ភ្នំពេញៈ សាលា​ដំបូង​រាជធានី​បាន​ចេញ​ដីកា​កោះ​ហៅ​លោក​ កឹម សុខា និង​តំណាង​រាស្ត្រ​គណបក្ស​ប្រឆាំង​ ២ ​រូប​ទៀត​ដែល​មាន​អភ័យ​ឯក​សិទ្ធិ​ឲ្យ​ចូល​បំភ្លឺ​ក្នុង​សំណុំ​រឿង​ដែល​មជ្ឈដ្ឋាន​ជាច្រើន​ចាត់​ទុក​ថា​គឺជា​រឿង​នយោបាយ​ខណៈ​ដែល​ក្រុម​តំណាងរាស្ត្រ​គណបក្ស​សង្គ្រោះ​ជាតិ​បាន​ធ្វើការ​ថ្កោល​ទោស​ចំពោះ​អង្គភាព​ប្រឆាំង​អំពើ​ពុករលួយ និង​សុំ​ឲ្យ​តុលាការ​ទម្លាក់​ចោល​រាល់​បទ​ចោទ​ប្រកាន់​ទាំងអស់​ និង​​ត្រូវ​ដោះ​លែង​ដោយ​គ្មាន​លក្ខខណ្ឌ​នូវ​មន្ត្រី​អង្គការ​សិទ្ធិ​មនុស្ស​ និង​សកម្មជន​គណបក្ស​ប្រឆាំង​ដែល​ត្រូវ​បាន​ចោទ​ប្រកាន់ និង​ឃុំ​ខ្លួន​ជា​បន្ត​បន្ទាប់​កន្លង​មក​នេះ​។