The Phnom Penh Post Search

Search form




Logo of Phnom Penh Post newspaper Phnom Penh Post - នគរបាល​ជំនាញ​ ចាប់ផ្ដើម​ត្រួតពិនិត្យ​ទីតាំង​លក់​ហ្គាស​នៅ​ភ្នំពេញ




នគរបាល​ជំនាញ​ ចាប់ផ្ដើម​ត្រួតពិនិត្យ​ទីតាំង​លក់​ហ្គាស​នៅ​ភ្នំពេញ

Content image - Phnom Penh Post
ទីតាំង​លក់​ធុងហ្គាស​មួយកន្លែង​នៅ​រាជធានី​ភ្នំពេញ​។ ហេង ជីវ័ន

នគរបាល​ជំនាញ​ ចាប់ផ្ដើម​ត្រួតពិនិត្យ​ទីតាំង​លក់​ហ្គាស​នៅ​ភ្នំពេញ

ភ្នំពេញៈ កម្លាំង​ជំនាញ​នគរបាល​បង្ការ​ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ​បាន​ចាប់ផ្ដើម​ចាត់វិធានការ​ចុះ​ត្រួតពិនិត្យ​ទីតាំង​លក់​ហ្គាស​នៅក្នុង​រាជធានី​ភ្នំពេញ ក្រោយពី​ពិនិត្យឃើញថា មាន​ទីតាំង​មួយចំនួន​ខ្វះខាត​ស្តង់ដា​បច្ចេកទេស​ដែល​អាច​នឹង​ងាយ​បង្ក​គ្រោះថ្នាក់​ដល់​ជីវិត​មនុស្ស និង​ទ្រព្យសម្បត្តិ​។

លោក ព្រហ្ម យ៉ន នាយការិយាល័យ​នគរបាល​បង្ការ​ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ​បាន​ឲ្យ​ដឹងថា កម្លាំង​ជំនាញ​បាន​ចុះ​ត្រួតពិនិត្យ​ទីតាំង​លក់​ហ្គាស​ ៧ ​កន្លែង​ នៅក្នុង​ខណ្ឌដូនពេញ​ក្នុង​សង្កាត់​ផ្សារកណ្ដាល​ទី​ ១ ផ្សារកណ្តាល​ទី​ ២ ផ្សារ​ចាស់ និង​សង្កាត់​ជ័យជម្រះ បាន​រកឃើញ​ទីតាំង​ ២ ​កន្លែង​គ្មាន​ច្បាប់​ត្រឹមត្រូវ​។

លោក យ៉ន ថ្លែង​ថា​៖ «​មកទល់ពេលនេះ​មាន​រយៈពេល​ជិត​ ១ ​ខែ​ហើយ​ដែល​ក្រុម​កម្លាំង​ជំនាញ​បាន​សហការ​ជាមួយ​កម្លាំង​សមត្ថកិច្ច​ខណ្ឌ និង​ប៉ុស្តិ៍​ចុះ​ត្រួតពិនិត្យ​ទីតាំង​លក់​ហ្គាស​។ ដំបូង​យើង​កំណត់​យក​ខណ្ឌ​ដែល​ស្ថិតនៅ​កណ្តាល​រាជធានី​ភ្នំពេញ​មុនគេ ហើយ​ក្នុង​នោះ​ខណ្ឌ​ដូនពេញ​ជា​គោលដៅ​ដំបូង​គេ​បង្អស់ យើង​ធ្វើ​បន្តបន្ទាប់​ម្តង​ ១ ​ខណ្ឌ រហូត​ដល់​គ្រប់​ ១៤ ​ខណ្ឌ​ក្នុង​រាជធានី​ភ្នំពេញ​»​។

លោក យ៉ន បាន​ឲ្យ​ដឹង​ទៀតថា បន្ទាប់ពី​បញ្ចប់​ការចុះពិនិត្យ​នៅ​ខណ្ឌ​ដូនពេញ​នឹង​បន្តទៅ​ខណ្ឌ​បឹងកេងកង ក្រោយ​ពេល​បុណ្យ​ភ្ជុំបិណ្ឌ​បញ្ចប់​ទៅ​។

