ​នយោបាយ និង​សង្គម...។ ការ​សោយ​ទិវង្គត​របស់​ព្រះ​អង្គ មិន​ជា​ការ​បារម្ភ​ទេ ប៉ុន្តែ​ វា​ជា​កម្លាំង​ចលករ​ជំរុញ​ឲ្យ​ខ្មែរ​ខិត​ជិត​គ្នា និង​ជាមោទនភាព​ក្នុង​ការ​រួប​រួម​កម្លាំង​នយោបាយ...»។

 

121018_04d
121018_04d

លោក ម៉ឺន វាសនា អាយុ​៧១​ឆ្នាំ អតីត​ទាហាន​ហ្លួង ឆ្នាំ​១៩៦៥ នៅ​ភ្នំពេញ៖«​ខ្ញុំ​មាន​ក្ដី​សោកស្ដាយ​ជា​ពន់ពេក​។ ព្រះ​អង្គ​បាន​ធ្វើ​ពលិកម្ម​ជាច្រើន​ដើម្បី​បុព្វហេតុ​ជាតិ សាសនា និង​ប្រជារាស្ត្រ។ ​ទ្រង់​ទាមទារ​ឯក​រាជជាតិ​ពី​អាណា​និគម​បារាំង​ដោយ​សន្តិ​វិធី​ និង​បាន​ទាមទារ​ទឹក​ដី​មួយ​ចំនួន​ពី​សៀម​ផង​។ ព្រះ​អង្គ​បង្កើត​រោងចក្រ​សហគ្រាស​ផ្ដល់​ការងារ​ជា​ច្រើន​ដល់​ប្រជា​ពលរដ្ឋ​ និង​ការ​អភិវឌ្ឍជាតិ»។

 

121018_04e
121018_04e

លោក វណ្ណ ម៉ូលីវណ្ណ អតីត​កំពូល​ស្ថាបត្យករ​ខ្មែរ ៖ «ខ្ញុំ​សោក​ស្តាយ​ព្រះ​មហាវីរក្សត្រ​យ៉ាង​ខ្លាំង វា​ជា​ការ​បាត់បង់​កំពូល​អ្នក​ដឹកនាំ​មួយ​ប្រកប​ដោយ​ភាព​ឈ្លាសវៃ។ ខ្ញុំ​នៅ​ចាំ​ថា នៅ​ក្នុង​សម័យ​សង្គម​រាស្រ្ត​និយម​របស់​ព្រះ អង្គ សំណង់​ស្ថាបត្យកម្ម​ធំៗ រីក​ចម្រើន​គួរ​ឲ្យ​ស្ងើច​សរសើរ ដែល​ព្រះ​អង្គ​បាន​ផ្តើម​គំនិត​ចាត់​ឲ្យ​ខ្ញុំ​សាងសង់​។ ការ​ដឹក​នាំ​របស់​ព្រះ​អង្គ មិន​អាច​បំភ្លេច​បាន​រហូត​ដល់​ពេល​បច្ចុប្បន្ន»។

 

121018_04g
121018_04g

លោក ដួង ភឹម  អាយុ​៦៩​ឆ្នាំ អតីត​ទាហាន​ហ្លួង ឆ្នាំ​១៩៦៥​ នៅ​ខេត្ត​តាកែវ៖ «ប្រជា​ពលរដ្ឋ​ទាំង​នគរ សុទ្ធ​តែ​មាន​ក្ដី​សោក​សង្វេគ​ក្នុង​ចិត្ត ពេល​ដែល​ដឹង​ថា​ ព្រះ​បាទ នរោត្ដម សីហនុ​ សោយទិវង្គត។ ខ្ញុំ​យល់​ថា​ គ្មាន​មេ​ដឹក​នាំ​ណា​ក្នុង​លោក​នេះ ​ទាមទារ​ឯក​រាជ​ជាតិ​បាន ​ដោយ​គ្មាន​ការ​បង្ហូរ​ឈាម​ដូច​ព្រះ​អង្គ​ឡើយ។ ក្រោម​ការ​គ្រប់គ្រង​របស់​ព្រះ​អង្គ​ប្រជា​រាស្ត្រ រស់​នៅ​បាន​សេចក្ដី​សុខ និង​កក់​ក្ដៅ​គ្រប់ៗ​គ្នា»។

 

