The Phnom Penh Post Search

Search form




Logo of Phnom Penh Post newspaper Phnom Penh Post - ទំព័រ​ហ្វេសប៊ុក POST KHMER មាន​អ្នក LiKe ជាង​ ២ លាន​នាក់​ហើយ

ទំព័រ​ហ្វេសប៊ុក POST KHMER មាន​អ្នក LiKe ជាង​ ២ លាន​នាក់​ហើយ

Content image - Phnom Penh Post

ទំព័រ​ហ្វេសប៊ុក POST KHMER មាន​អ្នក LiKe ជាង​ ២ លាន​នាក់​ហើយ

ភ្នំពេញៈ ខណៈ​ដែល​​អ្នក​នយោបាយ​​ខ្មែរ​កំពុង​ព្យាយាម​ទាញ​ប្រជាប្រិយភាព​តាមរយៈ​បណ្តាញ​សង្គម​ហ្វេសប៊ុក​ទំព័រ​ហ្វេសប៊ុក Post Khmer របស់​​កាសែត​​ភ្នំពេញ ប៉ុស្តិ៍ ជា​ភាសា​ខ្មែរ​ដែល​​ប្រើ​ប្រាស់​សម្រាប់​​ចែកចាយ និង​ផ្តល់​ព័ត៌មាន​ពិត និង​ឯករាជ្យ​ដល់​អ្នក​​អាន​តាម​បណ្តាញ​អ៊ីនធឺណិត​មាន​ចំនួន​អ្នក Like រហូត​ដល់​ជាង ២០០៣​ ១៦៨ នាក់​ដែរ​ហើយ​គិត​ត្រឹម​ម៉ោង ៥ ល្ងាច​ថ្ងៃ​ម្សិលមិញ។

ដ្បិត​មិន​ទាន់​បាន​ទទួល​ការ​បញ្ជាក់​ជា «ផ្លូវ​ការ» ​ពី​ក្រុមហ៊ុន​ហ្វេសប៊ុក​មេ​ទំព័រ​ហ្វេសប៊ុក Post Khmer ដែល​បាន​បង្កើត​ឡើង​ក្នុង​អំឡុង​ឆ្នាំ ២០១២ បាន​​ទទួល​ការ​គាំទ្រ និង​​ប្រជាប្រិយភាព​យ៉ាង​​ខ្លាំង​លើ​ព័ត៌មាន​នយោបាយ​ដែល​ឥត​លម្អៀង បទ​វិភាគ​ស៊ីជម្រៅ ព័ត៌មាន​សេដ្ឋកិច្ច អចលនទ្រព្យ​​ឈាន​មុខ​គេ និង​ព័ត៌មាន​បែប​ជីវិត​កម្សាន្ត​ដ៏​សម្បូរបែប​សម្រាប់​ផ្តល់​ជូន​ជា​ចំណេះដឹង​ការ​កម្សាន្ត​ និង​ការ​អប់រំ​ដែល​អាច​បំពេញ​ដល់​​គ្រប់​ចំណង់​ចំណូល​ចិត្ត​របស់​អ្នក​អាន​ទាំងអស់​។

នៅក្នុង​របាយការណ៍​អង្កេត​ប្រចាំ​ខែ​មួយ​របស់​អង្គការ​មូលនិធិ​អាស៊ី (The Asia Foundation) ទៅ​លើ​​បណ្តាញ​សង្គម Facebook ខ្មែរ​ចំនួន ២០ ដែល​កំពុង​ពេញ​និយម​នៅក្នុង​ប្រទេស​កម្ពុជា​ចេញ​ផ្សាយ​កាលពី​ខែ​ធ្នូ ឆ្នាំ​មុន​បាន​រកឃើញ​ថា​អំពើ​ឧក្រិដ្ឋកម្ម​ជម្លោះ​ព្រំដែន និង​គ្រោះថ្នាក់​ចរាចរណ៍​បាន​ក្លាយ​ជា​ប្រធានបទ​ដែល​ទទួល​បាន​ការ​ព្រួយបារម្ភ​ច្រើន​ជាង​គេ​នៅ​ក្នុង​ប្រទេស​កម្ពុជា។