លោក ព្រហ្ម យ៉ន បញ្ជាក់ថា ២ ​ទីតាំង​ដែល​រកឃើញ​ថា មិនមាន​ច្បាប់​អនុញ្ញាត​នោះ​កម្លាំង​ជំនាញ​នឹង​រៀបចំ​ធ្វើ​របាយការណ៍​បញ្ជូន​ទៅ​ថ្នាក់លើ​ដើម្បី​សុំ​វិធានការ​ចុះ​ធ្វើការ​បន្តទៀត​។

នៅក្នុង​កិច្ចប្រជុំ​កាលពី​ខែ​​សីហា​កន្លង​មក​នេះ អភិបាល​រាជធានី​ភ្នំពេញ​លោក​ ឃួង ស្រេង បាន​ណែនាំ​ដល់​មន្ទីរជំនាញ​ត្រូវ​លុបបំបាត់​កន្លែង​លក់​ហ្គាស​បែប​អនាធិបតេយ្យ​ឱ្យ​អស់ពី​ក្នុង​ភូមិសាស្ត្រ​រាជធានី​ភ្នំពេញ ដើម្បី​កាត់បន្ថយ​ហានិភ័យ​គ្រោះថ្នាក់​ដល់​ប្រជាពលរដ្ឋ​។

លោក ឃួង ស្រេង បាន​ឲ្យ​ដឹងថា មាន​កន្លែង​លក់ និង​បញ្ចូល​ហ្គាស​ជាច្រើន ដែល​ក្នុង​នោះ​កន្លែង​ខ្លះ​គ្មាន​ស្តង់ដា​បច្ចេកទេស ប្រើប្រាស់​ធុង​ហ្គាស​ចាស់ៗ គ្មាន​គុណភាព ធុង​ស្តើង ដែល​ងាយ​បង្ក​ហានិភ័យ​គ្រោះថ្នាក់​ទាំង​អ្នក​បញ្ចូល និង​អ្នកប្រើប្រាស់​។

លោក​ក៏​បាន​អំពាវនាវ​ផងដែរ​ដល់​ក្រុម​អាជីវករ​លក់​ហ្គាស​ទាំងអស់​ត្រូវ​បញ្ឈប់​ការទិញ​ធុង​ហ្គាស​ចាស់ៗ​ពី​ប្រទេស​ដទៃ ហើយ​យក​មក​បាញ់ថ្នាំ​ដើម្បី​ប្រើប្រាស់​បន្ត ព្រោះ​នេះ​គឺជា​ហានិភ័យ​គ្រោះថ្នាក់​ខ្ពស់​អាច​បង្ក​ឱ្យ​ផ្ទុះ​ធុង​ហ្គាស និង​អគ្គិភ័យ​ឆាបឆេះ​ផ្ទះសម្បែង​។

លោក យ៉ន បាន​ឲ្យ​ដឹងថា ចាប់ពី​ដើម​ឆ្នាំ​រហូត​មក​ទល់​ថ្ងៃទី​ ១០ ខែ​ កញ្ញា ឆ្នាំ​ ២០២០ ​ក្នុង​រាជធានី​ភ្នំពេញ​មាន​ករណី​ផ្ទុះ​ហ្គាស​ ៤ ​ករណី ​កើតឡើង​ហើយ​ក្នុងនោះ សង្កេត​ឃើញ​ថា ករណី​ផ្ទុះ​ធុង​ហ្គាស​គួរ​ឲ្យ​កត់សម្គាល់​ជាងគេ កើតឡើង​នៅ​ល្ងាច​ថ្ងៃទី​ ១៨ ខែ កក្កដា បណ្ដាល​ឲ្យ​មនុស្ស​ ៤ ​នាក់​ស្លាប់ និង​ ៥ ​នាក់​ទៀត​របួស​៕

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។