121018_04a
121018_04a

លោក ឡៅ ម៉ុងហៃ អ្នក​វិភាគ​សង្គម ឯករាជ្យ ៖ «ព្រះ​បាទ នរោត្តម​សីហនុ ព្រះ​អង្គ​ជា​មេ​ដឹក​នាំ​ដ៏​ពូកែ​ជាង​គេ​បង្អស់​នៅ​ក្នុង​ប្រទេស​កម្ពុជា។ ​ ខ្ញុំ​បាន​ជួប​ប្រសព្វ​ម្តងម្កាល​ជាមួយ​នឹង​ព្រះ​អង្គ។ ការ​ដឹក​នាំ​របស់​ព្រះ​អង្គ ពោរពេញ​ទៅ​ដោយ​ទេពកោសល្យ ប៉ិន​ប្រសប់​និង​ឈ្លាស​វៃ​ ខ្លាំង​ណាស់។ ការ​ដឹក​នាំ​របស់​ព្រះ​អង្គ​ជា​ «មហា​គំរូ» សម្រាប់​អ្នក​ដឹក​នាំ​ជំនាន់​ក្រោយ​ធ្វើ​ការ​រៀន​សូត្រ​តាម។

 

121018_04h
121018_04h

អ្នក​ស្រី សុង​ភួង អាយុ​៧៦​ឆ្នាំ​ អតីត​កង​នារី​ក្លាហាន​ឆ្នាំ​១៩៦៣​៖ «អតីត​ព្រះ​មហាក្សត្រ​របស់​ខ្ញុំ​សោយ​ទិវង្គត ខ្ញុំ​ត្រូវ​តែ​ចូល​រួម​គោរព​វិញ្ញាណក្ខន្ធ និង​កាន់​ទុក្ខ​ ដែល​នេះ​ជា​ការ​តប​ស្នង​សង​គុណ​ចំពោះ​ទ្រង់​ដែល​បាន​ធ្វើ​ពលិកម្ម​ជា​ច្រើន​ ដើម្បី​ប្រទេស​ជាតិ​របស់​យើង​ជា​ប្រជារាស្ត្រ​។ ​ខ្ញុំ​នៅ​ចាំ​បាន​ថា ​ក្នុង​សម័យ​ព្រះ​អង្គ​ជា​ព្រះ​ប្រមុខ​រដ្ឋ យើង​ទាំង​អស់​គ្នា​រស់​នៅ​ក្នុង​សុខ​សន្តិភាព​ និង​វឌ្ឍនភាព»។

 

121018_04b
121018_04b

លោក លី ប៊ុនយីម អតីត​អ្នក​និពន្ធ​ដឹក​នាំ​ខ្សែ​ភាពយន្ត ៖ «ចំពោះ​ខ្ញុំ សូម​ព្រះ​ប្រសិទ្ធ​នាម​ព្រះ​អង្គ​មួយ​ទៀត​ថា​ជា «ព្រះបិតា​សិល្ប​ភាពយន្ត និង​ចម្រៀង»។ លោក​មិន​ចេះ​ប្រកែ​ប្រកាន់ និង​តែង​តែ​លើក​ទឹក​ចិត្ត​ដល់​អ្នក​និពន្ធ​ដឹក​នាំ​រឿង ដែល​នាំ​ឲ្យ​វិស័យ​សិល្ប​ភាពយន្ត នា​សម័យ​កាល​របស់​ព្រះ​អង្គ​មាន​ការ​រីក​ចម្រើន និង​ការ​គាំទ្រ​យ៉ាង​ខ្លាំង។ ខ្ញុំ​មាន​ការ​សោកស្តាយ​ព្រះ​អង្គ​ខ្លាំង​ណាស់​»​៕ គឹម យុទ្ធនា

 

121018_04c
121018_04c

កញ្ញា​ សូ ពណ្ណារី​ អាយុ​២៤​ឆ្នាំ នៅ​ខណ្ឌ​ទួល​គោក​រាជធានី​ភ្នំពេញ៖​ «ខ្ញុំ​ក៏​ដូច​ជា​ពលរដ្ឋ​ខ្មែរ​ទាំង​អស់​សុទ្ធតែ​មាន​ការ​សោក​ស្ដាយ​អតីត​ ព្រះ​មហាក្សត្រ សម្ដេច​ព្រះ នរោត្ដម សីហនុ ព្រោះ​ទ្រង់​បាន​សម្រេច​កិច្ចការ​គ្រប់​យ៉ាង​ជា​អត្ថប្រយោជន៍​ជាតិ​និង​ ប្រជារាស្ត្រ។ ខ្ញុំ​ដឹង​ដែរ​ថា ក្នុង​រជ្ជកាល​ព្រះ​អង្គ​មាន​ការ​អភិវឌ្ឍ​គ្រប់​វិស័យ​មាន​ វិស័យ​ទេសចរណ៍ សេដ្ឋកិច្ច​ អប់រំ ឧស្សហកម្ម និង​កសិកម្ម...»៕ សុភចរិយា

អត្ថបទគួរចាប់អារម្មណ៍