The Phnom Penh Post Search

Search form

Logo of Phnom Penh Post newspaper Phnom Penh Post - ដាច់​ចរន្ត​នៅ​វៀតណាម​បន្ត​ដាច់​ភ្លើង​នៅ​ភ្នំពេញ

ដាច់​ចរន្ត​នៅ​វៀតណាម​បន្ត​ដាច់​ភ្លើង​នៅ​ភ្នំពេញ

ដាច់​ចរន្ត​នៅ​វៀតណាម​បន្ត​ដាច់​ភ្លើង​នៅ​ភ្នំពេញ

ភ្នំពេញៈ តំបន់​ភាគ​ច្រើន​ក្នុង​រាជធានី​ភ្នំពេញ​បាន​ដាច់​ភ្លើង កាល​ពី​ម្សិលមិញ បន្ទាប់​ពី​ថាមពល​អគ្គិសនី​ដែល​ផ្គត់​ផ្គង់​ពី​វៀតណាម​ត្រូវ​បាន​កាត់​ផ្តាច់។

មន្រ្តី​មិន​បាន​បញ្ជាក់​ច្បាស់​ថា​តើ​បញ្ហា​មក​ពី​អ្វី​ទេ ប៉ុន្តែ​ក្នុង​អ៊ីមែល​ដែល​ផ្ញើ​ទៅ​អតិថិជិន​ពី​ថ្ងៃ​ពុធ ក្រុមហ៊ុន Digi ដែល​ផ្តល់​សេវា​អ៊ីនធឺណិត បញ្ជាក់​ថា មាន​បញ្ហា​ជាមួយ​នឹង​ខ្សែ​មេ​ពី​វៀតណាម ដែល​ឆ្លង​កាត់​ខេត្ត​ស្វាយរៀង។

ប៉ុន្តែ មន្រ្តី​ជាន់​ខ្ពស់​នៃ​អាជ្ញាធរ​អគ្គិសនី​កម្ពុជា EDC ដែល​សុំ​មិន​បញ្ចេញ​ឈ្មោះ ប្រាប់​ថា បញ្ហា​គឺ​ទាក់​ទង​នឹង​រោងចក្រ​មួយ​នៅ​ក្នុង​ប្រទេស​វៀតណាម​ដែល​បាន​កើត​ឡើង​នៅ​ម៉ោង​ជាង ២ រសៀល។

«កម្ពុជា ទទួល​ការ​ផ្គត់​ផ្គង់​អគ្គិសនី​១៧០​មេហ្គាវ៉ាត់​ពី​ប្រទេស​វៀតណាម ដែល​ស្មើ​នឹង​ជិត​៤០​ភាគរយ​នៃ​អគ្គិសនី​សរុប​ចំនួន​៤០០​មេហ្គាវ៉ាត់ ដូច្នេះ ការ​ដាច់​ចរន្ត​នៅ​វៀតណាម​វា​ជះ​ឥទ្ធិពល​ជា​អវិជ្ជមាន​មក​ដល់​កម្ពុជា​យើង» នេះ​ជា​សម្ដី​របស់​មន្ត្រី​ជាន់​ខ្ពស់ EDC ម្នាក់ ដែល​សុំ​មិន​បញ្ចេញ​ឈ្មោះ​បាន​ប្រាប់​ភ្នំពេញ ប៉ុស្តិ៍​ពី​យប់​មិញ។

លោក​បន្ត​ថា​៖«ឥឡូវ​នេះ ពួក​គេ​កំពុង​ស្ដារ​អគ្គិសនី​គេ​ឡើង​វិញ ហើយ​យើង​ក៏​ស្ដារ​ថាមពល​អគ្គិសនី​យើង​សម្រាប់​ផ្គត់​ផ្គង់​នៅ​តំបន់​សំខាន់ៗ​ក្នុង​រាជធានី​នេះ»។

លោក​បន្ថែម​ថា៖«នៅ​ខែ​កក្កដា ខាង​មុខ​នេះ​កម្ពុជា​នឹង​លែង​មាន​បញ្ហា​ប្រឈម​នឹង​កង្វះ​អគ្គិសនី​ប្រើ​ប្រាស់​ទៀត​ហើយ ខណៈ​វារី​អគ្គិសនី​កំចាយ​និង​រោងចក្រ​អគ្គិសនី​ដើរ​ដោយ​ថាមពល​ធ្យូង​ថ្ម​របស់​យើង​ចាប់​ផ្ដើម​ដំណើរ​ការ​»។

ក្នុង​អ៊ីមែល​មួយ​ក្រុមហ៊ុន Digi ប្រាប់​ថា ការ​ដាច់​ភ្លើង​នេះ​ពុំ​ធ្លាប់​មាន​ពី​មុន​មក​ទេ ហើយ​បាន​ដាច់​នៅ​ទូទាំង​ទីក្រុង​។ មាន​ការ​ខក​ចិត្ត​ខ្លាំង​ក្នុង​ទីក្រុង​ភ្នំពេញ ក្នុង​រដូវ​ក្តៅ​នេះ​ដោយ​សារ​តែ​ការ​ដាច់​ចរន្ត​អគ្គិសនី​ញឹក​ញាប់៕ TK

អត្ថបទគួរចាប់អារម្មណ៍