ស្រះកែវ/ប៉ោយប៉ែត៖ អាជីវករ​ខ្មែរ​ ២ ​នាក់​​ ដែល​ត្រូវ​បាន​ឃាត់​ខ្លួន​ដោយ​នគរបាល​ថៃ​ បន្ទាប់​ពី​មាន​ការ​ប៉ះ​ទង្កិច​រវាង​ក្រុម​អាជីវករ​ខ្មែរ និង​សមត្ថកិច្ច​ថៃ​នៅ​ក្នុង​ផ្សា​រ៉ុងក្លឿ​​ ក្នុង​ស្រុក​អារញ្ញ​កាល​ពី​ថ្ងៃ​ពុធ ត្រូវ​បាន​តុលាការ​ខេត្ត​ស្រះ​កែវ ចោទ​ប្រកាន់​ពី​បទ​បំផ្លាញ​​កម្មសិទ្ធិ​ឯកជន កាល​​ពី​​ម្សិលមិញ​ ខណៈ​ដែល ក្រុម​នគរបាល​ថៃ​កំពុង​តែ​ស្វែង​រក​ចាប់​ខ្លួន​អ្នក​ដទៃ​ទៀត​ដែល​បាន​វាយ​ប្រហារ​មក​លើ​សមត្ថកិច្ច​របស់​ខ្លួន។ នេះ​បើ​យោង​ទៅ​​តាម​ការ​ឲ្យ​ដឹង​របស់​លោក អ៊ឺ សុផល អធិការ​ក្រុង​ប៉ោយ​ប៉ែត និង​អ្នក​នាំ​ពាក្យ​ក្រសួង​ការ​បរទេស។