ភ្នំពេញៈ សាលា​ដំបូង​រាជធានី​បាន​កោះ​ហៅ​កញ្ញា ខុម ចាន់តារ៉ាទី ហៅ​ ស្រី មុំ ដែល​​រង​ការ​ចោទ​ថា​មាន​ស្នេហា​លួច​លាក់​ជាមួយ​លោក កឹម សុខា ប្រធាន​ស្តីទី​គណបក្ស​សង្គ្រោះជាតិ​ជា​លើក​ទី​ពីរ​ឱ្យ​ចូល​បំភ្លឺ​នៅ​ថ្ងៃ​ស្អែក​នេះ​ពាក់ព័ន្ធ​នឹង​បទចោទ​ផ្តល់​សក្ខីកម្ម​ក្លែង​ និង​អំពើ​ពេស្យាចារ​បន្ទាប់ពី​ ស្រីមុំ បាន​ស្នើសុំ​ពន្យារ​ពេល​ម្តង​រួច​មក​ហើយ​ដោយ​ពុំ​ទាន់​រក​មេធាវី​បាន​ខណៈ​ដែល​មជ្ឈដ្ឋាន​ជាច្រើន​បាន​ចាត់​ទុក​​ករណី​នេះ​ថា​ត្រូវ​បាន​គេ​ធ្វើ​ឲ្យ​ឡប់ឡែ​ទៅ​ជា​រឿង​នយោបាយ​។