ភ្នំពេញៈ ចៅក្រម​សាលា​ដំបូង​រាជធានី​ភ្នំពេញ​សម្រេច​បិទ​ការ​ស៊ើបសួរ​ករណី​ចោទ​ប្រកាន់​ប្រធាន​គណបក្ស​សង្គ្រោះ​ជាតិ​លោក សម រង្ស៊ី ដែល​កំពុង​និរទេស​ខ្លួន​​ថា​បាន​សមគំនិត​ក្លែងបន្លំ​ឯកសារ​សន្ធិ​សញ្ញា​ព្រំដែន​កម្ពុជា និង​វៀតណាម​​ ខណៈ​តុលាការ​ក៏​គ្រោង​ជំនុំ​ជម្រះ​រឿង​ក្តី​លោក សម រង្ស៊ី មួយ​ករណី​ទៀត​នៅ​ចុង​ខែ​នេះ​ដែល​ប្តឹង​ដោយ​មេធាវី គី តិច តំណាង​ឱ្យ​ប្រធាន​រដ្ឋសភា​លោក ហេង សំរិន ពី​បទ​បរិហារកេរ្តិ៍​ជា​សាធារណៈ​។