The Phnom Penh Post Search

Search form




Logo of Phnom Penh Post newspaper Phnom Penh Post - ទូត​អាមេរិក​បញ្ចេញ​ទស្សនៈ​ជុំវិញ​ការ​ប្រើ​យោធា​បង្ក្រាប​ជន​ស៊ីវិល

ទូត​អាមេរិក​បញ្ចេញ​ទស្សនៈ​ជុំវិញ​ការ​ប្រើ​យោធា​បង្ក្រាប​ជន​ស៊ីវិល

ទូត​អាមេរិក​បញ្ចេញ​ទស្សនៈ​ជុំវិញ​ការ​ប្រើ​យោធា​បង្ក្រាប​ជន​ស៊ីវិល

ភ្នំពេញៈ ឯក​អគ្គ​រដ្ឋ​ទូត​អាមេរិក​ប្រចាំ​កម្ពុជា​លោក William Todd បាន​បង្ហាញ​ទស្សនៈ​លើ​ការ​បង្ក្រាប​របស់​រដ្ឋាភិបាល​ទៅ​លើ​បាតុករ​ជា​កម្មករ​ពី​ដើម​ខែ​ថា ជា​ការ​ដើរ​ថយ​ក្រោយ​នៃ​លទ្ធិ​ប្រជាធិបតេយ្យ​នៅ​កម្ពុជា។

ក្នុង​ការ​បញ្ចេញ​ទស្សនៈ​នោះ​លោក Todd បាន​រិះគន់​ការ​ប្រើ​កម្លាំង​យោធា​របស់​រដ្ឋាភិបាល បង្ក្រាប​ការ​តវ៉ា​របស់​កម្មករ​ពី​ថ្ងៃ ទី២-៣ មករា ដែល​ធ្វើ​ឲ្យ​មនុស្ស​យ៉ាង​តិច ៤ នាក់​ស្លាប់​និង ២៦ នាក់​រង​របួស​ត្រូវ​គ្រាប់​កាំភ្លើង។

ទស្សនៈ​ចុះ​ផ្សាយ​ក្នុង​កាសែត​មួយ​នៅ​ថ្ងៃ​នេះ​ថា៖ «ខណៈ​អាមេរិក ទទួល​ស្គាល់​ការ​ទទួល​ខុស​ត្រូវ របស់​រដ្ឋាភិបាល លើ​ការ​រក្សា​សណ្តាប់ធ្នាប់​និង​ការពារ​សុខុមាលភាព​ប្រជាជន​ខ្លួន ការ​បង្ក្រាប​ត្រូវ​ធ្វើ​ក្នុង​លក្ខណៈ​មួយ​សមស្រប»។ «ផ្នែក​នៃ​ការ​អនុវត្ត ការ​អត់​ធ្មត់ គឺ​ត្រូវ​ប្រកាន់​ភ្ជាប់​តាម​គោល​ការណ៍​ដែល​ហាម​ប្រាម​ការ​ប្រើ​កម្លាំង​យោធា​តបត​ចំពោះ​វិបត្តិ​ស៊ីវិល»។

ឯក​អគ្គ​រដ្ឋ​ទូត​បន្ត​ថា លោក​ខក​ចិត្ត​យ៉ាង​ខ្លាំង ចំពោះ​ការ​សម្រេច​របស់​សាលា​រាជធានី ដែល​បាន​ហាម​មិន​ឲ្យ​គណបក្ស​ប្រឆាំង ធ្វើ​បាតុកម្ម បន្ទាប់​ពី​ការ​បោស​សម្អាត​បែប​ហិង្សា​នៅ​ទីលាន​ប្រជាធិបតេយ្យ​ពី ថ្ងៃ ទី៤ មករា និង​បាន​អំពាវនាវ​ឲ្យ​មាន​ការ​ចរចា​ជា​ថ្មី​រវាង​បក្ស​ទាំង​ពីរ។

លោក​បន្ត​ថា ការ​ចរចា​រវាង​គណបក្ស​ទាំង​ពីរ គឺ​ត្រូវ​ធ្វើ​ជា​បន្ទាន់​ហើយ​ថា ដីកា​កោះ​មេ​ដឹក​នាំ​បក្ស​ប្រឆាំង​និង​មេ​ដឹក​នាំ​សហជីព​របស់​តុលាការ​ទំនង​ជា​ប៉ះពាល់​ដល់​កិច្ច​ចរ​​នេះ។

អ្នក​នាំ​ពាក្យ​ស្ថានទូត​អាមេរិក ពី​ម្សិលមិញ សូម​មិន​មាន​មតិ​លើ​ទស្សនៈ​ខាង​លើ​នេះ​ទេ៕

អត្ថបទគួរចាប់អារម្មណ៍