The Phnom Penh Post Search

Search form

តុលាការ​កោះកុង​ចោទ​លោក​ អាឡិច និង​ព្រះសង្ឃ ២ អង្គ​ពី​បទ​សម​គំនិត

Content image - Phnom Penh Post
លោក​ អាឡិច ត្រូវ​បាន​អាជ្ញាធរ​​ចាប់​​ខ្លួន​ និង​បណ្តេញ​ចេញ​​ពី​កម្ពុជា​កាលពី​ខែ​កុម្ភៈ​ឆ្នាំ​មុន។ រូបថត សហការី

តុលាការ​កោះកុង​ចោទ​លោក​ អាឡិច និង​ព្រះសង្ឃ ២ អង្គ​ពី​បទ​សម​គំនិត

កោះកុងៈ គ្រួសារ​សកម្មជន​បរិស្ថាន​កំពុង​ជាប់​ឃុំ​បាន​ឲ្យ​ដឹង​ថា​តុលាការ​ខេត្ត​កោះកុង​បាន​សម្រេច​ចោទប្រកាន់​សកម្មជន​បរិស្ថាន​លោក អាឡិច និង​​ព្រះសង្ឃ​​ ២ ​អង្គ​ទៀត​ពី​បទ​សមគំនិត​លើ​សំណុំ​រឿង​ប្រឆាំង​នឹង​ការ​បូម​ខ្សាច់​​។

កាលពី​ខែ​សីហា​ឆ្នាំ​ ២០១៥ ព្រះរាជ​អាជ្ញា​បាន​ចោទប្រកាន់​សកម្មជន​ចលនា​មាតា​ធម្មជាតិ​លោក ទ្រី សុវិគា លោក សាន់ ម៉ាឡា និង​​ ស៊ឹម សំណាង​ពី​បទ «គំរាម​កំហែង​ថា​នឹង​ធ្វើ​ឲ្យ​ខូចខាត​ដែល​​ភា្ជប់​នឹង​បញ្ជា​អ្វី​មួយ» ក្នុង​អំឡុង​ពេល​ពួកគេ​ធ្វើ​យុទ្ធនាការ​ទប់ស្កាត់​ការ​បូម​ខ្សាច់​នៅក្នុង​ខេត្ត​កោះកុង​។

អ្នកស្រី ថា សុភា ភរិយា​លោក ស៊ឹម សំណាង បាន​ឲ្យ​ដឹង​កាលពី​ថ្ងៃ​ម្សិលមិញ​ថា​បើ​តាម​ប្តី​អ្នកស្រី​មនុស្ស​ ៣ ​រូប​ទៀត​ត្រូវ​បាន​តុលាការ​សម្រេច​​ចោទប្រកាន់​​ពី​​បទ​ «សមគំនិត»​ ក្នុង​សំណុំ​រឿង​នេះ​រួម​មាន​លោក អាឡិច​ និង​​ព្រះសង្ឃ​​ពីរ​អង្គ​ ដែល​ធ្លាប់​ចូលរួម​យ៉ាង​សកម្ម​ក្នុង​ការ​ការពារ​ធនធាន​ធម្មជាតិ​នៅ​តំបន់​អារ៉ែង។ អ្នកស្រី​ថា​៖ «​គេ​ថា​ប្តី​ខ្ញុំ​ធ្វើ​សកម្មភាព​តវ៉ា​ហ្នឹង​​មាន​ពួកគាត់​ទាំង​ ៣ ​​នៅ​ពី​ក្រោយ​»។

លោក អាឡិចហ្សង់ ដ្រូ ហ្គន់សាឡេស ជា​ស្ថាបនិក​ចលនា​​មាតា​​ធម្មជាតិ​បាន​ថ្លែង​ថា​លោក​ចង់​ត្រឡប់​មក​កម្ពុជា​វិញ​ដើម្បី​ស្វែងរក​ភាពយុត្តិធម៌​ជុំវិញ​ការ​ចោទប្រកាន់​នេះ។ លោក​ថា៖ «ខ្ញុំ​មិន​​ខ្លាច​ការ​​ឃុំ​​ខ្លួន​​​ឡើយ»។

លោក​ អាឡិច ត្រូវ​បាន​អាជ្ញាធរ​​ចាប់​​ខ្លួន​ និង​បណ្តេញ​ចេញ​​ពី​កម្ពុជា​កាលពី​ខែ​កុម្ភៈ​ឆ្នាំ​ ២០១៥។

ប្រធាន​សាលា​ដំបូង​ខេត្ត​កោះកុង​លោក ហួន ម៉ានី បាន​ថ្លែង​ថា «ខ្ញុំ​មិន​ដឹង​​ដែរ​ព្រោះ​ដីកា​មិន​ទាន់​ដល់​ដៃ​ខ្ញុំ​ផង​បើ​មាន​ចោទប្រកាន់​បន្ថែម​អាច​ចោទប្រកាន់​អ្នក​នៅ​ពី​ក្រោយ​ខ្នង​ព្រោះ​ស៊ើប​ទៅ​មាន​​អ្នក​ឧបត្ថម្ភ​លុយ»។

ចៅក្រម​ស៊ើបសួរ​​ឈ្មោះ​ ឈុន ដាវី ដែល​កាន់​សំណុំ​រឿង​នេះ​ពុំ​អាច​សុំ​ការ​បញ្ជាក់​បាន​ទេ៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។