The Phnom Penh Post Search

Search form

Logo of Phnom Penh Post newspaper Phnom Penh Post - ទេព វន្នី ឈ្នះ​រង្វាន់​សិទ្ធិ​មនុស្ស​នៅ​ក្នុង​មហោ​ស្រព​ភាពយន្ត

ទេព វន្នី ឈ្នះ​រង្វាន់​សិទ្ធិ​មនុស្ស​នៅ​ក្នុង​មហោ​ស្រព​ភាពយន្ត

ទេព វន្នី ឈ្នះ​រង្វាន់​សិទ្ធិ​មនុស្ស​នៅ​ក្នុង​មហោ​ស្រព​ភាពយន្ត

130329_04b
អតីតប្រមុខរដ្ឋ ខៀវ សំផន និង លោក នួន ជា ប្រធានសភា

ភ្នំពេញៈ អ្នក​ស្រី ទេព វន្នី​ មក​ពី​តំបន់​បឹង​កក់ បាន​ឈ្នះ​ជា​មួយ​សកម្មជន​ដទៃ​ទៀត​ ដោយ​ទទួល​បាន​រង្វាន់​​សិទិ្ធ​មនុស្ស​ជា​ផ្នែក​មួយ​នៃ​មហោ​ស្រព​ខ្សែ​ភាព​ យន្ត​ដែល​មាន​សារៈ​សំខាន់ (Movies that Matter Film Festival)​នៅ​ទីក្រុង​ឡាអេ ប្រទេស​ហូឡង់ កាល​ពី​យប់​ថ្ងៃ​ពុធ។

អ្នក ស្រីទេព ​វន្នី អាយុ ៣២ ឆ្នាំ ​ដែល​ធ្លាប់​ជាប់​ពន្ធនាគារ ត្រូវ​គេ​វាយ​ដំនិង​គំរាម​កំហែង​ក្នុង​អំឡុង​ពេល​តវ៉ា​ប្រឆាំង​នឹង​ ការ​បណ្តេញ​ចេញ​ពី​ដី​ធ្លី​ជា​ច្រើន​ឆ្នាំ​នោះ គឺជា​តួ​ឯក​ក្នុង​ខ្សែភាព​​យន្ត សូម្បី​តែ​បក្សី​ត្រូវ​ការ​សម្បុក ដែល​ជួយ​ឲ្យ​អ្នក​ស្រី​ឈ្នះ​រង្វាន់ Golden Butterfly : A Matter of ACT Human Right Award ​មាន​ទឹក​ប្រាក់​៥ពាន់​អឺរ៉ូ ។​

យោង​តាម​ ប្លុក​របស់​អ្នក​ស្រី មូរ សុខហួរ តំណាង​រាស្រ្ត​គណបក្ស​ប្រឆាំង ដែល​បាន​ចូល​រួម​ក្នុង​ពិធី​នោះ​ដែរ បាន​ឲ្យ​ដឹង​ថា ​អ្នក​ស្រី​​ថ្លែង​ថា៖ «​ខ្ញុំ​សូម​ថ្លែង​អំណរគុណ​ក្រុម​វិនិច្ឆ័យ​ចំពោះ​ការ​ជ្រើស​រើស​នេះ តែ​ខ្ញុំ​មិន​អាច​រីក​រាយ​ទេ ពេល​ខ្ញុំ​ដឹង​ថា សហគមន៍​ខ្ញុំ​បន្ត​តស៊ូ​ដើម្បី​យុតិ្ត​ធម៌​នោះ។ រង្វាន់​ដែល​ខ្ញុំ​បាន​ទទួល​យប់​នេះ​ ផ្តល់​កម្លាំង​ដល់​ខ្ញុំ​ថែម​ទៀត ​ក្នុង​ការ​ប្រយុទ្ធ​ដើម្បី​ឲ្យ​មាន​ការ​ដោះ​លែង​អ្នក​ស្រី យ៉ោម បុប្ផា»។

សកម្មជន​តំបន់​បឹងកក់​ម្នាក់​បាន​ថ្លែង​ថា គាត់​ភ្ញាក់​ផ្អើល​ជា​មួយ​នឹង​ភាព​រីករាយ ដែល​អ្នក​ស្រី ទេព វន្នី បាន​ឈ្នះ​រង្វាន់​សិទ្ធិ​មនុស្ស​ពី​មហោស្រព​នេះ។

អ្នក​ស្រី​បាន​ បញ្ជាក់​ថា៖ «សំខាន់​នោះ អ្នក​ស្រី​បាន​ពន្យល់​សហគមន៍​អន្តរជាតិ​នៅ​ទីនេះ អំពី​ការ​តស៊ូ​មតិ​ដោយ​សន្តិភាព​របស់​ពួក​យើង​»៕ TK

អត្ថបទគួរចាប់អារម្មណ៍