.jpg)
គ្រូពេទ្យយកសំណាកពីក្មេងប្រុសម្នាក់រស់នៅម្ដុំផ្សារចាស់ ដើម្បីធ្វើតេស្តរកមេរោគកូវីដ ១៩ នាពេលកន្លងមក។ ហ៊ាន រង្សី
ភ្នំពេញ៖ ក្រសួងសុខាភិបាល នៅថ្ងៃទី ១៥ ខែ ឧសភា នេះ បានប្រកាសរកឃើញអ្នកឆ្លងជំងឺកូវីដ១៩ ចំនួន ៣៣៥ នាក់បន្ថែមទៀត ខណៈអ្នកជាសះស្បើយមានចំនួន ៨៧៣ និងពុំមានអ្នកស្លាប់ថ្មីដោយសារជំងឺកូវីដ១៩ឡើយ។
ក្រសួងបញ្ជាក់ថា ក្នុងចំណោមអ្នកឆ្លងថ្មី ៣៣៥ នាក់មានករណីឆ្លងក្នុងសហគមន៍ ៣២៨ នាក់ និងអ្នកដំណើរពីបរទេសចំនួន ០៧ នាក់។
ក្រសួងសុខាភិបាលឱ្យដឹងដែរថា គិតត្រឹមថ្ងៃនេះមានអ្នកឆ្លងជំងឺកូវីដ១៩ សរុបចំនួន ២១ ៨៣៤ នាក់ អ្នកជាសះស្បើយចំនួន ១០ ៧៤០ នាក់ និងអ្នកស្លាប់ ដោយសារជំងឺកាចសាហាវនេះចំនួន ១៤៧ នាក់។
យោងតាមរបាយការណ៍របស់ក្រសួងសុខាភិបាលបានឱ្យដឹងថា គិតចាប់ពីថ្ងៃទី ១០ ខែកុម្ភៈ ២០២១ ដល់ថ្ងៃទី ១៤ ខែ ឧសភា ឆ្នាំ ២០២១ ពលរដ្ឋទទួលបានការចាក់វ៉ាក់សាំងកូវីដ១៩ សរុបចំនួន ២ ១០៨ ៣១៣ នាក់។ ក្នុងនោះអ្នកចាក់វ៉ាក់សាំង Sinopharm ចំនួន ៨៩៨ ០២១ នាក់ Sinovac ចំនួន ១ ០៤៩ ២៧២ និងអ្នកចាក់វ៉ាក់សាំង Covishield (AstraZeneca) មានចំនួន ១៦១ ០២០ នាក់៕