សម្រាប់​អ្នក​នយោបាយ​ប្រព័ន្ធ​ផ្សព្វផ្សាយ​សង្គម​គឺជា​ឱកាស​មួយ​ដែល​ជួយ​ឲ្យ​ពួក​គេ​បាន​យល់​​ដឹង​ពី​អ្វី​ដែល​ប្រជាជន​ភាគច្រើន​និយម​ចាប់​អារម្មណ៍។ ប្រព័ន្ធ​ផ្សព្វផ្សាយ​សង្គម​កំពុង​តែ​បាន​ក្លាយ​ទៅ​ជា​វេទិកា​របស់​ប្រជាពលរដ្ឋ​កម្ពុជា​សម្រាប់​ពិភាក្សា​អំពី​បញ្ហា​សំខាន់ៗ​នានា​ដែល​មាន​ឥទ្ធិពល​មក​លើ​ពួកគេ​ផង​ដែរ​។

យោង​តាម​ Socialbaker.com គេហទំព័រ​ផ្តល់​ទិន្នន័យ​ពី​បណ្តាញ​សង្គម និង​អ៊ីនធឺណិត​ទូទាំង​ពិភពលោក​បាន​ឲ្យ​ដឹង​ដែរ​ថា​គិត​ត្រឹម​​ថ្ងៃ​ម្សិលមិញ​ទំព័រ​ហ្វេសប៊ុក Post Khmer ស្ថិត​ក្នុង​លំដាប់​ទី ៦ ក្នុង​ចំណោម​ទំព័រ​ហ្វេសប៊ុក​ទាំងអស់​ដែល​មាន​ចំនួន​អ្នក Like ច្រើន​ជាង​គេ​នៅក្នុង​ប្រទេស​កម្ពុជា​ខណៈ​ទំព័រ​ហ្វេសប៊ុក​របស់ VOA ឈរ​នៅ​លេខ ១, តារា​ចម្រៀង​ពេញ​និយម​កញ្ញា​ មាស សុខសោភា ឈរ​នៅ​​លេខ ២, លោក​នាយករដ្ឋមន្ត្រី ហ៊ុន សែន លេខ ៣, ប្រធាន​គណបក្ស​ប្រឆាំង លោក សម រង្ស៊ី លេខ ៤ និង​ទំព័រ​ហ្វេសប៊ុក​របស់​វិទ្យុ​អាស៊ី​សេរី លេខ ៥។

ទិន្នន័យ​ចុង​ក្រោយ​បង្អស់​ស្តីពី​ប្រព័ន្ធ​ទំនាក់ទំនង​អេឡិចត្រូនិក​នៅ​ប្រទេស​កម្ពុជា​បាន​បង្ហាញ​ដែរ​ថា​ក្នុង​ចំណោម​ប្រជាពលរដ្ឋ​សរុប ១៥,៤ លាន​នាក់​មាន​​អ្នក​មាន​លទ្ធភាព​ប្រើប្រាស់​ប្រព័ន្ធ​អ៊ីនធឺណិត​​ប្រមាណ ៥ លាន​នាក់​ខណៈ​អ្នក​ប្រើប្រាស់​បណ្តាញ​សង្គម​មាន​ ៣,៤ លាន​នាក់​ក្នុង​នោះ​អ្នក​ប្រើប្រាស់​បណ្តាញ​សង្គម (ហ្វេសប៊ុក) តាម​ទូរស័ព្ទ​ដៃ​មាន ២,៩ លាន​នាក់។ ទិន្នន័យ​ទាំង​នេះ Post Khmer ទាញ​​យក​ចំណែក​​បាន​​ជាង ៦០ ភាគរយ ៕

អត្ថបទគួរចាប់អារម្មណ៍