ភ្នំពេញៈ ទីលាន​ប្រជាធិបតេយ្យ​ដែល​ស្ថិត​នៅ​ចំ​កណ្តាល​ទីក្រុង​ក្នុង​សង្កាត់​វត្តភ្នំ ខណ្ឌ​ដូនពេញ​ដែល​ជា​កន្លែង​សម្រាប់​ពលរដ្ឋ​សម្តែង​មតិ និង​ប្រមូល​ផ្តុំ​តវ៉ា​​ប្រឆាំង​ទៅ​នឹង​អំពើ​អយុត្តិធម៌​ក្នុង​សង្គម និង​ការ​រំលោភ​បំពាន​ផ្សេងៗ​នឹង​ត្រូវ​ប្តូរ​ទៅ​ទីតាំង​ថ្មី​នៅ​តាម​បណ្តោយ​ផ្លូវ​ជាតិ​លេខ​ ៥ ដោយ​ប្រមុខ​រដ្ឋាភិបាល​អះអាង​ថា​ដើម្បី​បញ្ចៀស​ភាព​រញ៉េរញ៉ៃ និង​យក​កន្លែង​នោះ​ធ្វើ​ជា​សួនច្បារ​សម្រាប់​ប្រយោជន៍​សាធារណៈ​វិញ។ ការ​ផ្លាស់ប្តូរ​នេះ​បាន​ធ្វើ​ឱ្យ​មាន​ការ​រិះគន់​ពី​​សង្គម​ស៊ីវិល និង​សកម្មជន​ដីធ្លី​ដែល​តែង​ប្រមូល​ផ្តុំ​គ្នា​សម្តែង​មតិ​នៅ​ទី​នេះ​។