The Phnom Penh Post Search

Search form




Logo of Phnom Penh Post newspaper Phnom Penh Post - ដី​សម្បទាន​នៅ​កម្ពុជា​ស្ទើរ​ទាំង​អស់​ប៉ះ​ពាល់​និង​ធ្វើ​ឲ្យ​ពលរដ្ឋ​កាន់​តែ​ក្រ

ដី​សម្បទាន​នៅ​កម្ពុជា​ស្ទើរ​ទាំង​អស់​ប៉ះ​ពាល់​និង​ធ្វើ​ឲ្យ​ពលរដ្ឋ​កាន់​តែ​ក្រ

សម្បទាន​ដី​តំបន់​បុរីកីឡា​ធ្វើ​ឲ្យ​ពលរដ្ឋ​មួយ​ចំនួន​អត់​ទី​ជម្រក​ដល់​សព្វ​ថ្ងៃ។
សម្បទាន​ដី​តំបន់​បុរីកីឡា​ធ្វើ​ឲ្យ​ពលរដ្ឋ​មួយ​ចំនួន​អត់​ទី​ជម្រក​ដល់​សព្វ​ថ្ងៃ។ ហេង ជីវ័ន

ដី​សម្បទាន​នៅ​កម្ពុជា​ស្ទើរ​ទាំង​អស់​ប៉ះ​ពាល់​និង​ធ្វើ​ឲ្យ​ពលរដ្ឋ​កាន់​តែ​ក្រ

ភ្នំពេញៈ សម្បទាន​ដី​សេដ្ឋកិច្ច​នៅ​ប្រទេស​កម្ពុជា ស្ទើរ​តែ ១០០ ភាគរយ​ពាក់​ព័ន្ធ​នឹង​អចលន​ទ្រព្យ​ដែល​មាន​ម្ចាស់​កាន់​កាប់​ឬ​មាន​អ្នក​ស្រុក​រស់​នៅ ដោយ​មិន​មាន​ការ​សួរ​នាំ​ឬ​ការ​ពិគ្រោះ​យោបល់ ហើយ​ត្រូវ​បាន​គេ​បណ្តេញ​ចេញ​ពី​ដី​និង​ធ្វើ​ឲ្យ​ជីវភាព​ពួក​គេ​កាន់​តែ​ដុន​ដាប។ នេះ​បើ​យោង​តាម​របាយ​ការណ៍​ថ្មី​មួយ​របស់​អង្គការ​ក្រៅ​រដ្ឋាភិបាល​មួយ​ដែល​ធ្វើ​ការ​លើ​ការងារ​នេះ។

របាយ​ការណ៍​របស់​អង្គការ​គោល​នយោបាយ​ដីធ្លី និង​អង្គការ​គំនិត​ផ្តួច​ផ្តើម​និង​ធនធាន បាន​រក​ឃើញ​ថា គំរូ​នេះ​ជា​រឿង​ធម្មតា ក្នុង​ការ​ធ្វើ​សម្បទាន​ចំនួន ៧៣០០០ នៅ​ក្នុង​ប្រទេស​ចំនួន ៨ ដែល​គេ​បាន​សិក្សា​និង​បាន​រក​ឃើញ​ថា ជាង ៩៣ ភាគ​រយ ពាក់​ព័ន្ធ​នឹង​ដី​ដែល​មាន​មនុស្ស​រស់​នៅ។

របាយ​ការណ៍​នេះ​បន្ត​ទៀត​ថា ជម្លោះ​រវាង​ក្រុម​ហ៊ុន​និង​សហគមន៍​នៅ​ក្នុង​ប្រទេស​មួយ​និង​សម្រាប់​គម្រោង​មួយ បាន​ចំណាយ​គិត​ជា​មធ្យម ១០០ លាន​ដុល្លារ​ក្នុង​មួយ​ឆ្នាំ។

លោក Andy White អ្នក​សម្រប​សម្រួល​សិទ្ធិ​និង​ធនធាន​បាន​ថ្លែង​ថា៖ «ជម្លោះ​ទាំង​អស់​នេះ​និង​ហានិភ័យ​ផ្នែក​ហិរញ្ញវត្ថុ​ដែល​វិនិយោគិន​ប្រឈម​មុខ គឺ​អាច​ចៀស​ផុត​បាន។ ក្រុម​ហ៊ុន​និង​រដ្ឋាភិបាល​ដែល​ជាប់​ពាក់​ព័ន្ធ​ចាំ​បាច់​ត្រូវ​គោរព​ទាំង​ស្រុង ហើយ​ជនជាតិ​ដើម​ភាគ​តិច​និង​សហគមន៍​ព្រៃ​ឈើ នៅ​គ្រប់​ទិដ្ឋភាព​នៃ​ការ​ធ្វើ​វិនិយោគ​មិន​មែន​ជា​អ្នក​ឈរ​មើល​ហេតុ​ការណ៍​ដែល​គេ​ទុក​ដោយ​ឡែក​ទេ»។

