The Phnom Penh Post Search

Search form




Logo of Phnom Penh Post newspaper Phnom Penh Post - តំណាងរាស្ត្រ​ដែល​ត្រូវ​បាន​ចាប់​ខ្លួន​​កំពុង​​ស្ថិត​ក្នុងដៃ​ចៅ​ក្រម​ស៊ើប​សួរ​

តំណាងរាស្ត្រ​ដែល​ត្រូវ​បាន​ចាប់​ខ្លួន​​កំពុង​​ស្ថិត​ក្នុងដៃ​ចៅ​ក្រម​ស៊ើប​សួរ​

តំណាងរាស្ត្រ​ដែល​ត្រូវ​បាន​ចាប់​ខ្លួន​​កំពុង​​ស្ថិត​ក្នុងដៃ​ចៅ​ក្រម​ស៊ើប​សួរ​

ភ្នំពេញៈ ព្រះ​រាជអាជ្ញា​នៅ​សាលា​ដំបូង​រាជ​ធានី​ភ្នំពេញ​បាន​ធ្វើ​ការ​សាកសួរ​ចប់​សព្វ​គ្រប់​ហើយ​ចំពោះ​តំណាង​រាស្ត្រ​ជាប់​ឆ្នោត​ទាំង​៥​រូប​របស់​គណបក្ស​សង្គ្រោះ​ជាតិ​ នៅ​រសៀល​ថ្ងៃ​ពុធ​នេះ​ នេះ​បើ​តាម​ការ​ឲ្យ​ពី​លោក​មេធាវី​កែត​ ឃី​។

លោក​ កែត​ ឃី ដែល​ជា​តំណាង​រាស្ត្រ​ជាប់​ឆ្នោត​របស់​គណបក្ស​សង្គ្រោះ​ផង​ដែរ​នោះ​បាន​ឲ្យ​ដឹង​ថា​ ចៅ​ក្រម​ស៊ើប​សួរ​តុលាការ​ក្រុង​ភ្នំពេញ​ បាន​នឹង​កំពុង​សាក​សួរ​បន្ត​ទៅ​ដល់​អ្នក​តំណាង​រាស្ត្រ​ទាំង​៥​រូប​នោះ​​ ប៉ុន្តែ​មិន​ដឹង​ថា​ តើ​ចៅ​ក្រម​ស៊ើប​សួរ​និង​ធ្វើ​ការ​ចោទ​ប្រកាន់​បែបណា​នោះ​ឡើយ​។ លោក​បាន​ថ្លែង​ថា ៖«​ខ្ញុំ​កំពុង​ធ្វើ​ការ​រឿង​នេះ​»។​

សូម​ជម្រាប​ថា អ្នក​តំណាង​រាស្ត្រ​៥​រូប ដែល​បាន​ចាប់​ខ្លួន​នាំ​ឡើង​តុលាការ​នោះ​ រួមមាន​លោកស្រី មូរ សុខ​ហួ លោក មែន សុថា​វ​រិន្ទ្រ លោក ហូរ វ៉ាន់ លោក កែវ ភី​រម្យ និង​លោក រៀល ខេ​មរិ​ន្ទ្រ។ តំណាងរាស្ត្រ​ទាំងនេះ រង​បទ​ចោទ ប្រកាន់​ពី​បទ​ញុះ​ញង់​បង្ក​ហឹង្សារ​ដែល​មាន​ស្ថាន​ទម្ងន់​ទោស​ និង បទ​រារាំង​កិច្ច​ការ​មន្ត្រី​សាធារណៈ​ នេះ​បើ​យោង​ទៅ​តាម​​ដើម​បណ្តឹង​ជាកង​សន្តិសុខ​ខណ្ឌ​ដូនពេញ​ ​ជន​រងគ្រោះ​ក្នុង​ករណី​បង្ក​អំពើហិង្សា​។

ករណី​ហិង្សា​នេះ បាន​កើតឡើង​នៅ​ឯ​ទីលាន​ប្រជាធិបតេយ្យ ខណៈ​ដែល​អ្នកគាំទ្រ​គណបក្ស​សង្គ្រោះ​ជាតិ​ប្រហែល​៤០០​នាក់ បាន​ប៉ះទង្គិច​ជាមួយ​នឹង​ឆ្មាំសន្តិសុខ របស់​សាលា​រាជធានី​ភ្នំពេញ បណ្តាល​ឲ្យ​បាតុករ​សង្គ្រោះ​ជាតិ​របួស​១៤​នាក់ និង​ឆ្មាំសន្តិសុខ​៣៩​នាក់​រងរបួស ហើយ​ក្នុងនោះ​សន្តិសុខ​របួសធ្ងន់​៣នាក់៕

អត្ថបទគួរចាប់អារម្មណ៍