ការ​វិភាគ​ពី​ជម្លោះ​ដី​សម្បទាន​ចំនួន ១០០ ករណី​ដែល​មាន ៣ ករណី​នៅ​កម្ពុជា ក្រុម​អ្នក​ស្រាវជ្រាវ​បាន​រក​ឃើញ​ពី​របៀប​និង​មូល​ហេតុ​ដែល​នាំ​ឲ្យ​កើត​មាន​ទំនាស់។ ភាគ​ច្រើន​នៃ​ជម្លោះ​នេះ បាន​វិវត្ត​នៅ​ក្នុង​ដំណាក់​កាល​ដំបូង​នៅ​ពេល​ដែល​ក្រុម​ហ៊ុន​បាន​ចាប់​ផ្តើម​គម្រោង​ដោយ​សារ​មិន​បាន​ពិភាក្សា​ជាមួយ​អ្នក​ស្រុក។

របាយ​ការណ៍​នេះ​បន្ត​ដែរ​ថា៖ «ទីពីរ​គេ​អាច​កាត់​បន្ថយ ហានិភ័យ​បាន​ដោយ​រក្សា​នូវ​ស្តង់ដារ​បរិស្ថាន​ដ៏​រឹង​មាំ ព្រោះ​ច្បាប់​បរិស្ថាន គឺជា​ប្រភព​សាមញ្ញ​បំផុត​នៃ​ការ​មិន​បាន​អនុវត្ត​ពាក់​ព័ន្ធ​នឹង​ការ​ពិន័យ និង​បណ្តឹង»។ លើស​ពី​នេះ​ដោយ​គ្មាន​ទំនាក់​ទំនង​ដ៏​រឹង​មាំ​និង​ការ​បង្កើត​ឲ្យ​មាន​ទំនុក​ចិត្ត​ជាមួយ​សហគមន៍​ការ​តាំង​លំនៅ​ជា​ថ្មី និង​សំណង់​ជាដើម។

ទោះ​ជា​យ៉ាង​ណា​នៅ​កម្ពុជា អ្នក​ដែល​ត្រូវ​បណ្តេញ​ចេញ​ពី​សហគមន៍​បុរី​កីឡា នឹង​ត្រូវ​បាន​សន្យា​ថា ផ្តល់​លំនៅឋាន​ជា​ថ្មី​កាល​ពី ឆ្នាំ​២០០៣ ហើយ​ដែល​មើល​ឃើញ​ថា ពួក​គាត់​ត្រូវ​គេ​បោះ​បង់​ចោល បន្ទាប់​ពី​ក្រុម​ហ៊ុន​ប្រកាស​ពី​ភាព​ក្ស័យធន បាន​ឱ្យ​ដឹង​ថា បញ្ហា​នេះ​គឺ​មក​ពី​គ្មាន​ការ​ទទួល​ខុស​ត្រូវ។

លោក ឆាយ គឹមហ៊ន ជា​តំណាង​ឲ្យ​ពលរដ្ឋ​នៅ​សហគមន៍​បុរី​កីឡា បាន​លើក​ឡើង​ថា៖ «ប្រសិន​បើ​ក្រុម​ហ៊ុន​និង​មន្ត្រី​រាជ​រដ្ឋាភិបាល​គោរព​និង​អនុវត្ត​កិច្ច​ព្រម​ព្រៀង​ដែល​ធ្វើ​ជាមួយ​សហគមន៍​នោះ ពលរដ្ឋ​យើង​នឹង​ទទួល​បាន​ផល​ប្រយោជន៍​ច្រើន​ពី​គម្រោង​នេះ។ លោក គឹមហ៊ន បន្ត​ថា៖ «គឺ​អាជ្ញាធរ​និង​ក្រុម​ហ៊ុន​ទេ ដែល​បាន​ធ្វើ​ឲ្យ​យើង​មាន​ការ​ខក​ចិត្ត​កន្លង​មក​នេះ»៕

រាយការណ៍​បន្ថែម​ដោយៈ ឃុត សុភចរិយា

អត្ថបទគួរចាប់អារម្មណ៍